AMƆS 4:1 - WƖA TENIŊ

¹ La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 4:1 ပူးပေါင်းရင်းမြစ်များ

1 KUOROO 16:24

Ŋɩɩ nɛ ʋ joŋ warɩpʋla bʋɩ balɩdʋ a yɔɔ Samarɩa dundolo kʋbala, baal kʋbala ba sɩɩ yɩrɛ Sɛmɛɛ teeŋ. Ʋ saa jaŋ dundolo-la nyuŋ a hɛ ʋ yɩrɩŋ Samarɩa. Nɩɩ-la fa sɩ tɩɩ lee-la yɩrɩŋ nɛ ʋ mɩɩra joŋo hɛ pʋ.

JOB 20:19

bɛɛ wɩaa ʋ nyagɛ summoo bil nɛ, a vɩaba ta, aŋ kɛŋ nɩaa dɩɩsɩŋ laa.

JOB 24:4

Ba kiri nɩalɩŋ sɩ bɩ ba tɩtɩa lɛ wuo pɛ, dɩ ba sɩ́ wombiiŋ lɛ vɛŋ nɛ, a fʋgɛ summoo kala sɩ hɛ tintee-la lɛ ba faa.

WƖA YƖƖLAA 12:5

La Tɩɩna sɩ, “Mɩ jaŋ kɔ lɛɛlɛ a tɩŋ ba sɩɩ dɔgɩsɛ nɩalɩŋ sɩ bɩ ba tɩtɩa lɛ wuo pɛ arɩ summoo ba yiyel. Mɩ jaŋ laaba ta nɩalɩŋ sɩɩ dɔgɩsɛba nɩsɩŋ lɛ.”

WƖA YƖƖLAA 140:12

La Tɩɩna, mɩ jɩma ŋ chɩŋ summoo harɩŋ nɛ, a chɩna gbɛrɛ dɩ nɩaa joŋ wʋtɩtɩɩ a to nɩalɩŋ sɩ bɩ ba tɩtɩa lɛ wuo pɛ.

WƖA YƖƖLAA 22:12

Mɩ dʋndɔŋŋɔɔ yʋga a gollimi a nagɛ Basaŋ tinteeŋ nɛ-bel duoruŋ sɩ werige.

NAMAGABA 22:7

Summoo ŋaa kɩaa tɩŋŋaa yosi nɛ, chɩŋ-diiree ma ŋaa nɩalɩŋ teeŋ ba sɩ dii chɩŋŋaa yosi.

TƖƖCHA 4:1

Mɩ bɩra beŋ, a na nɩalɩŋ kala ba sɩ nyaga bil dʋnɩa lɛ: Mɩ na ŋɩɩ nɩalɩŋ ba sɩ nyaga bil sɩɩ yel sɩlɩɩrɩŋ, ka nʋʋkala tuo dɩ ʋ nyagɛ ba bɔyɛ. Nɩalɩŋ sɩ nyagɛba bil kɛŋ doluŋ nɛ, ka nɩalɩŋ ba sɩ nyaga bil bɩ nʋʋ kɛnɛ dɩ ʋ nyagɛ ba bɔyɛ.

TƖƖCHA 5:8

Sɩ́ leŋe dɩ ʋ ŋaa wʋkpuŋkpere ŋ lɛ, dɩ ŋ nɛ na dɩ ba nyagɛ summoo bil ma tinteeŋ lɛ, aŋ vɩa wʋtɩtɩɩ arɩ wɩalɩŋ sɩ maga dɩ ba joŋo ŋaa ba lɛ ta, bɛɛ wɩaa tɩntɩnnɩ-hɩaŋ kala kɛŋ nɩhɩaŋ nɛ ʋ bibenu. Ka ba kala ha kɛŋ nɩhɩasɩŋ ba bibemba.

