AMƆS 8:3 - WƖA TENIŊ

³ Yɩɩla-la ba sɩ yie yɩɩ mɩ dɩɩ-balɩŋ lɛ, tapʋlɩɩ-la ba jaŋ mɩɩra bɩrɩmɛ yele, dɩ ba ŋmoo niiŋ a yel. Nɩaa jaŋ yʋgɛ sʋʋ a su leriŋ kala dɩ leriŋ ŋaa fʋɩɩ. Mɩ-na ma TƖƖNA Wɩɩjarɩbakɔ nɛ bʋla.”

AMƆS 8:3 ပူးပေါင်းရင်းမြစ်များ

WƖA YƖƖLAA 39:9

Mɩ tɔrɛ mɩ niiŋ nɛ, mɩ bɩ wɩɩ bʋla, bɛɛ wɩaa ŋ nɛ ŋaa mɩɩ na hɛɛŋ deeŋ.

AZAAYA 37:36

Ŋɩɩ nɛ La TƖƖNA Wɩa tɩndaara mʋ lee-la Asiiria tɩŋŋaa sɩ hɔnɔ, a kpʋ ba laalɩyuoroo bʋɩ zɔlɔ arɩ mahɩŋ banɛsɛ arɩ banɔŋ. Taŋ ka pʋl dɩ lee-la kala suo arɩ sʋʋnʋŋ.

JƐRƖMAAYA 22:18

Ŋɩɩ wɩaa, wɩɩ-la La TƖƖNA sɩ bʋla tɩgɛ Juda kuoro Jehoyakim sɩ ŋaa Josaaya nanʋala lɛ nɛ ŋ-la: “Nɩaa bɩ jaŋ yel ʋ lɛ a bʋl, ‘La naambii baa!’ Ba bɩ jaŋ yel ʋ lɛ a bʋl, ‘La kʋhɩaŋ baa!’

JEMBIEE 2:10

Zaayɔŋ nɩhɩasɩŋ hɔŋ tinteeŋ nɛ a bɩ ba niiŋ wuo suri, a ŋaa kʋŋkɔlʋŋ bʋgɛ ba nyusuŋ a laalɛ tʋɔ-chei gɛnnɩŋ. Jerusalɛm hatoloo kɛŋ nyusuŋ gʋrɛ nɛ.

JOWƐL 1:11

Paaraa, má leŋ dɩ ma tʋɔŋ chei, má ŋmoo niiŋ, ma girep tɩɩ-paaraa. Má leŋ dɩ ma tʋɔŋ chei mɩaa arɩ nyonso wɩaa, bɛɛ wɩaa ba chei bagɩsɩŋ kɩalɩŋ ma sɩ jaŋ kʋŋ nɛ.

JOWƐL 1:13

Wɩɩsʋllɩ sɩpaalaaraa, má laalɛ tʋɔ-chei gɛnnɩŋ a yel, má ŋmoo niiŋ, ma nɩalɩŋ sɩɩ tɩŋ Wɩɩsʋlʋŋ koru-la lɛ. Má kɔ, a laalɛ tʋɔ-chei gɛnnɩŋ tɩtaŋɩŋ kala, ma nɩalɩŋ sɩɩ tɩŋ La TƖƖNA sɩpaaŋ, bɛɛ wɩaa, mɩaa Wɩɩsʋlʋŋ arɩ kʋnyʋalaa Wɩɩsʋlʋŋ kɩaa bɩra tuo Wɩa dɩɩ-balɩŋ lɛ.

JOWƐL 1:5

Má sii doŋ lɛ sɩ-nyʋara, a yel. Má ŋmoo niiŋ, ma nɩalɩŋ kala sɩɩ nyʋa girep nɛnɛɛ sɩnɩŋ. Má ŋmoo niiŋ a tɩŋ girep nɛnɛɛ sɩ-falɩɩ-la wɩaa, bɛɛ wɩaa ba kɛnʋ vaara laa nɛ ma niiŋ lɛ.

