AMƆS 2:7 - WƖA TENIŊ

⁷ Ba kɛŋ summoo jɩla tutuu nɛ aŋ kɛŋ nɩalɩŋ ma sɩ bɩ ba tɩtɩa lɛ wuo pɛ gɩɩgaa ta. Ba chei mɩ yɩrɩ-zɔŋ-la nɛ, bɛɛ wɩaa nyɩmmaba arɩ biiriŋ pɛ ha-bala nɛ a kaa pɩpɩŋ.

AMƆS 2:7 ပူးပေါင်းရင်းမြစ်များ

2 SAMƲƐL 12:14

Ama a tɩŋ ŋ sɩ ŋaa wɩɩŋ deeŋ, ŋ leŋe La TƖƖNA dʋndɔŋŋɔɔ tʋʋsɛ ʋ joŋŋoo nɛ. Ŋɩɩ wɩaa, bile haal-la sɩ lʋla pɩŋ jaŋ sʋʋ.”

1 KUOROO 21:4

Ŋɩɩ nɛ Ahab kɛŋ sɩaa chei, a na baanɩŋ a mɩɩra jʋʋ dɩa a tɩŋ wɩɩ-la Nabɔf Jɛzɩrɛl tɩɩna-la sɩ bʋla pʋ. Ʋ vɩa kʋdiilee aŋ jʋʋ pɩŋ ʋ bɔsɔ lɛ a dɩdɩɩsɛ chosuŋ.

NAMAGABA 28:21

Dɩ nʋʋ nɛ kɛŋ nɩaa pʋpɔrɛ, ŋɩɩ bɩ zɔŋ, aŋ ka nɩa yie ŋaa wʋbɔmʋŋ a chɩchɛ kʋdiilee mʋa.

AZAAYA 10:1

Wɩɩŋ puu ma nɩalɩŋ sɩ bil wombie-la sɩ bɩ wʋtɩtɩɩ lɛ ka to, a dʋdɔgɩsɛ mɩ nɩaa,

AZAAYA 10:2

a bɩ leŋe summoo nɩna wɩalɩŋ sɩ maga dɩ ba na, a bɩ wʋtɩtɩɩ bʋla pɩ mɩ nɩalɩŋ ba sɩ nyaga bil, aŋ kɛŋ yo-haalaa arɩ biisinsiŋ kɩaa lɩlaa.

AZAAYA 3:14

La TƖƖNA jaŋ dii ʋ nɩaa nɩhɩasɩŋ arɩ ba sɩpaalaaraa sarɩya. Ʋ sɩ, “Ma dii mɩ tinteeŋ kala kpʋ nɛ, a gɩrɩma laa summoo kɩaa a kaa mʋ su ma dɩɩsɩŋ.”

AZAAYA 3:15

La TƖƖNA doluŋ kala Tɩɩna sɩ, “Ma bɩ wombiiŋ kɛnɛ dɩ ma nʋɔsɛ mɩ nɩaa bil tinteeŋ a kɛŋ summoo jɩla tutuu.”

ƐZƖKƖƐL 22:11

Ŋ lɛ nɛ baala yie ŋaa wɩalɩŋ mɩ sɩɩ kɩsʋ a kɛŋ ʋ dɔŋɔ tɩɩna haala pɩŋ, dɔŋɔ ma yie kɛŋ ʋ bii-haala pɩŋ a ŋaa disiniŋ hɩɩsɛ ʋ tɩtɩa. Dɔŋɔ ma yie kɛŋ ʋ dɩhaala pɩŋ, ʋ nyɩmma tɩtɩa tolo.

ƐZƖKƖƐL 36:20

Tinteye-la lee na-kala ba sɩ mʋa, ba yie chei mɩ yɩrɩ-zɔŋ-la nɛ. Nɩaa yie bʋl ŋ-la nɛ a tɩgɛ ba lɛ: ‘La TƖƖNA nɩaa nɛ ŋ-la, ama ʋ leŋe ba lɩɩ ʋ tinteeŋ lɛ nɛ.’

HOSIA 4:14

Mɩ bɩ jaŋ dɔgɩsɛ ma toloo dɩ ba nɩɩ ŋaa wʋlɩɩlɩŋ, koo ma bii-haalaa dɩ ba nɩɩ ŋaa hachɔrʋŋ wɩaa, bɛɛ wɩaa baala-la ma tɩtɩa mʋ hachɔrʋmɔ-la leriŋ nɛ a kpaarɛ vene a ŋɩŋaa wʋlɩɩlɩŋ. Nɩalɩŋ sɩ bɩ wɩaa sɩaa jɩŋ jaŋ chei ba tɩtɩa.

