AMƆS 7:2 - WƖA TENIŊ

² Duoso-la tʋɔŋ mɩ na dɩ hɔbɔ-la dii kʋŋ na-kala sɩ ŋaa kʋ-laa tintee-la lɛ. Ŋɩɩ nɛ mɩ ŋmoo niiŋ a bʋl, “La Tɩɩna Wɩɩjarɩbakɔ, joŋo chɛ ŋ nɩaa. Dɩ ŋɩɩ dee, ɛɛ nɛ Jekɔb doho nɩaa jaŋ ŋaa a kɛŋ mɩɩsɩŋ? Ba bɩ wɩɩ maga.”

AMƆS 7:2 ပူးပေါင်းရင်းမြစ်များ

WƖA YƖƖLAA 12:1

Mɩɩ sʋlʋŋ mɩ Tɩɩna, pɛ mɩ lɛ. Nɩalɩŋ fa sɩɩ fáŋ kʋŋ bɩra tuo, wʋtɩtɩɩ tɩŋŋaa bɩra tuo.

MOSIS KƐŊ IZIRAL TƖŊŊAA LƖƖ 10:15

Ba tɔ Ijipiti tinteeŋ kala nɛ ʋ biri, a dii kʋŋ na-kala sɩ nyʋa, tɩɩnɛnɛɛ, pɩpaarɩŋ arɩ kʋŋ na-kala duoŋ-tabɩa-la sɩ bɩ kpʋa.

MOSIS KƐŊ IZIRAL TƖŊŊAA LƖƖ 34:9

Ʋ sɩ, “Ou mɩ Tɩɩna, dɩ ŋ tʋɔŋ nɛ tɔrɛ mɩ nyuŋ, mɩɩ sʋlʋŋ laa la sɩpaaŋ a kɛnla mʋ. Nɩalɩŋ ŋaa tʋɔ-dol tɩmma nɛ. Ama joŋ la wʋbɔŋŋɔɔ arɩ la wʋcheelee chɛla, aŋ jonla dɩ la ŋaa ŋ nɩaa.”

AZAAYA 37:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

AZAAYA 51:19

Wʋlɔrʋnʋŋ deemba balɩa sɩ jʋʋma, nʋʋ hɛ nɩmɛ sɩ jaŋ nyagɛ ma bɔyɛɛ? Laalɩŋ sɩ jʋa, ma taŋ tel a pɩŋ jikpeeŋ, losuŋ ma jʋʋ, nʋʋ hɛ nɩmɛ a nyagɛ ma bɔyɛɛ?

JƐRƖMAAYA 14:7

La wʋbɔŋŋɔɔ daga arɩ la ŋaa chei nɛ. La TƖƖNA, tɩŋ ŋ yɩrɩŋ wɩaa a ŋaa wɩɩ pɩla. La vɩa ŋ harɩŋ tonuŋ a yʋgɛ nɛ, la ŋaa wʋbɔŋŋɔɔ nɛ ŋ lɛ.

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.

ƐZƖKƖƐL 11:13

Mɩ fa ha sɩɩ bʋl wɩaa Wɩa doluŋ lɛ ŋɩɩ, Bɛnaaya nanʋala Pɛlatɩa tele sʋʋ. Ŋɩɩ nɛ mɩ tele kɛŋ mɩ sɩaa chu tinteeŋ, aŋ ŋmoo niiŋ bogi bogi a pɩɛsɛ, “La TƖƖNA Wɩɩjarɩbakɔ, ŋ jaŋ kpʋ Iziral tɩŋŋaa nɩkaanaa kalaa?”

ƐZƖKƖƐL 9:8

Ba fa sɩɩ kpʋ nɩaa ŋɩɩ, ka mɩ chɩŋ mɩ dʋndʋŋ, ŋɩɩ nɛ mɩ tele chu a ŋmoo niiŋ a pɩɛsɛ, “Ou, La TƖƖNA Wɩɩjarɩbakɔ, ŋ baanɩŋ chaasa sii Jerusalɛm nyuŋ nɛ ŋ chɩchɛ dɩ ŋ kpʋ nʋʋ na-kala sɩ hɛ Iziral lɛɛ?”

DANƖƐL 9:19

La TƖƖNA, jegile nɩɩ. La TƖƖNA joŋo chɛla. La TƖƖNA, jegile nɩɩ a kaa tɩŋ. Mɩ Wɩa, tɩŋ ŋ tɩtɩa wɩaa a ŋaa wɩɩ. Sɩ́ kaa dieni a tɩŋ tabal-la arɩ ʋ nɩaa sɩ ŋaa ŋ kɩaa wɩaa.”

JOWƐL 2:17

Má leŋ dɩ Wɩɩsʋllɩ sɩpaalaaraa, nɩalɩŋ sɩɩ tɩŋ La TƖƖNA sɩpaaŋ chɩŋ Wɩa dɩɩ-bal-la zawʋra arɩ Wɩɩsʋlʋŋ koru-la pɛgɛ a yiyel. Má leŋ dɩ ba bʋl, “La TƖƖNA, laa sʋlʋŋ, joŋo chɛ ŋ nɩaa. Sɩ́ leŋe dɩ nɩalɩŋ ŋ sɩ lɩɩsa ŋaa mɔmɩa, dɩ tinteyee nɩaa sisieri ba lɛ. Sɩ́ leŋe dɩ tinteyee nɩaa pɩɛsɛ arɩ nɩɩ nɛ ba Wɩa hɛ.”

AMƆS 4:9

Mɩ leŋe hɩlɩŋ chɩŋ nɛ ma bagɩsɩŋ lɛ, ma ŋmaŋkaanɩŋ arɩ ma girep tɩɩsɩŋ bagɩsɩŋ kala lɛ, ma kʋduuloo kala hɩl. Hɔbɔ dii ma tutogusuŋ arɩ ma olif tɩɩsɩŋ kala, ka ma ha vɩa dɩ ma mɩɩra kɔ mɩ teeŋ.”

AMƆS 7:5

Ŋɩɩ nɛ mɩ bɩra ŋmoo niiŋ a bʋl, “La Tɩɩna Wɩɩjarɩbakɔ, mɩɩ sʋlʋŋ leŋ, dɩ ŋɩɩ dee, ɛɛ nɛ Jekɔb doho nɩaa jaŋ ŋaa kɛŋ mɩɩsɩŋ? Ba bɩ wɩɩ maga.”

ZƐKARƖYA 4:10

Má sɩ́ bee gʋʋnɛ wɩaa dɩ-suomuŋ sɩ muuro. Nɩaa tʋɔŋ jaŋ tɔrɛ dɩ ba nɛ na Zerubabɛl kori dɩɩsaarɩ-ŋmɛnɩŋ. Chaaŋ ŋmɛsɩ-la balɩpɛ nɛ ŋaa mɩ-na Wɩa sɩaa mɩ kaa bibeŋ dʋnɩa kala.”

Jɔɔŋ Wʋnaalaa 9:4

Wɩa bʋla pɩba dɩ ba sɩ́ yaŋ dii koo tɩɩsɩŋ koo kɩalɩŋ sɩ nyʋ tinteeŋ lɛ, ama dɩ ba dɔgɩsɛ nɩalɩŋ sɩ́ bɩ Wɩa magɩlɩŋ kɛnɛ ba tilliŋ lɛ.