AMƆS 7:7 - WƖA TENIŊ

⁷ La Tɩɩna bɩra leŋ mɩ na wɩɩŋ deeŋ ma a nagɛ duosoo tʋɔŋ: Mɩ na La Tɩɩna chɩŋ jeeŋ sɛmɛ a kori ŋmɛŋ-la dɩɩ-saaraa sɩ kaa magɩsɛ jeeŋ a sɩsaa.

AMƆS 7:7 ပူးပေါင်းရင်းမြစ်များ

WƖAA DƖ-SUOMUŊ 28:13

Ka ʋ na La TƖƖNA dɩ ʋ chɩna a chuguli lusuŋ-chol-la nyuŋ a bʋl, “Mɩ nɛ ŋaa ma TƖƖNA, ma nyɩmma Abɩraham arɩ Aɩzɩk Wɩa. Mɩ jaŋ joŋ lee-la ŋ sɩ pɩna a pɩ ŋ dɩ ŋ doho nɩaa.

2 SAMƲƐL 8:2

Devit fa bɩra yuo dii Mʋab tɩŋŋaa ma, a leŋ ba laalɩyuoroo pɩŋ tinteeŋ a kɩɛlɛ. Ʋ kɛŋ ŋmɛnɩŋ a magɩsɛba. Dɩ ʋ nɛ magɩsɛ ŋmɛŋ-la naansɩɩŋ butori, ʋ yie kpʋ leree balɩa nɛ aŋ ka kʋbala. Mʋab tɩmma-la sɛɩ Devit bibemba ba tiŋ lampoo a pʋpʋ.

2 KUOROO 21:13

Mɩ jaŋ dɔgɩsɛ Jerusalɛm nɩaa arɩ mɩ fa sɩ dɔgɩsɛ Samarɩa tɩŋŋaa arɩ Iziral kuoro Ahab arɩ ʋ doho nɩaa ŋɩɩ. Mɩ jaŋ kpʋ Jerusalɛm nɩaa kala gbelem gbelem, a nagɛ nɩa sɩ tiisi gbaŋa a tɩɩgɛ lɩɩ-suosoo kala ta aŋ kaa bɩrɩma chu.

AZAAYA 28:17

Mɩ jaŋ leŋ dɩ wʋtɩtɩɩ nɛ ŋaa naaderi-la ba sɩ kaa bil ʋ gentine, aŋ ka dɩ tʋɔpʋla ma nɛ ŋaa kʋ-la sɩ jaŋ kɛnʋ tʋraa kɩɩ.” Duoŋ-tabɩaa nɛ jaŋ yɛrɛ wʋnyɩɛrʋ-la ma sɩ joŋ ma yɩɛlaa hɛ lɛ, ka dɩ lɩɩŋ ma pɛllɛ paa lee-la ma sɩ faa ʋ pʋpɔma.

AZAAYA 34:11

Hajaaŋkuŋkumba arɩ gɩlɩŋgaamba dʋndʋŋa nɛ jaŋ hɛ tintee-la lɛ. Wɩa jaŋ leŋ dɩ tintee-la kala bɩra pɩŋ hoi arɩ ʋ fa sɩ nagɛ ŋɩɩ ka Wɩa-na ŋaaʋ.

JEMBIEE 2:8

La TƖƖNA chaasa ŋaa siri dɩ ʋ yigi kɛrɛ-la sɩ golli Zaayɔŋ lo nɛ. Ʋ kɛŋ nɩsɩŋ tɩɛnɛ nɛ a nagɛ ŋmɛŋ-la ba sɩ kaa magɩsɛ leriŋ, ʋ bɩ ʋ nɩsɩŋ lɩɩsa leriŋ cheyiŋ lɛ. Ʋ leŋe vaŋkumba arɩ kɛrɩsɩŋ kala yel nɛ a yʋɔla dɛrɛ.

ƐZƖKƖƐL 40:3

Ʋ kɛmmɛ mʋ kpagɛ lee-la, mɩ na baal kʋbala sɩɩ tʋl a nagɛ kɔlɩɩŋ. Ʋ fa chɩŋ boi-baalɩŋ niiŋ nɛ a kori gɛrɩpɛ fʋfʋlʋŋ ŋmɛnɩŋ arɩ daaŋ ba sɩ kaa mɩmagɩsɛ kɩaa duomuŋ.

AMƆS 7:6

La Tɩɩna Wɩɩjarɩbakɔ bɩra kɛŋ ʋ tʋɔbɩɩnaa bɩrɩmɛ a bʋl, “Wɩɩŋ deeŋ ma bɩra bɩ jaŋ ŋaa.”

AMƆS 7:8

Ŋɩɩ nɛ La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Ŋmɛnɩŋ ba sɩ kaa magɩsɛ jeeŋ a sɩsaa nɛ.” La Tɩɩna bʋl, “Bee na, mɩ kɛŋ ŋmɛŋ-la a mɩmagɩsɛ mɩ nɩaa Iziral tɩŋŋaa nɛ. Mɩ bɩra bɩ jaŋ joŋo chɛba.

ZƐKARƖYA 4:10

Má sɩ́ bee gʋʋnɛ wɩaa dɩ-suomuŋ sɩ muuro. Nɩaa tʋɔŋ jaŋ tɔrɛ dɩ ba nɛ na Zerubabɛl kori dɩɩsaarɩ-ŋmɛnɩŋ. Chaaŋ ŋmɛsɩ-la balɩpɛ nɛ ŋaa mɩ-na Wɩa sɩaa mɩ kaa bibeŋ dʋnɩa kala.”

Jɔɔŋ Wʋnaalaa 11:1

Ŋɩɩ nɛ ba joŋ daaŋ ba sɩ kaa magɩsɛ kɩaa pɩmɛ, a nagɛ dantɩga, aŋ bʋla pɩmɛ, “Sii mʋ magɩsɛ Wɩa dɩɩ-bal-la arɩ koru-la sɩ hɛ ʋ tʋɔŋ, aŋ dɩɩsɛ nɩalɩŋ kala sɩɩ chʋɔlɛ Wɩa nɩmɛ,

Jɔɔŋ Wʋnaalaa 21:15

Wɩa tɩndaarʋ-la sɩ bʋl wɩaa mɩ teeŋ kori sɛlɩmɛ daaŋ ba sɩ kaa magɩsɛ kɩaa nɛ dɩ ʋ kaa magɩsɛ tabal-la arɩ ʋ boi-baalaa arɩ ʋ kɛrɩsɩŋ.