AMƆS 2:4 - WƖA TENIŊ

⁴ Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

AMƆS 2:4 ပူးပေါင်းရင်းမြစ်များ

2 KUOROO 17:19

Juda tɩŋŋaa ma fa bɩ wɩalɩŋ ba TƖƖNA Wɩa sɩ daga to. Ba fa mɩɩra to Iziral tɩŋŋaa wʋbɔmɔ-la tɩtɩa nɛ.

2 IZIRAL TƖŊŊAA NAABARƖŊ 25:14

Amazɩa sɩ mʋ yuo dii Ɛdɔm tɩŋŋaa aŋ mɩɩra kʋkɔ Jerusalɛm, ʋ pɛ paa ba vesiŋ ma nɛ a kaa kʋ bil a nagɛ ʋ tɩtɩa vesiŋ, a kpirime zizilba aŋ pɛ kpʋkpaarɛba.

2 IZIRAL TƖŊŊAA NAABARƖŊ 30:7

Má sɩ́ ma nyɩmmaba arɩ ma naambiiriŋ nagʋ, ba fa bɩ wʋtɩtɩɩ kɛnɛ La TƖƖNA ba nyɩmmaba Wɩa teeŋ, ŋɩɩ nɛ ʋ leŋ ba ŋaa mɔmɩaa nɩaa sisieri ba lɛ, ma tɩtɩa jɩŋ ŋɩɩ lɛ nɛ.

NƐHƖMAAYA 1:7

La ŋaa wʋbɔŋŋɔɔ nɛ ŋ lɛ, a bɩ wɩalɩŋ ŋ sɩ daga to. La bɩ ŋ niiriŋ arɩ wombie-la ŋ sɩ to ŋ tɩntɩnna Mosis lɛ a joŋo dagɛla to.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

AZAAYA 28:15

Ma bigisi ma tɩtɩa lɛ nɛ a bʋl, “La dɩ sʋʋŋ bil niiŋ pɩ dɔŋɔ nɛ, la dɩ lɛlɛɛ-jaŋ ma bʋla nɩɩ dɔŋɔ. Dɩ wʋbɔŋ nɛ kʋ jʋʋ la tinteeŋ ma, ʋ bɩ jaŋ ŋaala wɩɩkala, bɛɛ wɩaa la kɛŋ wʋnyɩɛrɩŋ a pilime tɔ la tɩtɩa nɛ dɩ ʋ laala ta.”

AZAAYA 44:20

Ɛɛ nɛ nɩa yaara magɛ, a sii joŋ ʋ yɩɛlaa hɛ kʋŋ sɩ jaŋ wuo dii a bɩrɩmɛ tʋɔrʋŋ lɛ? Nʋʋkala bɩ jaŋ wuo to ŋ-la a laa ʋ tɩtɩa ta. Ba bɩ jaŋ wuo jɩma pɩ ba tɩtɩa arɩ kʋ-la ba sɩ koro bɩ wʋtɩtɩɩ kɛnɛ.

JƐRƖMAAYA 16:11

Ŋɩɩ-na bʋla pɩba, ‘A tɩŋ ma naabalɩmaba sɩ vɩamɛ, aŋ to vesiŋ, a kpaarɛba wɩaa nɛ tɩɩ.’ Mɩ-na ma TƖƖNA nɛ bʋla. Ba vɩamɛ nɛ a bɩ mɩ wombii-la mɩ sɩ bile dɩ ba tuto ka to.

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 6:19

Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

JƐRƖMAAYA 8:2

Ba jaŋ kɛmba yieni dɩ wɩɩpɔsʋŋ, chɛnɛ arɩ chɛnwʋlaa kala sɩ hɛ wɩa-nyuŋ chaana hɛ ba lɛ. Nɩalɩŋ fa cho kɩaa deemba nɛ a tɩma pɩpɩba. Ba faa toba nɛ a pɩɛsɛba chɩchɛ dɩ ba na wɩaa a kpʋkpaarɛba. Nʋʋ bɩ jaŋ kuri haŋgbele-la hɛ dɔŋɔ a hugi, ama ba jaŋ lemba ta dɩ ba pɩŋ tinteeŋ a nagɛ nʋsʋrʋŋ.

JƐRƖMAAYA 8:9

Hɩɩsɩŋ jaŋ kɛŋ wʋjɩnnaa, ba niiŋ jaŋ maa dɩ ba bɛrɛ kɛmba, ba sɩ vɩa mɩ-na ma TƖƖNA niiŋ wɩaa, wʋjɩŋ bɛɛ nɛ ba kɛŋ?

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

ƐZƖKƖƐL 20:13

Ama Iziral tɩŋŋaa fa ha vɩa mɩ niiŋ nɛ tintee-hɩlɩɩ-la lɛ. Ba fa vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ dagɛba nɛ, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

ƐZƖKƖƐL 20:16

Mɩ fa bʋl ŋɩɩ pɩba a tɩŋ ba sɩ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ dagɛba nɛ. Ba fa chei mɩ chɛ-wiesii-la nɛ aŋ tuto ba tɔŋŋɔɔ.

ƐZƖKƖƐL 20:18

Tintee-hɩlɩɩ-la lɛ, mɩ fa bʋla pɩ ba biiriŋ, ‘Má pɔ ma sɩ́ ma nyɩmmaba wʋdagaa to koo a to ba wombiee koo a to ba tɔmɔ-la a ŋaa disiniŋ hɛ ma tɩtɩa lɛ.

ƐZƖKƖƐL 20:24

bɛɛ wɩaa ba bɩ mɩ wombie-la mɩ sɩ bile to. Ba fa vɩa wɩalɩŋ mɩ sɩ daga nɛ aŋ chei mɩ chɛ-wiesii-la, a kpʋkpaarɛ tɔmɔ-la tɩtɩa ba naabalɩmaba fa sɩɩ kpaarʋ.

