AMƆS 4:2 - WƖA TENIŊ

² Mɩ-na ma Tɩɩna Wɩɩjarɩbakɔ ŋmɩɛsa nɛ mɩ yɩrɩ zɔmʋŋ lɛ: Bʋa kʋbala jaŋ yi dɩ ba kɛŋ gbɩamba kɛsɛma a nagɛ ba sɩ yie kɛŋ chenfilee ŋɩɩ.

AMƆS 4:2 ပူးပေါင်းရင်းမြစ်များ

WƖA YƖƖLAA 89:35

Mɩ chaasa ŋmɩɛsɛ bala nɛ mɩ yɩrɩ zɔmʋŋ lɛ a pɩ Devit, mɩ bɩ jaŋ nyɩɛ wɩaa pʋ.

WƖA YƖƖLAA 89:36

Ʋ doho nɩaa nɛ jaŋ didii kuoruŋ bʋa na-kala. Mɩ sɩpaaŋ, ʋ kuoruŋ jaŋ chɩŋ a kaa mʋ wuu a nagɛ wɩɩpɔsʋŋ sɩ chɩŋ ŋɩɩ.

AZAAYA 37:29

A tɩŋ ŋ sɩ faasa kɛŋ baaŋ-la arɩ mɩ arɩ babiibal wɩalɩŋ ŋ sɩ bʋla mɩ nɩɩ, lɛɛlɛ mɩ jaŋ joŋ hɛmɩŋ tɔɔ gɩrɩgɛ ŋ mɩɩsɩŋ lɛ, a joŋ mɩ koŋ ma a hɛ ŋ niiŋ. Mɩ jaŋ lɛrɩŋ dɩ ŋ mɩɩra joŋ wombii-la ŋ sɩ to kɔ a mʋ.

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

ƐZƖKƖƐL 29:4

Ama mɩ jaŋ joŋ gbɩamba hɛ ŋ tapaŋaa lɛ, aŋ leŋ dɩ chenfile-la sɩ hɛ ŋ fuonuŋ lɛ kʋ mɛrɛ ŋ horuŋ lɛ. Mɩ jaŋ lɛrɩŋ lɩɩsɛ ŋ fuonu-la lɛ, a pɛ chenfile-la sɩ mɛrɛ ŋ horuŋ lɛ.

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

ƐZƖKƖƐL 38:4

Mɩ jaŋ kɛnɩŋ kaa viire kɩɩ, a joŋ gbɩaŋ hɛ ŋ tapaŋaa lɛ a lɛrɛ ŋ dɩ ŋ laalɩyuoroo kala kʋ lɩɩ: ŋ janɩŋ, ŋ ja-jɩlla-la kala sɩ nyɩgɩla, laalɩyuori daŋ-la sɩ kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, kʋjalaa arɩ kʋbiisiŋ a pɛ tokobiee lɛ.

AMƆS 6:8

La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ: “Ma Jekɔb doho nɩaa, mɩ bɛrɛ ma babii-ballɩɩ-la nɛ, a bɛrɛ ma moribiee dɩɩ-bala-la ma. Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”

AMƆS 8:7

La TƖƖNA, ma Jekɔb doho nɩaa sɩ kaa ŋmoo bɔyɛ hɛ niiŋ a bʋl, “Mɩ bɩ jaŋ yʋ wɩalɩŋ ba sɩ ŋaa kʋŋkala.