AMƆS 3:7 - WƖA TENIŊ

⁷ Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

AMƆS 3:7 ပူးပေါင်းရင်းမြစ်များ

Jɔɔŋ 15:15

Mɩ bɩra bɩ jaŋ kɛmma kaa yɩrɛ mɩ tɩntɩnnaa, bɛɛ wɩaa tɩntɩnna bɩ wɩɩ-la ʋ kʋhɩaŋ sɩɩ ŋaa jɩŋ. Ama mɩ-na bʋl wɩalɩŋ kala mɩ Nyɩmma sɩ bʋla pɩmɛ pɩma nɛ. Ŋɩɩ nɛ tɩɩ mɩ kɛmma yɩyɩrɛ mɩ nandɔnsʋŋ.

WƖAA DƖ-SUOMUŊ 18:17

Ŋɩɩ nɛ La TƖƖNA bʋl, “Wɩɩ-la mɩ sɩɩ chɛ dɩ mɩ ŋaa, ʋ bɩ maga dɩ mɩ kaa faa Abɩraham.

WƖA YƖƖLAA 25:14

La Tɩɩna, ŋ ŋaa nɩalɩŋ kala sɩɩ toŋ nandɔŋ nɛ. Ŋ leŋe ba kala jɩŋ nii-la sɩ hɛ ŋ dɩ ba pɛgɛ nɛ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

WƖAA DƖ-SUOMUŊ 6:13

Ŋɩɩ nɛ Wɩa bʋla pɩ Nowa, “Mɩ jaŋ kpʋ dʋnɩa nʋʋkala, bɛɛ wɩaa dʋnɩa suo nɛ arɩ ba wʋbɔŋŋɔɔ ŋaanɩŋ. Mɩ sɛnɛ jaŋ cheiba arɩ dʋnɩa kʋŋkala.

Jɔɔŋ Wʋnaalaa 4:1

Wɩaa deemba kala sɩ ŋaa harɩŋ, mɩ beŋ wɩa-nyuŋ a na dɩ Wɩa-jaŋ boro suro. Ŋɩɩ nɛ mɩ nɩɩ yikoro-la fa sɩ laa sɩpaaŋ bʋl wɩaa mɩ teeŋ a nagɛ ba sɩɩ ŋmʋʋ nyile, dɩ ʋ sɩ, “Kʋ jɩl daha dɩ mɩ dagɩŋ wɩalɩŋ sɩ jaŋ ŋaa wɩaa deemba harɩŋ lɛ.”

DANƖƐL 10:21

Ama mɩ jaŋ laa sɩpaaŋ bʋl wɩɩ-la ba sɩ ŋmʋnsa hɛ Wʋtɩtɩɩ Teŋ-la lɛ. Nʋʋkala bɩ mɩ lɛ pɛ yuoba, see Wɩa tɩndaara Maakɩl. Ʋ nɩɩ pɔ ma Iziral tɩŋŋaa.

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

Jɔɔŋ Wʋnaalaa 1:19

Lɛɛlɛ ŋmʋnsɛ wɩalɩŋ ŋ sɩ na, wɩalɩŋ sɩ hɛ nɩmɛ arɩ wɩalɩŋ sɩ jaŋ ŋaa harɩŋ.

DANƖƐL 11:2

“Lɛɛlɛ mɩ jaŋ bʋl wɩɩ-la sɩ jaŋ sɛnɛ ŋaa pɩŋ. Kuoroo batori jaŋ dii kuoruŋ Pɛɛsɩa tinteeŋ lɛ aŋ ka pɩ dɔŋɔ. Ka dɩ kuoru-nɛsɛ kʋ dii a kɛŋ kɩaa kɩɩ ba kala. Ʋ dʋa-la nɛ ʋ jaŋ kaa laa doluŋ. Ʋ jaŋ yigi nʋʋkala hɛ dɩ ba sii chɩŋ Giriisi tinteeŋ nɩaa lɛ.

2 KUOROO 22:13

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Juda nɩaa kala. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ wɩalɩŋ sɩ hɛ teŋ-la tʋɔŋ to, a bɩ wɩalɩŋ kala ba sɩ ŋmʋnsa a mʋ tɩgɛ la lɛ ŋaa.”

2 KUOROO 6:12

Ʋ laalɩyuori-hɩasɩ-la dɔŋɔ bʋl, “Kuoro, la kʋŋkala dee, Elaasa nɛ, Wɩa wʋlaabʋllʋ-la sɩ hɛ Iziral tinteeŋ lɛ. Ʋ nɛ yie wuo bʋl wɩalɩŋ kala ŋ sɩ paala bʋl ŋ dɩpɩnɩŋ ma lɛ a pɩ Iziral tinteeŋ kuoro.”

2 KUOROO 22:20

Mɩ jaŋ leŋ dɩ ŋ sʋʋ arɩ yarɩfɩɛlaa. Ŋ sɩɩŋ bɩ jaŋ na wʋlɔrʋnʋ-la mɩ sɩ jaŋ joŋo ŋaa Jerusalɛm arɩ ʋ nɩaa lɛ.’ ” Ŋɩɩ nɛ nɩalɩŋ mɩɩra mʋ bʋl wɩɩ-la Hulida sɩ bʋla a pɩ kuoro.

Jɔɔŋ Wʋnaalaa 10:7

Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.

ƐZƖKƖƐL 29:21

Dɩ wɩɩŋ deeŋ mɩ sɩ bʋla nɛ kʋ ŋaa, mɩ jaŋ leŋ dɩ Iziral tɩŋŋaa kɛŋ doluŋ, aŋ pɩ ŋ ma Ɛzɩkɩɛl doluŋ dɩ ŋ wuo bʋl wɩaa pɩba. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

DANƖƐL 2:47

Kuoro bʋla pɩ Danɩɛl, “Wʋtɩtɩɩ, ŋ Wɩa nɛ Wɩa sɩ kɩɩ vesiŋ kala, a ŋaa kuoroo kala kuoro a kɛŋ wʋkpuŋkperisiŋ dɩdagɛ nɩaa, ŋɩɩ nɛ tɩɩ ŋ wuo dagɛ wʋkpuŋkpere deeŋ bʋbʋɔŋ ŋɩɩ.”

1 SAMƲƐL 9:15

Taŋ sɩ jaŋ pʋl ka dɩ Sɔɔl-na kɔ, La TƖƖNA laa sɩpaaŋ bʋl ŋ-la nɛ a pɩ Samʋɛl:

AZAAYA 18:4

Wɩɩ-la La TƖƖNA sɩ bʋla pɩmɛ nɛ ŋ-la: “Mɩ jaŋ hɛ mɩ dɩɩ-zɔŋ-la lɛ a ŋaa chɩm, aŋ bibeŋ leriŋ a nagɛ wulumuŋ bʋa lɛ ŋ sɩ yie na leriŋ dɔŋɔ dɩ ʋ tʋl ŋɩɩ wɩɩhɛɛ siesee koo a nagɛ baga kɩaa ŋaanɩŋ bʋa lɛ duoŋ-bɩlɩmbaanaa sɩ yie chɩŋ dɩ-bala ŋɩɩ.”