AMƆS 1:4 - WƖA TENIŊ

⁴ Mɩ jaŋ joŋ nyiniŋ hɛ dɩ ʋ dii kuoro Hazɛɛl dɩa a joŋ nyiniŋ hɛ dɩ ʋ dii kuoro Bɛŋ-Hadad ma dɩɩ-duoruŋ.

AMƆS 1:4 ပူးပေါင်းရင်းမြစ်များ

1 KUOROO 19:15

Ŋɩɩ nɛ La TƖƖNA bʋla pɩ Ɩlaaja, “Mɩɩra joŋ wombii-la ŋ sɩ to kɔ, a mʋ to Damasɩkʋs tintee-hɩlɩŋ a jʋʋ taŋ-la tʋɔŋ. Dɩ ŋ nɛ yi nɩmɛ, joŋ Wɩɩsʋllɩ nʋʋŋ a tɩsɛ Hazɩɛl, a lɩɩsʋ dɩ ʋ ŋaa Siiria tinteeŋ kuoro.

2 KUOROO 13:25

Ŋɩɩ nɛ Jehuahas nanʋala Jehuas yuo dii Hazɛɛl nanʋala Bɛŋ-Hadad a laa tasɩ-la kala ʋ nyɩmma Hazɛɛl fa sɩ yuo laa Jehuas nyɩmma Jehuahas teeŋ. Naansɩɩŋ butori nɛ Jehuas yuo dii Bɛŋ-Hadad aŋ laa Iziral tɩŋŋaa tasɩŋ.

2 KUOROO 13:3

Ŋɩɩ leŋ La TƖƖNA na baanɩŋ Iziral tɩŋŋaa nyuŋ, a leŋ Siiria kuoro Hazɛɛl arɩ ʋ nanʋala Bɛŋ-Hadad yuo diiba, a bemba dieni.

2 KUOROO 6:24

Ʋ ŋɩɩ harɩŋ bʋa kʋbala lɛ, Siiria kuoro ba sɩɩ yɩrɛ Beŋ-Hadad yɩrɛ ʋ laalɩyuoroo kala hɛ dɔŋɔ dɩ ba mʋ yuo Iziral tɩŋŋaa a gollo chu Samarɩa.

2 IZIRAL TƖŊŊAA NAABARƖŊ 16:2

Ŋɩɩ nɛ Asa sii paa warɩpʋla arɩ sɛlɩmɛ-la sɩ hɛ La TƖƖNA dɩɩ-balɩŋ arɩ ʋ kuoru dɩa lɛ, a joŋo tɩŋ ba kaa mʋ pɩ Siiria tinteeŋ kuoro Bɛŋ-Hadad sɩ hɛ Damasɩkʋs lɛ aŋ bʋla pʋ,

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 49:27

Mɩ jaŋ chol nyiniŋ hɛ Damasɩkʋs jeyee lɛ. Nyiŋ-la jaŋ dii Bɛŋ-Hadad dɩɩ-duoruŋ.”

ƐZƖKƖƐL 30:8

Dɩ mɩ nɛ joŋ nyiniŋ hɛ Ijipiti tinteeŋ lɛ, a kpʋ nɩalɩŋ kala sɩɩ pɛ ʋ lɛ, ŋɩɩ nɛ ba jaŋ jɩŋ arɩ mɩ nɛ ba TƖƖNA.

ƐZƖKƖƐL 39:6

Mɩ jaŋ joŋ nyiniŋ hɛ Magɔg tinteeŋ lɛ, a pɛ nɩalɩŋ sɩ hɔŋ mʋgʋ-balɩŋ niiŋ a ta jɩa lɛ, ŋɩɩ nɛ ba jaŋ jɩŋ arɩ mɩ nɛ ba TƖƖNA.

HOSIA 8:14

Iziral tɩŋŋaa saa kuoru dɩɩsɩŋ nɛ, Juda nɩaa ma saa kɛrɩsɩŋ golli tabalaa yʋgɛ. Ama ba yʋ mɩ-na Nɩɩ-la sɩ ŋaaba wɩaa nɛ, ŋɩɩ wɩaa mɩ jaŋ joŋ nyiniŋ hɛ tabala-la lɛ, dɩ ʋ joŋ ba dɩ-duoruŋ dii.”

AMƆS 1:10

Mɩ jaŋ joŋ nyiniŋ a hɛ taŋ-la ba sɩɩ yɩrɛ Taaya jeyee lɛ, dɩ ʋ dii ʋ dɩɩ-duoruŋ.”

AMƆS 1:12

Mɩ jaŋ joŋ nyiniŋ hɛ dɩ ʋ dii tasɩ-la ba sɩɩ yɩrɛ Tɛmaŋ arɩ Bozira dɩɩ-duoruŋ kala.”

AMƆS 1:14

La Tɩɩna bɩra sɩ, “Mɩ jaŋ joŋ nyiniŋ hɛ dɩ ʋ dii taŋ-la ba sɩɩ yɩrɛ Raba jeyee arɩ ʋ dɩɩ-duoruŋ. Tapʋlɩɩ-la ba dʋndɔŋŋɔɔ jaŋ ŋaa laalɩyuoru goŋ, aŋ tɔba hɛ a nagɛ pel-vinvilimiŋ a yuoba.”

AMƆS 1:7

Mɩ jaŋ joŋ nyiniŋ hɛ dɩ ʋ dii Gaza jeyee arɩ ʋ dɩɩ-duoruŋ.”

AMƆS 2:2

Wɩɩ-la La Tɩɩna sɩ bʋla nɛ ŋ-la: “Mɩ jaŋ joŋ nyiniŋ a hɛ Mʋab tinteeŋ lɛ dɩ ʋ dii taŋ-la ba sɩɩ yɩrɛ Kɛrɩɔf dɩɩ-duoruŋ. Laalɩyuoroo jaŋ ŋmʋʋ banyilliŋ aŋ ŋɩŋaa laalɩyuori goŋ, ka dɩ nɩalɩŋ sɩ hɛ Mʋab lɛ sʋsʋʋ.”

AMƆS 2:5

Mɩ jaŋ joŋ nyiniŋ hɛ Juda lɛ dɩ ʋ dii Jerusalɛm dɩɩ-duoruŋ.”

SƖPAALAARAA 9:57

Wɩa ha bɩra joŋ nɩbɔŋ wɩalɩŋ Sɛkɛm tɩŋŋaa ma sɩ ŋaa chɩmɩŋ a tiŋ ba lɛ nɛ. Gɩdɩɔŋ nanʋala Jotam ŋmɩaŋ-la sɛnɛ diiba nɛ.