ƐZƖKƖƐL 20:30

Ŋɩɩ wɩaa, bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ pɩɛsa nɛ ŋ-la: Ma ma jaŋ cho dɩ ma ŋaa disiniŋ hɛ ma tɩtɩa lɛ arɩ ma naabalɩmaba fa sɩ kpaarɛ ba tɔŋŋɔɔ sɩ ŋaa disiŋ kɩa a kɛŋ disiniŋ ŋɩɩ?

ƐZƖKƖƐL 22:28

Wɩa wʋlaabʋlla-la sɩ hɛ Iziral lɛ gbaa tʋtɔ wʋbɔŋŋɔɔ deemba kala nɛ, a nagɛ ba sɩ ŋaa tʋɔrʋŋ bʋgɛ kʋa. Ba yie nyɩɛ wɩaa bʋl dɩ ba na wɩaa a nagɛ duosoo tʋɔŋ nɛ, a vʋga dɩdagɛ wɩalɩŋ maachie sɩ jaŋ ŋaa. Ba sɩ, ‘Wɩɩ-la la TƖƖNA Wɩɩjarɩbakɔ sɩ bʋla nɛ ŋɩɩ,’ ka mɩ-na ma TƖƖNA bɩ wɩɩkala bʋla.

ƐZƖKƖƐL 22:8

Ŋ bɩ mɩ dɩɩ-bal-la sɩ bɩ disiniŋ kɛnɛ ka zil, a bɩ mɩ chɛ-wiesii-la ma ka to.

HOSIA 12:2

La TƖƖNA kɛŋ wɩɩ nɛ dɩ ʋ bʋla tɩgɛ Juda lɛ, ʋ jaŋ dɔgɩsɛ Jekɔb a tɩŋ ŋɩɩ ʋ sɩɩ ŋaa wɩaa, a joŋ ʋ wʋŋaalaa chɩmɩŋ tiŋ ʋ lɛ.

HOSIA 12:3

Ʋ naaŋ luoruŋ tʋɔŋ, ʋ kɛŋ ʋ naambie naatilimiŋ lɛ nɛ, ʋ sɩ waa baal, ʋ kɛŋ Wɩa loo.

HOSIA 6:11

Ma-na Juda tɩmma, mɩ hɛ tapʋlɩɩ nɛ dɩ mɩ dɔgɩsɛ ma ma, arɩ mɩ sɩɩ chɛ dɩ mɩ kɛŋ mɩ nɩaa mɩɩra kɔ mɩ teeŋ ma kala.

AMƆS 1:3

Wɩɩ-la La TƖƖNA sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Damasɩkʋs nɩaa, a tɩŋ ba wʋbɔŋ dandaŋ-la wɩaa. Ba nɛ ŋmoo Gɩlɩad tɩŋŋaa a nagɛ ba sɩɩ ŋmoo mɩaa ŋɩɩ.

AMƆS 3:2

Ʋ sɩ, “Tinteye-la kala sɩ hɛ dʋnɩa lɛ, ma dʋndʋŋa nɛ mɩ lɩɩsɛ. Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.

MƖKA 6:12

Ma kɩaa tɩŋŋaa ŋaa yuo-hɛɛrɛ nɛ, a ŋaa wʋnyɩɛra ma. Ma wɩɩŋ nɛ dɩ ma nyɩnyɩsɛ nɩaa.

HABAKU 2:18

Bɛɛ kʋŋ bʋbʋa nɛ vʋɩŋ kɛŋ, nuhuobiine nɛ sɩ ŋaaʋ? Ʋ ŋaaʋ ʋ nyɩnyɩɛ wɩaa nɛ, nɩɩ-la sɩ saaʋ joŋ ʋ yɩɛlaa hɛ ʋ lɛ, kʋŋ ʋ tɩtɩa sɩ mɛ. Tɔŋ-la ʋ sɩ ŋaa bɩ wɩaa wuo bʋl.

Rom Tɩŋŋaa 1:25

Wʋtɩtɩɩ-la ba sɩ jɩma a tɩgɛ Wɩa lɛ, ba joŋu lenni wʋnyɩɛrɩŋ, a mɩɩra chʋchʋɔlɛ kɩalɩŋ ʋ sɩ ŋaa, aŋ vɩa dɩ ba chʋchʋɔlɛ Nɩɩ-la sɩ ŋaaba. Ʋ maga dɩ la dɛnnʋ a kaa mʋ wuu. Amɩɩ.

1 Tɛsalonaaka Nɩaa 4:8

Ŋɩɩ wɩaa nɩɩ-la kala sɩ vɩa wɩalɩŋ mɩ sɩ bʋla, nuhuobiine dee tɩɩna vɩa, Wɩa nɛ ʋ vɩa ŋɩɩ, Nɩɩ-la sɩ joŋ ʋ Dɩŋ-zɔŋ-la pɩma.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

SƖPAALAARAA 10:6

Iziral tɩŋŋaa bɩra ŋaa wʋbɔŋ La TƖƖNA teeŋ. Baa to vesi-la ba sɩɩ yɩrɛ Baal, Asɩtɔrɛf arɩ Aram tɩŋŋaa vesiŋ, Sɩdɔŋ tɩŋŋaa vesiŋ, Mʋab tɩŋŋaa vesiŋ, Amɔŋ tɩŋŋaa vesiŋ arɩ Fɩlɩsɩtɩa tɩŋŋaa vesiŋ. A tɩŋ Iziral tɩŋŋaa sɩ vɩa La TƖƖNA, a bɩra bɩ ʋ ka to wɩaa,