LEVI DOHO NƖAA 10:3

Ŋɩɩ nɛ Mosis bʋla pɩ Arɔŋ, “Wɩɩŋ deeŋ wɩaa nɛ La TƖƖNA fa bʋl ŋɩɩ, ʋ sɩ: ‘Nɩalɩŋ sɩ kʋ kpagɛmɛ, mɩ jaŋ dagɛba arɩ mɩ bɩ disiniŋ kɛnɛ. Nʋʋkala jaŋ zilmi.’ ” Ŋɩɩ nɛ Arɔŋ ŋaa chɩm.

AMƆS 4:10

La Tɩɩna bɩra sɩ, “Mɩ joŋ nyanyal bɔŋŋɔɔ hɛ ma lɛ nɛ arɩ mɩ fa sɩ ŋaa ŋɩɩ Ijipiti tɩŋŋaa lɛ. Mɩ kpʋ ma bapʋɔsaa nɛ laalɩŋ lɛ aŋ leŋ ba kɛsɛ ma janɩŋ, mɩ leŋ sʋʋnʋŋ sʋɔra su ma bugoo kala, ka ma ha vɩa dɩ ma mɩɩra kɔ mɩ teeŋ.

AMƆS 5:16

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma jaŋ nɩɩ dɩ baa ŋmoo niiŋ womporunuŋ arɩ bilii kala lɛ. Ba jaŋ paala yɩrɛ paaraa dɩ ba kʋ pɛ gɔgɔɔ lɛ dɩ ba yel kɩŋkɛŋ.

AMƆS 5:23

Má leŋ ma yɩɩlaa goŋ-la, mɩ bɩ jaŋ jegili ma chenni-la ma sɩɩ du.

AMƆS 6:4

Wɩɩŋ puu ma nɩalɩŋ sɩ kɛŋ kɩaa aa pɩŋ moribii-balaa kʋpɩnaa nyuŋ, a hɔŋ ma kumpuŋŋuba nyuŋ a kpʋ pie-nɛrɛɛ arɩ nɛ-nɛrɛɛ chɩchaŋ.

AMƆS 6:5

Ma yie yɩɩ yɩɩl-tɔɔnʋŋ a du chenniŋ hɛ, a yɩɩ yɩɩl-falaa a nagɛ Devit fa sɩɩ ŋaa ŋɩɩ.

AMƆS 6:8

La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ: “Ma Jekɔb doho nɩaa, mɩ bɛrɛ ma babii-ballɩɩ-la nɛ, a bɛrɛ ma moribiee dɩɩ-bala-la ma. Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”

AMƆS 8:10

Mɩ jaŋ leŋ dɩ ma Wɩɩchʋɔlɛ gbielee kala bɩrɩmɛ yoho. Ma yɩɩlaa ma kala jaŋ bɩrɩmɛ yele. Ma jaŋ laalɛ tʋɔ-chei gɛnnɩŋ aŋ fʋŋ ma nyusuŋ a nagɛ nʋʋ sɩ lʋl ʋ hambolibii-bala ʋ sʋʋ ʋ yiyel. Tapʋlɩɩ-la dɩdɛrɩŋ jaŋ lɔrɛ.”

NAHUM 3:3

Ja-jɩllaa lɔgɛ ba janɩŋ hɛ nɛ, tokobiee lɩlɩgɩsɛ, tiŋŋee ma tʋtʋl. Nɩalɩŋ ba sɩ bolimo yʋga, sʋʋnʋŋ daŋ dɔŋɔ lɛ a paala bɩ nii kɛnɛ, nɩaa nʋɔsa bɩbal.

ZEFANAAYA 1:7

Má ŋaa fʋɩɩ La TƖƖNA Wɩɩjarɩbakɔ sɩpaaŋ, bɛɛ wɩaa La TƖƖNA tapʋlʋŋ kpaga nɛ. La TƖƖNA fa leŋe ʋ nɩaa nagɛ pʋsʋŋ nɛ dɩ ba kpʋ a lɩɩsɛ nɩalɩŋ ma sɩ jaŋ kpʋba.