AMƆS 3:9 - WƖA TENIŊ

⁹ Amɔs, heele bʋla pɩ Asɩdɔd sɩpaalaaraa arɩ Ijipiti sɩpaalaaraa-la, ‘Má kala kʋ hilimi Samarɩa peele-la nyuŋ, a na wɩaa sɩ faasa vʋgʋmɛ ŋɩɩ nɩmɛ arɩ wʋbɔmɔ-la ba sɩɩ ŋaa.’

AMƆS 3:9 ပူးပေါင်းရင်းမြစ်များ

2 SAMƲƐL 1:20

Ma pɔ má sɩ́ wɩɩ-la bʋl Gaf lɛ. Má sɩ́ Asɩkɛlɔŋ wombiee lɛ chɩna heele bʋlʋ pɩ nɩaa. Má sɩ́ ŋɩɩ ŋaa dɩ Fɩlɩsɩtɩa tɩŋŋaa toloo tʋɔŋ tɔrɛ. Má sɩ́ leŋe dɩ nɩalɩŋ sɩ bɩ Wɩa ka to toloo jʋɔsɛ.

NAMAGABA 1:13

Dɩ la nɛ ŋaa ŋɩɩ, la jaŋ paa nɩaa kʋyuŋŋoo yʋgɛ a su la dɩɩsɩŋ.

NAMAGABA 11:16

Nɩaa ka zil haal-la sɩɩ fá nɩaa nisusuŋ nɛ, ama baala-la sɩ kɛŋ tʋɔhɛɛŋ, dʋa dʋndʋŋa nɛ ba jaŋ kɛŋ.

TƖƖCHA 4:1

Mɩ bɩra beŋ, a na nɩalɩŋ kala ba sɩ nyaga bil dʋnɩa lɛ: Mɩ na ŋɩɩ nɩalɩŋ ba sɩ nyaga bil sɩɩ yel sɩlɩɩrɩŋ, ka nʋʋkala tuo dɩ ʋ nyagɛ ba bɔyɛ. Nɩalɩŋ sɩ nyagɛba bil kɛŋ doluŋ nɛ, ka nɩalɩŋ ba sɩ nyaga bil bɩ nʋʋ kɛnɛ dɩ ʋ nyagɛ ba bɔyɛ.

JƐRƖMAAYA 31:5

Ma jaŋ bɩra pɛrɛ girep tɩɩsɩŋ bagɩsɩŋ Samarɩa dundolluŋ nyuŋ. Paaraa jaŋ chɔnsɛ tɩɩsɩ-la, a nɩɩ ba nɛnɛɛ sɩma.

JƐRƖMAAYA 46:14

“Má heele bʋl wɩɩŋ deeŋ Ijipiti arɩ Mɩgɩdɔl lɛ. Má heele bʋlʋ Memfis arɩ Tapanhɛs ma lɛ: ‘Má chɩŋ ma dɩchɩnaa a ŋaa siri, bɛɛ wɩaa laalɩŋ ka dii nɩalɩŋ sɩ gollima nɛ.’

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

ƐZƖKƖƐL 36:8

Ama ma-na Iziral peelee, tɩɩsɩŋ jaŋ waa ma nyuŋ a kel naakelee a nɛŋ nɛnɛɛ a pɩ ma-na mɩ nɩaa Iziral tɩŋŋaa. Ʋ bɩ jaŋ dieni ka dɩ ma mɩɩra kɔ dɩa.

ƐZƖKƖƐL 37:22

Mɩ jaŋ kɛŋ ba kala hɛ dɔŋɔ dɩ ba ŋaa tintee bala nɩaa tintee-la lɛ, Iziral peelee nyuŋ. Ba jaŋ kɛŋ kuoru bala dɩ ʋ bibemba. Ba bɩra bɩ jaŋ pɔrɛ dɔŋɔ lɛ a ŋaa tinteyee balɩa koo a ŋaa kuoru gentisiŋ balɩa.

HOSIA 7:1

Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala, Efirem wʋbɔŋŋɔɔ yie chaasa lɩɩ chɩŋ nɛ kporo, Samarɩa ma nɩbɔŋ wɩaa chɩŋ kporo. Baa nyɩsɛ nɩaa nɛ, gaaraa boro jʋjʋʋ nɩaa dɩɩsɩŋ wɛŋ-boruroo gurigoo laa nɩaa kɩaa womporunuŋ lɛ.

AMƆS 1:8

La TƖƖNA Wɩɩjarɩbakɔ bɩra bʋla, “Mɩ jaŋ chei taŋ-la ba sɩɩ yɩrɛ Asɩdɔd nɩaa arɩ nɩɩ-la ma sɩɩ beŋ taŋ-la ba sɩɩ yɩrɛ Asɩkɛlɔŋ. Mɩ jaŋ dɔgɩsɛ nɩalɩŋ sɩ hɛ taŋ-la ba sɩɩ yɩrɛ Ɛkʋrɔŋ lɛ ŋɩɩ halɩɩ, dɩ Fɩlɩsɩtɩa tɩŋŋaa nɩkaana-la sʋʋ dɛrɛ.”

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 5:11

Ma kɛŋ summoo jɩlaa tuu nɛ a fʋgaa laa ba mɩaa. Ŋɩɩ wɩaa ma saa dɩɩ-balaa ma nɛ, ama ma bɩ jaŋ jʋʋba a nɩɩ sɩma. Ma pɛrɛ girep tɩɩsɩŋ bagɩsɩŋ nɛ, ama ma bɩ jaŋ nyʋa ba sɩnɩŋ.

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

AMƆS 6:3

Ma yʋ tapʋlɩɩ-la La TƖƖNA sɩ jaŋ dii nɩaa sarɩya wɩaa nɛ, aŋ leŋ ma wʋŋaalaa lɛrɛ tapʋlɩɩ-la kʋʋ kpagɛ.

AMƆS 8:6

La jaŋ wuo joŋ mɩɩ-hagɩla a yallɛ yal-haaŋ, a yɔɔ summo-la sɩ bɩ ba chɩŋŋaa wuo tiŋ dɩ ba ŋaa la yosi, dɩ ba chɩmɩŋ nɛ paala bɩ nɛntɛŋŋɛɛ yalɩŋ yie ma.’ ”

MƖKA 6:10

Ʋ sɩ, “Mɩ bɩ jaŋ yʋ nɩbɔŋŋɔɔ wɩaa, ma nɩalɩŋ sɩ gɩrɩma dʋa kɩaa su ma dɩɩsɩŋ, a kɛŋ gbaŋa-la sɩ bɩ yie kaa magɩsɛ kɩaa. Wɩɩŋ deeŋ ŋaa wɩɩ mɩ sɩ bɛrɛ nɛ.

1 SAMƲƐL 5:1

Fɩlɩsɩtɩa tɩŋŋaa sɩ yuo laa Wɩa niiriŋ daga-la ŋɩɩ, ba joŋu a lɩɩ lee-la ba sɩɩ yɩrɛ Ɛbɛnɩza, a kaa mʋ taŋ-la ba sɩɩ yɩrɛ Asɩdɔd.