AMƆS 1:9 - WƖA TENIŊ

⁹ Wɩɩ-la La TƖƖNA bɩra sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Taaya nɩaa a tɩŋ ba wʋbɔŋ dandaŋ-la wɩaa. Ba kɛsɛ ta-pilimee nɩaa nɛ a yalla pɩ Ɛdɔm tɩŋŋaa ba ŋaa yosi, aŋ bɩ naambii nii-la sɩ hɛ ʋ dɩ ba pɛgɛ kaa tɩŋ.

AMƆS 1:9 ပူးပေါင်းရင်းမြစ်များ

2 SAMƲƐL 5:11

Bʋa-la lɛ nɛ Taaya tinteeŋ kuoro ba sɩɩ yɩrɛ Hiram tɩŋ tɩndaaraa ba kɔ Devit teeŋ, a kɛŋ kuolu daasɩŋ arɩ kapɩntaba arɩ nɩalɩŋ sɩ jɩŋ tabɩaa tɩntɩŋŋaa, ba kʋ saa kuoru dɩa a pɩ Devit.

WƖA YƖƖLAA 83:7

Gɛbal tɩŋŋaa, Amɔŋ tɩŋŋaa, Amalɛk tɩŋŋaa Fɩlɩsɩtɩa tɩŋŋaa arɩ Taaya tɩŋŋaa.

JƐRƖMAAYA 25:22

Taaya arɩ Sɩdɔŋ kuoroo, kuorusu-la sɩ hɛ fuoŋ niiŋ mʋgʋ-balɩŋ cholo,

JƐRƖMAAYA 47:4

Bʋa-la yie nɛ dɩ ba chei Fɩlɩsɩtɩa tɩŋŋaa, aŋ kpʋ nɩalɩŋ sɩ ka, nɩalɩŋ sɩ jaŋ wuo pɛ Taaya arɩ Sɩdɔŋ lɛ. La TƖƖNA ŋaa siri nɛ dɩ ʋ chei Fɩlɩsɩtɩa tɩŋŋaa, Kafɩtɔ fuoŋ-niiŋ nɩkaana-la.

ƐZƖKƖƐL 27:1

La TƖƖNA fa bʋl wɩaa pɩmɛ, ʋ sɩ,

ƐZƖKƖƐL 27:27

Ŋ dʋa, ŋ bayal kɩaa, ŋ lɩɩ-duoroo, ŋ nɩalɩŋ sɩɩ tɩŋ lɩɩŋ tʋɔŋ arɩ nɩalɩŋ sɩɩ kpaasɛ lɩɩŋ daborusuŋ, ŋ bayalaa arɩ ŋ laalɩyuoroo arɩ nʋʋ na-kala sɩ hɛ ŋ lɛ jaŋ tuu mʋgʋ-balɩŋ tʋɔŋ tapʋlɩɩ-la ŋ sɩ jaŋ yɛrɛ.

ƐZƖKƖƐL 28:1

La TƖƖNA fa bʋl wɩaa pɩmɛ, ʋ sɩ:

ƐZƖKƖƐL 28:18

Ŋ ŋaa wʋbɔŋŋɔɔ yʋgɛ nɛ ŋ bayalɩŋ lɛ a chei ŋ Wɩɩchʋɔlɛ leree kala. Ŋɩɩ nɛ mɩ joŋ nyiniŋ hɛ ŋ taŋ lɛ, ʋ kala dii buru a pɩŋ tinteeŋ. Nɩalɩŋ kala sɩɩ beniŋ na arɩ ŋ die nɛ a bɩrɩmɛ tʋɔrʋŋ.

AMƆS 1:11

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Ɛdɔm nɩaa a tɩŋ ba wʋbɔŋ dandaŋ-la wɩaa. Ba baanɩŋ sɩ sie a faasa hosi, ba bɩ wuo kɛŋ ba tɩtɩa aŋ kire to kpʋ ba naambiiriŋ Iziral tɩŋŋaa a bɩ ba nenige fá.

AMƆS 1:6

Ŋ-la nɛ La TƖƖNA bɩra bʋl: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Gaza nɩaa a tɩŋ ba wʋbɔŋ dandaŋ-la wɩaa. Ba kɛsɛ ta-pilimee nɩaa nɛ a yalla pɩ Ɛdɔm tɩŋŋaa ba ŋaa yosi.

OBADAAYA 1:11

Tapʋlɩɩ-la fa sɩ maga dɩ ŋ pɛ Jerusalɛm lɛ, ŋ chɩna ta jɩa nɛ aŋ ka ʋ dʋndɔŋŋɔɔ kʋ fʋga jʋʋ ʋ boi-baalaa a chʋŋ ʋ dʋa kala, a kaa kpaa dɔŋɔ. Ŋ ma fa nagɛ ba dɔŋɔ nɛ.

ZƐKARƖYA 9:1

La TƖƖNA bʋl wɩaa a tɩgɛ hɛɛ-la taŋ-la ba sɩɩ yɩrɛ Hadɩrak arɩ Damasɩkʋs tabalɩŋ nɩaa sɩ jaŋ na lɛ. La TƖƖNA sɩaa pɛ nʋʋkala lɛ nɛ, Iziral tɩŋŋaa dʋndʋŋa lɛ dee.

Matiu 11:21

“Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa, ma ma jaŋ na hɛɛŋ. Wʋmagɩla-la mɩ sɩ ŋaa ma teeŋ, dɩ mɩ nɛ fa ŋaaba Taaya arɩ Sɩdɔŋ nɩaa teeŋ, wɩa magɛ ŋ-la ba fa hɔnɔ tɛllɛ naasɩŋ a ŋaa tʋɔrʋŋ bʋgɛ ba tɩtɩa, a dɩdagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Matiu 11:22

Mɩ bʋlaa pɩma, sarɩya chɛ-diiliŋ, Wɩa jaŋ dɔgɩsɛ Kɔrazɩŋ arɩ Bɛtɩsaada tɩŋŋaa a kɩɩ Taaya arɩ Sɩdɔŋ tɩŋŋaa.

Luuk 10:13

Ŋɩɩ nɛ Yesu bʋla pɩ taŋ-la nɩaa sɩ bɩ ʋ wɩaa laa dii, “Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa ma, ma ma jaŋ na hɛɛŋ. Wʋmagɩla-la ba sɩ ŋaa ma teeŋ, dɩ ba nɛ fa ŋaaba Taaya arɩ Sɩdɔŋ nɩaa teeŋ ŋ-la, ba fa bɩ jaŋ dieni aŋ hɔnɔ tɛllɛ naasɩŋ a ŋaa tʋɔrʋŋ bʋbʋgɛ ba tɩtɩa, a dɩdagɛ ŋɩɩ arɩ ba bɩrɩma lɩɩ ba wʋbɔŋŋɔɔ lɛ nɛ.

Luuk 10:14

Sarɩya chɛ-diiliŋ, Wɩa jaŋ dɔgɩsɛ Kɔrazɩŋ arɩ Bɛtɩsaada tɩŋŋaa a kɩɩ Taaya arɩ Sɩdɔŋ tɩŋŋaa.