AZAAYA 28:1

Wɩaa jaŋ jʋʋ Iziral tɩŋŋaa tabalɩŋ Samarɩa, ʋ nɛ chɩŋ fuonaa sɩmɩŋ nyuŋ ŋɩɩ. Ba sɩpaalaaraa kala ŋaa sɩ-nyʋaraa nɛ. Ba babii-ballɩɩ-la kala nagɛ tɩɩfɩɩlaa ba sɩ kaa ŋaa kuori-nyunchuulo nɛ. Ʋ jaŋ hɩl a yuori.

AZAAYA 5:8

Wɩɩŋ puu ma nɩalɩŋ sɩɩ chɛ dɩɩsɩŋ arɩ tinteyee a pɛ kɩalɩŋ ma sɩ kɛnɛ lɛ a bɩ lee-kala ka, ka dɩ ma dʋndʋŋa hɛ nɩmɛ.

AZAAYA 56:12

Ba yie bʋl dɔŋɔ lɛ, “Má kɔ dɩ la nyʋa girep nɛnɛɛ sɩnɩŋ. Má leŋ dɩ la nyʋa a vɔgɛ, aŋ yʋ chie wɩaa, chie ma jaŋ nagɛ jɩnɩŋ, koo a paala zɔmɔ kɩɩ jɩnɩŋ.

AZAAYA 58:6

Nii-vɔbɩɩ-la doho mɩ sɩɩ chɛ nɛ ŋ-la: Má laa nɩalɩŋ wɩaa sɩ nyaga bil ba nɩna hɛɛŋ ta, a giri wʋbɔŋŋɔɔ ŋaanɩŋ, a laa nɩalɩŋ sɩ bɩ wɩɩ ŋaa ka baa dɔgɩsɛba ta.

JƐRƖMAAYA 50:11

La TƖƖNA sɩ, “Babɩlɔŋ nɩaa, má yuo paa mɩ tinteeŋ kɩaa nɛ. Ma tʋɔŋ tɔrɔ nɛ ma jʋjʋɔsɛ a nagɛ nɛŋ sɩɩ nʋɔsɛ mɩaa koo a nagɛ jaaba sɩɩ yel.

JƐRƖMAAYA 50:27

Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 51:34

Babɩlɔŋ kuoro Nebukadineza paala liŋ nɛ. Ʋ leŋe la bɩ jɩŋ wɩɩ-la tʋɔŋ la sɩ hɛ. Ʋ leŋe la nagɛ pupo-wuoluŋ nɛ. Ʋ paala liŋ nɛ a nagɛ dɩmɩŋ, a vɔgɛ, aŋ nyɛ ta.

JƐRƖMAAYA 6:6

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má keri Jerusalɛm tɩɩsɩŋ lo, a saa lusuŋ-choluŋ yelli ʋ kɛrɩsɩŋ. Ʋ maga mɩ dɔgɩsɛ tabalɩŋ deeŋ nɩaa nɛ, bɛɛ wɩaa ba wʋrɩgɛ nɩaa nɛ kɩŋkɛŋ ʋ lɛ.

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

ƐZƖKƖƐL 18:12

Ʋ yie nyagɛ summoo arɩ nɩalɩŋ sɩ bɩ ba tɩtɩa lɛ wuo pɛ bil, a kɛŋ nɩaa kɩaa lɩlaa arɩ doluŋ. Dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ bɩra bɩ kʋ-la joŋo pɩpɩ tɩɩna. Ʋʋ kpaarɛ tɔŋŋɔɔ a ŋɩŋaa wɩalɩŋ mɩ sɩɩ kɩsʋ.

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 22:27

Tɩntɩnnɩ-hɩasɩ-la sɩ hɛ ʋ lɛ nagɛ guŋgurusuŋ sɩ kpʋ pʋsʋŋ a kaa pʋɔsa didii nɛ. Ba gɔllɔ kpʋkpʋ nɩaa nɛ, a leŋ chalɩŋ jaasɛ aŋ gɩrɩma lɩlaa nɩaa dʋa.

