AMƆS 2:1 - WƖA TENIŊ

¹ Wɩɩ-la La TƖƖNA sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Mʋab nɩaa a tɩŋ ba wʋbɔŋ dandaŋ-la wɩaa. Ba nɛ nyɩgɛ Ɛdɔm kuoro haŋgbelee ba bɩrɩmɛ tʋɔrʋŋ.”

AMƆS 2:1 ပူးပေါင်းရင်းမြစ်များ

2 KUOROO 3:9

Ŋɩɩ nɛ Iziral tinteeŋ kuoro Joram arɩ Juda tinteeŋ kuoro Jehosafat a pɛ Ɛdɔm tinteeŋ kuoro lɛ sii a mʋmʋ dɩ ba yuo Mʋab tɩŋŋaa. Ba sɩ gɔllɛ tapʋlaa balɩpɛ, ba lɩɩŋ dɛrɛ. Laalɩyuoro-la bɩra bɩ lɩɩŋ kɛnɛ dɩ ba dɩ ba pʋsʋŋ nyʋa.

NAMAGABA 15:3

La Tɩɩna sɩaa hɛ lee-kala nɛ, a bibeŋ nɩbɔŋŋɔɔ arɩ nɩzɔŋŋɔɔ kala.

AZAAYA 11:14

Ba jaŋ sii a to lere-la sɩ chulloo tuu a kʋ yuo Fɩlɩsɩtɩa tɩmma-la sɩ hɛ wɩɩjʋʋlʋŋ dɩɩrɩŋ. Ba jaŋ gbaara yuo dii nɩalɩŋ ma sɩ hɛ wɩɩpɔsʋŋ nagʋa dɩɩrɩŋ aŋ laa ba kɩaa. Ba jaŋ yuo dii Ɛdɔm arɩ Mʋab nɩaa. Amɔŋ tɩŋŋaa-na jaŋ sɛɩ wɩɩ-la kala ba sɩ bʋla.

AZAAYA 16:6

La Juda nɩaa nɩɩ Mʋab tɩŋŋaa babii-ballɩŋ wɩaa nɛ, ama ba bigisine-la arɩ ba sɩɩ bɩ suo-la kala ŋaa pɛɩ nɛ.

AZAAYA 25:10

La TƖƖNA joŋ ʋ nɩsɩŋ daŋ peeliŋ deeŋ lɛ nɛ, ama Mʋab tɩŋŋaa-na ʋ jaŋ nʋɔsɛba a bil a nagɛ ba sɩ nʋɔsɛ sekelee a ŋmʋra hɛ nɛ-bɩnɩŋ sɩ pʋa lɛ.

JƐRƖMAAYA 25:21

a pɛ Ɛdɔm nɩaa lɛ, Mʋab nɩaa arɩ Amɔŋ nɩaa,

AMƆS 1:11

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Ɛdɔm nɩaa a tɩŋ ba wʋbɔŋ dandaŋ-la wɩaa. Ba baanɩŋ sɩ sie a faasa hosi, ba bɩ wuo kɛŋ ba tɩtɩa aŋ kire to kpʋ ba naambiiriŋ Iziral tɩŋŋaa a bɩ ba nenige fá.

AMƆS 1:13

Wɩɩ-la La Tɩɩna bɩra sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Amɔŋ nɩaa a tɩŋ ba wʋbɔŋ dandaŋ-la wɩaa. Ba sɩɩ yuo laalɩŋ dɩ ba kɛŋ ba tinteeŋ bʋa jallɛ pɛ, ŋɩɩ nɛ ba kɛsɛ Gɩlɩad tɩŋŋaa hapuugoo a kpɛrɛ chaarɛ ba biiriŋ ta.”

AMƆS 1:3

Wɩɩ-la La TƖƖNA sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Damasɩkʋs nɩaa, a tɩŋ ba wʋbɔŋ dandaŋ-la wɩaa. Ba nɛ ŋmoo Gɩlɩad tɩŋŋaa a nagɛ ba sɩɩ ŋmoo mɩaa ŋɩɩ.

AMƆS 1:6

Ŋ-la nɛ La TƖƖNA bɩra bʋl: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Gaza nɩaa a tɩŋ ba wʋbɔŋ dandaŋ-la wɩaa. Ba kɛsɛ ta-pilimee nɩaa nɛ a yalla pɩ Ɛdɔm tɩŋŋaa ba ŋaa yosi.

AMƆS 1:9

Wɩɩ-la La TƖƖNA bɩra sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Taaya nɩaa a tɩŋ ba wʋbɔŋ dandaŋ-la wɩaa. Ba kɛsɛ ta-pilimee nɩaa nɛ a yalla pɩ Ɛdɔm tɩŋŋaa ba ŋaa yosi, aŋ bɩ naambii nii-la sɩ hɛ ʋ dɩ ba pɛgɛ kaa tɩŋ.

AMƆS 2:4

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

AMƆS 2:6

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Iziral nɩaa a tɩŋ ba wʋbɔŋ dandaŋ-la wɩaa. Ba kɛsɛ tʋɔpʋl tɩŋŋaa yallɛ moribiee nɛ, aŋ kɛsɛ nɩalɩŋ ma sɩ bɩ ba tɩtɩa lɛ wuo pɛ a yallɛ nɛntɛŋŋɛɛ yalɩŋ.

MƖKA 6:5

Mɩ nɩaa, má liise yi wɩɩ-la Mʋab kuoro ba sɩɩ yɩrɛ Balak fa sɩ bɩɩna dɩ ʋ ŋaa ma lɛ arɩ ŋɩɩ Balam nanʋala ba sɩɩ yɩrɛ Bioo ma fa sɩ bʋla pʋ. Má liise yi ma sɩ vɛnɛ lɩɩ Sɩtɩm a mʋ Gɩlɩgal a wuo jɩŋ tʋɔpʋl wɩalɩŋ mɩ-na ma TƖƖNA sɩ ŋaa.”