AMƆS 1:2 - WƖA TENIŊ

² Amɔs fa bʋla: “La TƖƖNA jaŋ tʋɔra lɩɩ Zaayɔŋ lɛ, a dɔmɔ lɩɩ Jerusalɛm lɛ. Piesee dɩ-diilee yaŋ kala jaŋ hɩl, dɩ peel-la ba sɩɩ yɩrɛ Kamɛl ma nyuŋ yaŋ hɩl.”

AMƆS 1:2 ပူးပေါင်းရင်းမြစ်များ

WƖA YƖƖLAA 29:4

La Tɩɩna yikoro kɛŋ doluŋ nɛ woruŋ, ʋ yikoro ŋaa babiibal yikoro nɛ.

WƖA YƖƖLAA 46:6

Fawʋllʋŋ chaasa jʋʋ tinteyee nɩaa nɛ, kuoroo sɩɩ beŋ tinteye-la titel. Ama Wɩa sɩ kpɩa goŋ, tinteeŋ kala yʋɔla nɛ.

NAMAGABA 20:2

Kuoro baanɩŋ nɛ sie, ʋ yie nagɛ naachigiŋ sɩɩ huosu nɛ. Nɩɩ-la kala sɩ ŋaa ʋ baanɩŋ sii jaŋ ŋaa chalɩŋ ta ʋ bɔyɛ.

AZAAYA 33:9

Tintee-la kala hɩla nɛ a pɩŋ hoi, Lɛbanɔŋ tinteeŋ duu-la ma kala nɛ hɩla. Sarɔŋ fuonaa sɩŋ-la kala mɩɩra bɩrɩmɛ tintee-hɩlɩɩ nɛ, a nagɛ lee-la ba sɩɩ yɩrɛ Araba. Basaŋ tinteeŋ arɩ peel-la ba sɩɩ yɩrɛ Kamɛl, ba tɩɩsɩŋ pɩpaarɩŋ kala nɛ yuoro.

AZAAYA 35:2

Tɩɩfɩɩla-la jaŋ pɔsɛ dɩ ʋ ŋɩŋaa goŋ arɩ tʋɔtɔrʋŋ. Ba jaŋ joŋ Lɛbanɔŋ tʋla-la a pʋ. Ʋ zɔmʋŋ jaŋ nagɛ peel-la ba sɩɩ yɩrɛ Kamɛl a bɩra nagɛ Sarɔŋ fuonaaŋ. Ba jaŋ na La TƖƖNA Wɩa tʋla arɩ ʋ zɔmʋŋ kala.

AZAAYA 42:13

La TƖƖNA jaŋ kɔ a nagɛ bayuori duoŋ, a nagɛ laalɩyuori babii-balɩŋ sɩ kɛŋ ʋ tɩtɩa hɛ dɔŋɔ dɩ ʋ yuo laalɩŋ. Ʋ jaŋ kpɩa laalɩyuori-goŋ aŋ yuo dii ʋ dʋndɔŋŋɔɔ.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 14:2

“Juda tinteeŋ nɩaa ka yel nɛ, ʋ tabalaa nɩaa ma bɩbal nɩsɩŋ. Baa yel tintee-la wɩaa nɛ, a yele lɩlɩɩ Jerusalɛm lɛ.

JƐRƖMAAYA 25:30

Bʋl wɩaa deemba kala mɩ doluŋ lɛ a tɩgɛ ba lɛ, aŋ bʋla pɩba: ‘Mɩ-na ma TƖƖNA jaŋ faasa kpɩa goŋ wɩa-nyuŋ, mɩ jaŋ hɛ mɩ dɩa sɩ bɩ disiniŋ kɛnɛ lɛ aŋ namɩsɛ. Mɩ jaŋ ŋaa goŋ mɩ tinteeŋ nɩaa nyuŋ woruŋ. Mɩ jaŋ ŋaa goŋ a nagɛ nɩa sɩɩ chagɛ dɩ ʋ lɩɩsɛ girep nɛnɛɛ sɩnɩŋ. Mɩ jaŋ kpɩa goŋ-la nɩalɩŋ kala sɩ hɛ dʋnɩa lɛ nyuŋ.

JƐRƖMAAYA 28:8

Faafaa kala, Wɩa wʋlaabʋlla-la sɩ laa sɩpaaŋ kɔ mɩ dɩ ŋ lɛ, ba fa bʋla arɩ laalɩŋ, wʋlɔrʋŋ arɩ nyanyalɩɩ jaŋ jʋʋ tinteyee a yʋgɛ, a jʋʋ kuori-gentiŋ balaa ma a yʋgɛ.

JƐRƖMAAYA 50:19

Ama mɩ jaŋ mɩɩra kɛŋ Iziral tɩŋŋaa kaa kɔ ba tinteeŋ, ba jaŋ dii kɩaa Kamɛl peel-la nyuŋ arɩ Basaŋ fuonaaŋ lɛ. Ba jaŋ dii kɩaa a vɔgɛ Efirem arɩ Gɩlɩad dundolluŋ nyuŋ.

HOSIA 11:10

Mɩ nɩaa jaŋ to mɩ-na ba TƖƖNA harɩŋ, mɩ jaŋ huosi a nagɛ naachigiŋ. Dɩ mɩ nɩɩ huosi, mɩ nɩaa jaŋ lɩɩ wɩɩpɔsʋŋ dɩɩrɩŋ kɔ a chichel.

HOSIA 13:8

A nagɛ ba sɩ kɛsɛ lʋgʋmʋŋ biiriŋ ʋ yaraa hosi ŋɩɩ. Mɩ jaŋ luri ba fehe. Mɩ jaŋ chamba a nagɛ naachigiŋ a kɛmba pʋɔsɛ a nagɛ baga kʋa.

JOWƐL 1:19

La TƖƖNA, ŋ nɛ mɩɩ yɩrɛ, bɛɛ wɩaa nyiniŋ dii pʋsʋŋ dɩ-diilee kala nɛ, nyiŋgeliŋ lieri tɩɩsɩŋ kala.

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

AMƆS 9:3

Dɩ ba nɛ jɩla faa peel-la ba sɩɩ yɩrɛ Kamɛl nyuŋ, mɩ jaŋ chɛ kɛsɛba. Dɩ ba bɩra faa mʋgʋ-balɩŋ bʋbʋɔŋ dɩ mɩ sɩ́ ba na ma, mɩ jaŋ leŋ dɩ kataha sɩ hɛ lɩɩŋ tʋɔŋ dɩmba.

NAHUM 1:4

Dɩ ʋ nɛ kpɩa mʋgʋ-balɩŋ lɛ, ʋ yie hʋ nɛ, ʋ yie leŋ fuonuŋ kala hɩl. Basaŋ tinteeŋ arɩ Kamɛl peeliŋ tɩɩsɩŋ arɩ yaŋ kala hɩl, Lɛbanɔŋ tinteeŋ tɩɩfɩɩlaa kala yuori.

1 SAMƲƐL 25:2

Dɩ baal kʋbala ma hɛ Mayɔŋ lɛ, a kɛŋ kɩaa woruŋ a hɔnɔ kpagɛ taŋ-la ba sɩɩ yɩrɛ Kamɛl. Ʋ fa kɛŋ bʋʋnaa bʋɩ nɛ, piesee ma bʋɩ batori. Baal-la fa kɛŋ tinteeŋ nɛ a kpagɛ Kamɛl, ʋ yie kɛ piese-la pʋnaa nɩmɛ.