ƐZƖKƖƐL 22:29

Nɩalɩŋ sɩ hɛ tintee-la lɛ ka gʋrɛ nɩaa nɛ, a gurigoo laa nɩaa kɩaa. Ba yie dʋdɔgɩsɛ summoo arɩ nɩalɩŋ sɩ bɩ ba tɩtɩa lɛ wuo pɛ nɛ, a kɛŋ nʋhʋɔraa jɩla tutuu, aŋ vɩa dɩ ba to wʋtɩtɩɩ lɛ.

ƐZƖKƖƐL 22:7

Ŋ lɛ nɛ ba bɩ nyɩmmaba arɩ naamba ka zil. Ba nyagɛ nʋhʋɔra-la sɩ hɔŋ ŋ lɛ bil nɛ, aŋ dʋdɔgɩsɛ biisinsiŋ arɩ yo-haalaa.

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

ƐZƖKƖƐL 39:18

Ma jaŋ dii laalɩyuoroo kʋsʋʋnʋŋ, aŋ nyʋa dʋnɩa kuoroo chalɩŋ. Ma jaŋ chaŋ nɩaa deemba kala a nagɛ pie-belliŋ koo pie-pɔrɔɔ, koo bʋʋnaa koo nɛ-belliŋ. Ma kala nagɛ pʋsʋŋ sɩ nɛrɛ nɛ a lɩɩ Basaŋ tinteeŋ.

JOWƐL 3:3

Ba tɔnsɔ nɛ a lɩɩsɛ mɩ nɩaa a joŋ ba hambolibiisiŋ yallɛ dɩ ba kaa ŋɩŋaa wʋlɩɩlɩŋ, a yallɛ ba hantolibiisiŋ a laa moribiee dɩ ba kaa nyʋnyʋa sɩnɩŋ.

AMƆS 3:1

Iziral tɩmma, má jegile nɩɩ wɩɩ-la La Tɩɩna sɩ bʋla a tɩgɛ ma lɛ, ma tintee-la kala nɩaa ʋ sɩ kaa kʋ lɩɩ Ijipiti tinteeŋ lɛ,

AMƆS 3:3

Nɩaa balɩa jaŋ wuo to dɔŋɔ dɩ ba niiŋ nɛ bɩ kʋbala ŋaa?

AMƆS 5:11

Ma kɛŋ summoo jɩlaa tuu nɛ a fʋgaa laa ba mɩaa. Ŋɩɩ wɩaa ma saa dɩɩ-balaa ma nɛ, ama ma bɩ jaŋ jʋʋba a nɩɩ sɩma. Ma pɛrɛ girep tɩɩsɩŋ bagɩsɩŋ nɛ, ama ma bɩ jaŋ nyʋa ba sɩnɩŋ.

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

AMƆS 6:6

Ma yie nyʋnyʋa sɩ-gbaŋ-balaa a tɩtɩsɛ tʋlaalɩɩ-zɔŋŋɔɔ, aŋ bɩ Iziral sɩ pɩŋ jikpeeŋ wɩaa ka yel.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

NAMBABA 21:33

Iziral tɩŋŋaa bɩra lɩɩ nɩmɛ a joŋ wombiiŋ a chaasɛ Basaŋ tinteeŋ dɩɩrɩŋ. Ŋɩɩ nɛ Basaŋ kuoro ba sɩɩ yɩrɛ Ɔgɩ, ʋ dɩ ʋ laalɩyuoroo kala kʋ lɩɩ dɩ ba chemba Ɛdɩrɛ lɛ a yuoba.

MOSIS BƖRA WULLI WƖA WOMBIIŊ 24:14

Dɩ Iziral tɩɩna koo nɩwogusu-la sɩ hɛ ma tʋɔŋ kʋŋ nɛ ŋaa summu, a tɩma pɩpɩŋ ka dɩ ŋ titimu, pʋpɔ dɩ ŋ sɩ́ ʋ gʋrʋ.

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.