AMƆS 2:8 - WƖA TENIŊ

⁸ Gɛnnɩ-la ma nɩaa sɩ joŋo bil chɩŋŋaa bʋa lɛ nɛ ba kaa jɛrɛ pɩpɩŋ Wɩɩsʋllɩ koru na-kala bʋbʋɔŋ, aŋ kɛŋ ba sɩ keri chɩŋŋaa pɩ nɩaa ba tiŋ moribie-la, a yɔɔ tɩɩnɛnɛɛ sɩnɩŋ nyʋnyʋa ba vene dɩa lɛ.

AMƆS 2:8 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 22:25

Dɩ ma kʋŋ nɛ joŋ moribiee chɩŋ ʋ naambie sɩ ŋaa summu, ʋ bɩ maga dɩ ʋ chɩchɛ nyʋʋrʋŋ arɩ nɩaa dɔnsʋŋ sɩ yie joŋ moribiee chɩŋ ba dɔnsʋŋ aŋ chɩchɛ nyʋʋrʋŋ ŋɩɩ.

AZAAYA 57:7

Ma ŋaa ma dɩ-pɩnaa peelee sɩ leŋie nyusuŋ nɛ, a kpʋkpaarɛ ma tɔŋŋɔɔ nɩmɛ.

ƐZƖKƖƐL 18:12

Ʋ yie nyagɛ summoo arɩ nɩalɩŋ sɩ bɩ ba tɩtɩa lɛ wuo pɛ bil, a kɛŋ nɩaa kɩaa lɩlaa arɩ doluŋ. Dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ bɩra bɩ kʋ-la joŋo pɩpɩ tɩɩna. Ʋʋ kpaarɛ tɔŋŋɔɔ a ŋɩŋaa wɩalɩŋ mɩ sɩɩ kɩsʋ.

ƐZƖKƖƐL 18:7

Ʋ bɩ nʋʋkala nyaga bil, ama dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ yie mɩɩra joŋ tɩɩna kʋa pʋ nɛ. Ʋ bɩ nɩaa kɩaa kaa lɩlaa arɩ doluŋ, ama ʋ yie ŋaa kʋdiilee pɩpɩ nɩalɩŋ losuŋ sɩ kɛnɛ nɛ, a joŋ gɛnnɩŋ ma pɩpɩ nɩalɩŋ sɩ kɛŋ yarɩ-biree.

ƐZƖKƖƐL 23:41

Ma hɔŋ ma kumpuŋŋu-zɔmʋŋ nyuŋ nɛ, ka teebʋl chɩŋ ma sɩpaaŋ, kʋsʋɔrʋsʋŋ arɩ olif nʋʋŋ sɩ ŋaa mɩ kɩaa daŋ ʋ nyuŋ.

HOSIA 4:8

Mɩ nɩaa wʋbɔŋŋɔɔ ŋaanɩŋ lɛ nɛ Wɩɩsʋllɩ sɩpaalaaraa to didii kɩaa. Ba tʋɔŋ yie tɔrɛ nɛ dɩ nɩaa nɩɩ ŋaa wʋbɔŋŋɔɔ.

HOSIA 7:14

Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.

AMƆS 3:14

Tapʋlɩɩ-la mɩ sɩ jaŋ tɩŋ Iziral tɩŋŋaa wʋbɔŋŋɔɔ wɩaa a dɔgɩsɛba, mɩ jaŋ chei Wɩɩsʋllɩ korunu-la sɩ hɛ Bɛtɛl lɛ. Koru na-kala gʋnaa jaŋ boro tel tinteeŋ.

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 6:4

Wɩɩŋ puu ma nɩalɩŋ sɩ kɛŋ kɩaa aa pɩŋ moribii-balaa kʋpɩnaa nyuŋ, a hɔŋ ma kumpuŋŋuba nyuŋ a kpʋ pie-nɛrɛɛ arɩ nɛ-nɛrɛɛ chɩchaŋ.

AMƆS 6:6

Ma yie nyʋnyʋa sɩ-gbaŋ-balaa a tɩtɩsɛ tʋlaalɩɩ-zɔŋŋɔɔ, aŋ bɩ Iziral sɩ pɩŋ jikpeeŋ wɩaa ka yel.

1 Kɔrɩntɩ Nɩaa 10:21

Ma dɩ Wɩa bɩ jaŋ wuo pɛ nyʋnyʋala, aŋ ka ma dɩ jɩnsɩŋ ma pɛ nyʋnyʋala. Ma bɩra bɩ jaŋ wuo didii kɩaa Wɩa teeŋ aŋ bɩra mʋ didii jɩnsɩŋ ma teeŋ.

1 Kɔrɩntɩ Nɩaa 10:7

Má sɩ́ vʋɩyaa kpaarʋ arɩ la naabalɩmaba dɔnsʋŋ fa sɩɩ kpaarʋ ŋɩɩ. Wɩa teniŋ tʋɔŋ ba sɩ, “Nɩalɩŋ hɔnɔ dɩ ba dii kʋdiilee nɛ, aŋ sii gbieli a ŋaa wʋlɩɩlɩŋ.”

1 Kɔrɩntɩ Nɩaa 8:10

Ma nɩalɩŋ sɩ waa Wɩa wɩaa lɛ, dɩ ma dɔnsʋŋ nɛ jʋʋ vʋɩŋ dɩa a hɔnɔ didii kɩaa, dɩ nɩalɩŋ sɩ bɩ waa Wɩa wɩaa lɛ nɛ nama dɩ maa dii kʋdiilee deemba, ma bɩ jɩŋ arɩ ba ma jaŋ to ma lɛ a didii kɩaa deemba?

SƖPAALAARAA 9:27

Tɩɩ-nɛnɛ-la ba sɩɩ yɩrɛ girep tɔrʋŋ sɩ yie, Sɛkɛm tɩŋŋaa kala lɩɩ mʋ ba tɩɩnɛnɛɛ bagɩsɩŋ, a tɔrɔ paa hɛ bʋɔsʋŋ lɛ a chagɛ ba lɩɩŋ a kaa ŋaa sɩnɩŋ. Ŋɩɩ nɛ ba jʋʋ ba vene dɩa a gbigbieli, a dii kɩaa aŋ nyʋnyʋa kɩaa, aŋ tʋtʋʋsɛ Abɩmɛlɛk.