2 Pɩɩta 2:3 - WƖA TENIŊ

³ Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.

2 Pɩɩta 2:3 ပူးပေါင်းရင်းမြစ်များ

JOB 6:27

Ma jaŋ paala wuo tɔnsɛ, a joŋ biisime pa dɩ ʋ ŋaa ma yomo, a yallɛ ma nandɔŋ-chooluŋ a kɛŋ kɩaa.

WƖA YƖƖLAA 18:44

Dɩ mɩ nɛ bʋl wɩɩ, ba yie nɩɩ nɛ a to mɩ niiŋ. Tintee-wogusuŋ nɩaa ka kpirimi mɩ sɩpaaŋ nɛ.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

WƖA YƖƖLAA 81:15

Nɩalɩŋ kala sɩ bɛrɛ mɩ-na ma Tɩɩna jaŋ kʋ gbieni mɩ sɩpaaŋ, ba hɛɛŋ bɩ jaŋ dɛrɛ.

AZAAYA 5:19

Nɩalɩŋ yie bʋl, “Má leŋ dɩ La TƖƖNA ŋaa lɩma a ŋaa wɩɩ-la ʋ sɩ sɩ ʋ jaŋ ŋaa dɩ la na. Má leŋ dɩ Iziral tɩŋŋaa Wɩa sɩ bɩ disiniŋ kɛnɛ ŋaa wɩalɩŋ ʋ sɩɩ bɩɩnɛ dɩ ʋ ŋaa, dɩ la kala jɩŋ ʋ tʋɔŋ.”

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

AZAAYA 60:22

Ŋ dɩa-la nɩaa sɩ paala bɩ yʋgɛ jaŋ kʋ ŋaa tintee bal a kɛŋ doluŋ. Mɩ-na nɛ ma TƖƖNA, dɩ bʋa-la nɛ yie, mɩ jaŋ guu ŋaa wɩalɩŋ kala.”

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

ƐZƖKƖƐL 13:19

Ma chei mɩ yɩrɩŋ nɛ mɩ nɩaa tʋɔŋ, aŋ laa mɩaa nɩsɩŋ sɩɩŋ arɩ boroboro biisiŋ mʋa. Ma nyɩɛ wɩaa pɩ mɩ nɩaa nɛ ba laa wʋnyɩɛrɩ-la dii, ka ma kpʋ nɩalɩŋ sɩ bɩ maga dɩ ba sʋʋ, aŋ leŋ nɩalɩŋ fa sɩ maga dɩ ba sʋʋ kɛŋ mɩɩsɩŋ.

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

HABAKU 3:3

Wɩa lɩɩ Ɛdɔm tinteeŋ nɛ a kʋkɔ, Wɩa sɩ bɩ disiniŋ kɛnɛ lɩɩ Paraŋ peeliŋ nyuŋ nɛ a kʋkɔ. Ʋ tʋla tɔ wɩa-nyuŋ kala nɛ ka nɩaa dɛnnʋ su tinteeŋ kala.

MALAKAƖ 1:10

Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ. Mɩ-na ma TƖƖNA doluŋ kala Tɩɩna nɛ bʋla.

Matiu 23:14

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma yie kɛŋ yo-haalaa kɩaa laa didii a yie fugo chʋɔlɛ Wɩa didieni. Bʋa-la lɛ Wɩa sɩ jaŋ dii ma sarɩya, ma nɛ jaŋ na hɛɛŋ a kɩɩ nʋʋkala.]

Luuk 18:8

Mɩ jaŋ bʋla pɩma, ʋ jaŋ pɛ ba lɛ dɩ ba laa kʋsɩŋŋaa. Ʋ jaŋ ŋaa ŋɩɩ lɩma lɩma. Ama bʋa-la lɛ mɩ-na Nuhuobiine Bie sɩ jaŋ mɩɩra kɔ, mɩ jaŋ na nɩaa sɩ laamɛ dii dʋnɩa deeŋ lɛɛ?”

Luuk 20:20

Ŋɩɩ nɛ ba bee chɩchɛ wombii-la ba sɩ jaŋ to a kɛnʋ. Ba joŋ moribiee kpal nɩaa ka dɩ ba fugi arɩ ba ŋaa nɩtɩtɩɩba nɛ, a magɩsɛ Yesu a pɩɛsʋ wɩaa dɩ ba na ʋ jaŋ bʋl wɩɩ chei, dɩ ba wuo to ŋɩɩ lɛ a kɛnʋ a kaa mʋ hɛ ba kuoru-balɩŋ nɩsɩŋ lɛ, dɩ ʋ ŋaaʋ ŋɩɩ kala ʋ sɩ cho.

Luuk 22:47

Yesu fa sɩɩ bʋl wɩaa ŋɩɩ, ʋ niiŋ ha bɩ tinteeŋ tele dɩ nɩ-daŋ kɔ. Yesu harɩ-tooroo fii arɩ balɩa-la dɔŋɔ ba sɩɩ yɩrɛ Judas nɛ kɛmba kɔ. Judas mʋ Yesu teeŋ a guoru.

Jɔɔŋ 2:16

Ŋɩɩ nɛ ka ʋ bʋla pɩ nɩalɩŋ ma sɩɩ yallɛ kokosuŋ, “Má kaa lɩɩ dɩa-la tʋɔŋ. Má sɩ́ mɩ Nyɩmma dɩa kaa bɩrɩmɛ yɔbɔ.”

