AMƆS 7:6 - WƖA TENIŊ

⁶ La Tɩɩna Wɩɩjarɩbakɔ bɩra kɛŋ ʋ tʋɔbɩɩnaa bɩrɩmɛ a bʋl, “Wɩɩŋ deeŋ ma bɩra bɩ jaŋ ŋaa.”

AMƆS 7:6 ပူးပေါင်းရင်းမြစ်များ

WƖAA DƖ-SUOMUŊ 6:7

Ŋɩɩ nɛ La TƖƖNA bʋl, “Mɩ jaŋ chei kʋŋkala sɩ hɛ dʋnɩa lɛ a kɛŋ mɩɩsɩŋ, nuhuobiinee, pʋsʋŋ arɩ baga kɩaa, kɩalɩŋ sɩɩ tuuri tinteeŋ arɩ zaaraa, mɩ tʋɔŋ cheye nɛ mɩ sɩ ŋaaba.”

1 IZIRAL TƖŊŊAA NAABARƖŊ 21:15

Ŋɩɩ nɛ Wɩa tɩŋ ʋ tɩndaara dɩ ʋ mʋ chei Jerusalɛm. Ama ʋ tɩndaarʋ-la sɩɩ chei leriŋ, La TƖƖNA tʋɔŋ chei, ʋ bʋla pɩ ʋ tɩndaarʋ-la sɩɩ kpʋ nɩalɩŋ, “Ʋ maga nɛ, lemba magɛ ŋɩɩ.” Bʋa-la lɛ dɩ La TƖƖNA tɩndaarʋ-la fa hɛ Jebus tɩɩna kʋbala ba sɩɩ yɩrɛ Araʋna taha lɛ.

WƖA YƖƖLAA 106:45

Ʋ tɩŋ ba wɩaa a liise yi nii-la sɩ hɛ ʋ dɩ ba pɛgɛ lɛ nɛ arɩ ʋ chono-la sɩ bɩ dɛrɛ lɛ, aŋ bɩrɩmɛ ʋ tʋɔbɩɩnaa.

WƖA YƖƖLAA 135:14

La Tɩɩna jaŋ laa ʋ nɩaa ta, aŋ fá ʋ tɩntɩnnaa ma nenige.

WƖA YƖƖLAA 78:38

Ama Wɩa fa ha fá ʋ nɩaa nenige nɛ, a joŋ ba wʋbɔŋŋɔɔ chɛba, a bɩ ba cheye. Naansɩɩŋ yʋga nɛ ʋ sɩ nyalɩma a bɩ baanɩŋ ka na ba nyuŋ.

WƖA YƖƖLAA 90:13

La Tɩɩna, sɩ́ baanɩŋ na ŋ tɩntɩnnaa nyuŋ a dieni, fá la nenige.

MOSIS KƐŊ IZIRAL TƖŊŊAA LƖƖ 32:14

Ŋɩɩ nɛ La TƖƖNA leŋ wʋbɔŋ-la ʋ fa sɩ bɩɩna dɩ ʋ joŋo ŋaa ʋ nɩaa lɛ.

JƐRƖMAAYA 26:19

Juda tinteeŋ kuoro Hezikaaya koo Juda nʋʋ dɔŋ fa kpʋʋ nɛɛ? Hezikaaya fá La TƖƖNA nɛ, a sʋlʋ dɩ ʋ pɛ ʋ lɛ. Ʋ sɩ ŋaa ŋɩɩ, La TƖƖNA leŋ wʋlɔrʋnʋ-la ʋ fa sɩ sɩ ʋ jaŋ ŋaa ba lɛ nɛ. Laa chɛ dɩ la lɛrɛ wɩɩ sɩ chaasa lɔrɛ nɛ a kʋ hɛ la tɩtɩa lɛ.”

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

AMƆS 7:3

Ŋɩɩ nɛ La Tɩɩna kɛŋ ʋ tʋɔbɩɩnaa bɩrɩmɛ a bʋl, “Wɩɩ-la ŋ sɩ na bɩra bɩ jaŋ ŋaa.”

AMƆS 7:7

La Tɩɩna bɩra leŋ mɩ na wɩɩŋ deeŋ ma a nagɛ duosoo tʋɔŋ: Mɩ na La Tɩɩna chɩŋ jeeŋ sɛmɛ a kori ŋmɛŋ-la dɩɩ-saaraa sɩ kaa magɩsɛ jeeŋ a sɩsaa.

JONA 3:10

Wɩa sɩ na dɩ ba ŋaa ŋɩɩ, a leŋ ba wʋbɔŋŋɔɔ ŋaanɩŋ, ʋ fá ba nenige, ʋ bɩ ba kpʋa arɩ ʋ fa sɩ bɩɩnɛ ŋɩɩ.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.

SƖPAALAARAA 2:18

Bʋa na-kala dɩ La TƖƖNA nɛ lɩɩsɛ sɩpaalaara pɩba, ʋ yie chɩŋ sɩpaa-laarʋ-la harɩŋ nɛ, a lɩɩsɛ Iziral tɩŋŋaa ba dʋndɔŋŋɔɔ nɩsɩŋ lɛ sɩpaa-laarʋ-la mɩɩsɩŋ kala lɛ. Bʋa na-kala dɩ ba dʋndɔŋŋɔɔ nɛ dɔgɩsɛba dɩ ba na hɛɛŋ a yele pʋ, ʋ yie fá ba nenige nɛ a laaba ta.