AMƆS 7:5 - WƖA TENIŊ

⁵ Ŋɩɩ nɛ mɩ bɩra ŋmoo niiŋ a bʋl, “La Tɩɩna Wɩɩjarɩbakɔ, mɩɩ sʋlʋŋ leŋ, dɩ ŋɩɩ dee, ɛɛ nɛ Jekɔb doho nɩaa jaŋ ŋaa kɛŋ mɩɩsɩŋ? Ba bɩ wɩɩ maga.”

AMƆS 7:5 ပူးပေါင်းရင်းမြစ်များ

WƖA YƖƖLAA 85:4

Wɩa, la Laataara, kɛnla mɩɩra kɔ dɩa. Mɩɩ sʋlʋŋ, sɩ́ leŋe dɩ ŋ tʋɔŋ chei la nyuŋ.

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

AZAAYA 10:25

Ʋ bɩ jaŋ dieni, ka baaŋ-la mɩ sɩ na ma nyuŋ dɛrɛ, ka dɩ mɩ joŋ mɩ baanɩŋ a chaasɛba a cheiba.”

JƐRƖMAAYA 30:19

Ba jaŋ yɩɩ yɩɩlaa a lʋlɔllɛmɛ, aŋ ŋaa goŋ a jʋjʋɔsɛ. Mɩ jaŋ leŋ dɩ ba pʋŋa pɛ, ba bɩ jaŋ muuri. Mɩ jaŋ leŋ dɩ nɩaa zizilba, ba bɩ jaŋ bee gʋʋnɛba.

ƐZƖKƖƐL 9:8

Ba fa sɩɩ kpʋ nɩaa ŋɩɩ, ka mɩ chɩŋ mɩ dʋndʋŋ, ŋɩɩ nɛ mɩ tele chu a ŋmoo niiŋ a pɩɛsɛ, “Ou, La TƖƖNA Wɩɩjarɩbakɔ, ŋ baanɩŋ chaasa sii Jerusalɛm nyuŋ nɛ ŋ chɩchɛ dɩ ŋ kpʋ nʋʋ na-kala sɩ hɛ Iziral lɛɛ?”

JOWƐL 2:17

Má leŋ dɩ Wɩɩsʋllɩ sɩpaalaaraa, nɩalɩŋ sɩɩ tɩŋ La TƖƖNA sɩpaaŋ chɩŋ Wɩa dɩɩ-bal-la zawʋra arɩ Wɩɩsʋlʋŋ koru-la pɛgɛ a yiyel. Má leŋ dɩ ba bʋl, “La TƖƖNA, laa sʋlʋŋ, joŋo chɛ ŋ nɩaa. Sɩ́ leŋe dɩ nɩalɩŋ ŋ sɩ lɩɩsa ŋaa mɔmɩa, dɩ tinteyee nɩaa sisieri ba lɛ. Sɩ́ leŋe dɩ tinteyee nɩaa pɩɛsɛ arɩ nɩɩ nɛ ba Wɩa hɛ.”

ZƐKARƖYA 4:10

Má sɩ́ bee gʋʋnɛ wɩaa dɩ-suomuŋ sɩ muuro. Nɩaa tʋɔŋ jaŋ tɔrɛ dɩ ba nɛ na Zerubabɛl kori dɩɩsaarɩ-ŋmɛnɩŋ. Chaaŋ ŋmɛsɩ-la balɩpɛ nɛ ŋaa mɩ-na Wɩa sɩaa mɩ kaa bibeŋ dʋnɩa kala.”

NAMBABA 14:19

La TƖƖNA, a tɩŋ ŋ sɩ cho nɩaa kɩŋkɛŋ, joŋ nɩaa deemba wʋbɔŋŋɔɔ chɛba arɩ ŋ fa sɩ joŋ ba wʋcheelee chɛba bʋa-la lɛ ba sɩ lɩɩ Ijipiti tinteeŋ lɛ a kaa kɔ jɩnɩŋ.”