Rom Tɩŋŋaa 16:18

Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

MOSIS BƖRA WULLI WƖA WOMBIIŊ 24:17

Má sɩ́ nɩwogusuŋ arɩ biisinsiŋ gʋrʋ, koo dɩ ŋ nɛ joŋ kʋŋ a chɩŋ yo-haala, sɩ́ ʋ gɛrɩŋ laa bil chɩŋ-la bʋbʋɔŋ lɛ.

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

1 Tɛsalonaaka Nɩaa 2:5

Ma saa jɩma arɩ la sɩ kɔ ma teeŋ, la bɩ nii-sɩma nɛ kaa kɔ. La bɩ kɔ dɩ la bʋl kanfugi wɩaa a laa ma kɩaa. Wɩa nɛ ŋaa la sɩada tɩɩna.

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.

1 Timoti 3:3

Ʋ bɩ maga dɩ ʋ ŋaa sɩ-nyʋarʋ, a sɩ́ baaŋ tɩɩna ma ŋaa. Ama ʋ maga dɩ ʋ ŋaa nɩ-chɩm-chɩm nɛ a sɩ́ yuo-hɛɛrʋ ŋaa. Ʋ bɩ maga dɩ ʋ cho moribiee kɩŋkɛŋ.

1 Timoti 3:8

Nɩalɩŋ sɩɩ pɛ Wɩa nɩaa nɩhɩasɩŋ ma lɛ, ba maga dɩ ba ma kɛŋ mɛl-zɔmʋŋ nɛ, a kɛŋ wʋtɩtɩɩ. Ʋ bɩ maga dɩ ba faasaa nyʋa sɩnɩŋ koo dɩ ba cho moribiee kɩŋkɛŋ.

1 Timoti 6:5

Nɩaa deemba nyuŋ bɩra bɩ tɩŋ. Ŋɩɩ nɛ tɩɩ ba yie kɛŋ wɩaa lɩlɛrɛ ŋɩɩ. Ba bɩra bɩ wʋtɩtɩɩ ma jɩŋ. Ba bɩɩna Wɩɩchʋɔlɛ wombiiŋ ŋaa moribii chɛɛrɩ wombiiŋ nɛ.

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

Taatɩs 1:7

Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

1 Pɩɩta 2:8

Ba bɩra ŋmʋnsa Wɩa teniŋ tʋɔŋ a bʋl, “Ʋ jaŋ nagɛ tabɩɩŋ nɩaa sɩ jaŋ gɛrɛ tel. Tabɩɩ-la ŋaa bʋŋ nɛ, ʋ jaŋ leŋ dɩ ba tel.” Ba jaŋ tel, bɛɛ wɩaa ba vɩa Wɩa niiŋ wɩalɩŋ nɛ. Wɩa bʋl faafaa nɛ arɩ ba jaŋ ŋaa ŋɩɩ.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

2 Pɩɩta 1:16

La bʋla pɩma ŋɩɩ La Tɩɩna Yesu Kirisito sɩ kɔ dʋnɩa arɩ doluŋ. Wɩɩ-la la sɩ bʋla pɩma bɩ nagɛ sʋnsɔgʋlɔɔ wʋjɩnnaa sɩ sɔgʋlɔ. La tɩtɩa sɩɩŋ nɛ na Yesu Kirisito tʋla.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

Juud 1:11

Wɩɩŋ puuba. Ba to Keeŋ naabʋɔsʋŋ nɛ. Ba tɩŋ moribiee wɩaa nɛ a ŋaa wʋbɔŋŋɔɔ a nagɛ baal kʋbala ba fa sɩɩ yɩrɛ Balam fa sɩ ŋaa ŋɩɩ. Ba lɩɩ Wɩa harɩŋ nɛ a nagɛ baal kʋbala ba sɩɩ yɩrɛ Kora ma fa sɩ lɩɩ Wɩa harɩŋ ŋɩɩ. Ŋɩɩ nɛ Wɩa kpʋ ba kala.

Juud 1:15

dɩ ʋ dii nʋʋkala sarɩya, a joŋ cheeriŋ pɩ nɩbɔmɔ-la kala a tɩŋ wʋbɔmɔ-la ba sɩ ŋaa, arɩ wʋbɔmɔ-la kala nɩbɔŋŋɔɔ deemba sɩ bʋla a tɩgɛ Wɩa lɛ.”

Juud 1:16

Nɩaa deemba yie gʋgʋrɩmɛ wɩaa, a dʋdɔŋ nɩaa, baa to ba tʋɔbɩɩŋ bɔŋŋɔɔ harɩŋ nɛ, a bibigisi ba tɩtɩa lɛ, a kɛŋ nii-sɩma a nyɩsa lɩlaa nɩaa kɩaa.

Juud 1:4

Mɩ bʋl wɩɩŋ deeŋ pɩpɩma, bɛɛ wɩaa nɩaa dɔnsʋŋ sɩ bɩ Wɩa ka fá lʋara jʋʋ ma tʋɔŋ nɛ. Ba bɩ Wɩa wombiiŋ ka to, ŋɩɩ wɩaa Wɩa jaŋ dɔgɩsɛba a leŋ dɩ ba sʋʋ. Wɩa teniŋ tʋɔŋ ba bʋl faafaa kala nɛ dɩ Wɩa jaŋ ŋaa ŋɩɩ nɩbɔŋŋɔɔ lɛ. Wɩa sɩ fá la nenige a laala ta, ba to ŋɩɩ a kɛŋ Wɩa wʋzɔmɔ-la kaa bɩrɩmɛ a ŋɩŋaa wʋlɩɩlɩŋ. Ba yie bʋl arɩ ba bɩ Yesu Kirisito jɩŋ, Nɩɩ-la sɩ ŋaa la kala Tɩɩna.

Juud 1:7

Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.