LEVI DOHO NƖAA 18:15

Pʋpɔ ŋ sɩ́ ŋ nanʋala haala kaa pɩŋ, ŋ bii-haala nɛ.

LEVI DOHO NƖAA 18:21

Má pʋpɔ ma sɩ́ ma bii kaa pa dɩ ba kaa kpaarɛ vene-la ba sɩɩ yɩrɛ Mɔlɛk, a hɛ ma Wɩa hɩɩsɩŋ. Mɩ nɛ ŋaa ma TƖƖNA.

LEVI DOHO NƖAA 18:8

Sɩ́ ŋ nyɩmma hɩɩsʋ a kɛŋ ŋ naaŋ hadɔŋɔ pɩŋ.

LEVI DOHO NƖAA 20:3

‘Mɩ jaŋ vɩa tɩɩna a keru ta ʋ nɩaa tʋɔŋ, a tɩŋ ʋ sɩ joŋ ʋ bie pa ba kaa kpaarɛ vene-la ba sɩɩ yɩrɛ Mɔlɛk wɩaa. Ʋ ŋaa disiniŋ hɛ mɩ-na Wɩa dɩ-zɔŋ-la lɛ nɛ a chei mɩ yɩrɩ-zɔŋ-la.

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 5:11

Ma kɛŋ summoo jɩlaa tuu nɛ a fʋgaa laa ba mɩaa. Ŋɩɩ wɩaa ma saa dɩɩ-balaa ma nɛ, ama ma bɩ jaŋ jʋʋba a nɩɩ sɩma. Ma pɛrɛ girep tɩɩsɩŋ bagɩsɩŋ nɛ, ama ma bɩ jaŋ nyʋa ba sɩnɩŋ.

AMƆS 5:12

Mɩ jɩŋ ŋɩɩ ma wʋcheelee arɩ wʋbɔŋŋɔɔ sɩ yʋga magɛ nɛ. Ma gʋrɛ nɩalɩŋ sɩ kɛŋ wʋtɩtɩɩ nɛ a laa kpalaa, a pɔ dɩ summoo sɩ́ kʋsɩŋŋaa laa sarɩya dɩ-diiliŋ.

AMƆS 8:4

Ŋɩɩ nɛ Amɔs bʋl, “Má jegile nɩɩ wɩɩŋ deeŋ, ma nɩalɩŋ sɩ yie kɛŋ nɩalɩŋ sɩ bɩ ba tɩtɩa lɛ wuo pɛ a jɩla tutuu, a leŋ summoo nyɩɩgɛ tinteeŋ lɛ.

MƖKA 2:2

Ba nɩɩ chɛ nɩaa bagɩsɩŋ, ba yie kaa laa nɛ. Ba nɩɩ chɛ dɩɩsɩŋ ma, ba kaa laa. Ba yie gɩrɩmɛ dɩa tɩɩna a laa ʋ dɩa, a kɛŋ ba dɔnsʋŋ tɩŋŋaa kɩaa lɩlaa.

MƖKA 2:9

Ba kiri mɩ nɩaa haalaa ba lɩɩ dɩɩsɩ-la ba sɩ cho lɛ nɛ. Ba kɛŋ wʋzɔmɔ-la kala mɩ fa sɩ jaŋ joŋo pɩ ba biiriŋ laa nɛ, a kaa mʋ wuu.

ZEFANAAYA 3:3

Ʋ tɩntɩnnɩ-hɩasɩŋ ka ŋaa goŋ nɛ a nagɛ naachigee sɩɩ yel, ʋ sɩpaalaaraa ma nagɛ losuŋ sɩ kɛŋ guŋgurusuŋ dɩdaanɩŋ, ba bɩ kʋŋ die aŋ kɩka taŋ pʋpʋl.

Rom Tɩŋŋaa 2:24

Wɩa teniŋ tʋɔŋ ba ŋmʋnsɛ ŋɩɩ nɛ a bʋl, “A tɩŋ ma Juu tɩŋŋaa wɩaa, nɩalɩŋ sɩ bɩ Juu tɩŋŋaa ŋaa tʋʋsɛ Wɩa joŋŋoo nɛ.”

1 Kɔrɩntɩ Nɩaa 5:1

Mɩ nɩa arɩ nʋʋ nɛ hɛ ma tʋɔŋ a ŋaa disiniŋ. Ʋ ŋɩɩ lɔrɔ. Nɩalɩŋ sɩ bɩ Wɩa jɩŋ ma paala bɩ ŋɩɩ ka ŋaa. Ba bʋla pɩmɛ arɩ nʋʋ nɛ hɛ ma tʋɔŋ a laa ʋ nyɩmma haala jaa.