AMƆS 4:7 - WƖA TENIŊ

⁷ Ʋ sɩ ka chɛnsɩŋ batori ka dɩ ma ŋaa ma baga kɩaa, mɩ bɩ leŋe duonuŋ nɩɩ. Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa. Mɩ yie leŋ ʋ nɩɩ baga dɔŋɔ lɛ, aŋ bɩ dɔŋɔ ma lɛ nɩa, ʋ kɩaa kala sʋʋ.

AMƆS 4:7 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 10:22

Ŋɩɩ nɛ Mosis kɛŋ ʋ nɩsɩŋ je wɩa-nyuŋ, birimiŋ kʋ tɔ Ijipiti tinteeŋ kala, leriŋ biri lim tapʋlaa batori.

MOSIS KƐŊ IZIRAL TƖŊŊAA LƖƖ 10:23

Nʋʋkala bɩ ʋ dɔŋɔ ka na, nʋʋ ma bɩ wuo sii lee-la ʋ sɩ hɛ, ŋɩɩ tapʋlaa batori. Ama pʋlʋmʋŋ hɛ Iziral tɩŋŋaa-na sɩ hɛ lee-la nɛ.

MOSIS KƐŊ IZIRAL TƖŊŊAA LƖƖ 8:22

Ama mɩ bɩ jaŋ leŋ dɩ nanchʋɔsʋŋ hɛ Goseŋ tinteeŋ lɛ, lee-la mɩ nɩaa sɩ hɛ, ŋ-la nɛ jaŋ leŋ dɩ ma jɩŋ arɩ mɩ-na ma TƖƖNA hɛ tinteeŋ deeŋ lɛ nɛ.

MOSIS KƐŊ IZIRAL TƖŊŊAA LƖƖ 9:26

Iziral tɩŋŋaa sɩ hɛ tintee-la lɛ ba sɩɩ yɩrɛ Goseŋ dʋndʋŋa lɛ nɛ wɩɩŋ deeŋ bɩ ŋaa.

MOSIS KƐŊ IZIRAL TƖŊŊAA LƖƖ 9:4

Ama mɩ-na ma TƖƖNA jaŋ kɛŋ Iziral tɩŋŋaa arɩ Ijipiti tɩŋŋaa pʋsʋŋ pɔrɛ dɔŋɔ lɛ, dɩ Iziral tɩŋŋaa pʋsʋŋ sɩ́ sʋʋ.’ ”

AZAAYA 5:6

Mɩ jaŋ vɩa tintee-la ta dɩ ʋ bɩrɩmɛ kʋŋkʋlʋŋ. Mɩ bɩ jaŋ buori tɩɩsɩ-la koo a pɛrɛ nɩmɛ. Yaŋ arɩ sɔsʋŋ jaŋ tɔ ʋ kala. Mɩ bɩ jaŋ leŋ dɩ duonuŋ nɩɩ nɩmɛ.”

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 14:3

Nɩyuŋoo tɩŋ ba tɩntɩnnaa nɛ dɩ ba mʋ ŋaa lɩɩŋ. Ba mʋ vilee, aŋ bɩ lɩɩŋ na. Ba mɩɩra kɛŋ nyuvii-hɩlaa nɛ kɔ. Ba tʋɔŋ chei, ba nandaasɩŋ yʋɔrɛ, hɩɩsɩŋ kɛmba, ba kɛŋ kɩaa tɔ ba nyusuŋ.

JƐRƖMAAYA 14:4

Tinteeŋ yɛrɛ nɛ, bɛɛ wɩaa duonuŋ bɩ tintee-la lɛ nɩa. Paaraa nandaasɩŋ yʋɔra nɛ, ba kɛŋ kɩaa tɔ ba nyuŋ.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JOWƐL 2:23

Zaayɔŋ nɩaa, má leŋ dɩ ma tʋɔŋ tɔrɛ, má jʋjʋɔsɛ ma TƖƖNA Wɩa lɛ, bɛɛ wɩaa ʋ pɩma duoŋ-puso ŋɩɩ sɩ maga nɛ. Ʋ chaasa pɩma duonuŋ nɛ, duoŋ-puso arɩ yibiiŋ duonuŋ kala, arɩ ʋ fa sɩ vɛnɛ pɩpɩma ŋɩɩ.

ZƐKARƖYA 14:17

Dɩ dʋnɩa tinteye-la kʋŋkala nɩaa nɛ bɩ Jerusalɛm mʋa a chʋɔlɛ kuoro sɩ ŋaa La TƖƖNA doluŋ kala Tɩɩna, duonuŋ bɩ jaŋ nɩɩ pɩba.

Jɔɔŋ 4:35

Ma sɩ ʋ ha ka chɛnsɩŋ banɛsɛ nɛ, ka dɩ ma ŋaa baga kɩaa hɛ dɔŋɔ lɛ. Mɩ bʋlaa pɩma, má bee na, kɩaa nɛ bɩa a gollima ŋɩɩ dɩ ma ŋaa hɛ dɔŋɔ lɛ.

1 Kɔrɩntɩ Nɩaa 4:7

Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

MOSIS BƖRA WULLI WƖA WOMBIIŊ 11:17

Dɩ ma nɛ ŋaa ŋɩɩ, La TƖƖNA jaŋ na baanɩŋ ma nyuŋ. Ʋ jaŋ pɔ dɩ duonuŋ sɩ́ nɩɩ pɩma dɩ ma wuo pɛrɛ a na kɩaa. Ŋɩɩ jaŋ leŋ dɩ ma sʋʋ lɩma tintee-zɔŋ-la lɛ La TƖƖNA sɩ joŋo pɩpɩma.

Jeems 5:17

Má na baal kʋbala baa yɩrɛ Ɩlaaja. Ʋ ma fa nagɛla nɛ. Ʋ faasa sʋl Wɩa arɩ sɩɩfɩɛsɩŋ dɩ duonuŋ sɩ́ nɩɩ. Duonuŋ sɛnɛ bɩ nɩa jɩsɩŋ batori arɩ chɛnsɩŋ balɩdʋ.

Jɔɔŋ Wʋnaalaa 11:6

Wɩa pɩba doluŋ dɩ ba wuo kiri duonuŋ, dɩ ʋ sɩ́ nɩɩ tapʋlɩa-la ba sɩɩ chɛ dɩ ba bʋl Wɩa wɩaa lɛ. Wɩa bɩra pɩba doluŋ dɩ ba wuo ŋaa dɩ lɩɩŋ bɩrɩmɛ chalɩŋ. Ba jaŋ wuo leŋ dɩ nyanyalaa jʋʋ dʋnɩa nɩaa, bʋa na-kala lɛ ba sɩ cho.