2 KUOROO 2:3 - WƖA TENIŊ

³ Wɩa wʋlaabʋllaa sɩ hɛ Bɛtɛl lɛ kʋ lɩɩ pɩɛsɛ Elaasa, “Ŋ jɩma arɩ La TƖƖNA jaŋ joŋ ŋ nɩhɩaŋ jɩnɩŋ a kaa viiri koo?” Ʋ bʋl, “Oo, mɩ jɩma nɛ, ama, má tɔrɛ ma niiŋ.”

2 KUOROO 2:3 ပူးပေါင်းရင်းမြစ်များ

1 KUOROO 18:4

Jɛzɛbɛl fa sɩɩ kpʋ La TƖƖNA wʋlaabʋllaa, Obadaaya kɛsɛ Wɩa wʋlaabʋllaa zɔlɔ a faa bʋ-bʋɔsʋŋ balɩa lɛ. Mahɩŋ balɩa arɩ fii hɛ dɔŋɔ lɛ, mahɩŋ balɩa arɩ fii ma hɛ dɔŋɔ lɛ, a pɩpɩba kʋdiilee arɩ lɩɩŋ.)

1 KUOROO 20:35

Bʋa deeŋ lɛ dɩ La TƖƖNA leŋe ʋ wʋlaabʋllaa dɔŋɔ bʋla pɩ ʋ dɔŋɔ tɩɩna, “Ŋmoomi.” Ʋ dɔŋɔ-la vɩa.

2 KUOROO 2:15

Wɩa wʋlaabʋlla-la mahɩŋ balɩa arɩ fii sɩ lɩɩ Jeriko sɩ chɩŋ nɩmɛ a bibenu bʋl, “Wɩa Dɩma-la sɩ hɛ Ɩlaaja lɛ lɩɩ jʋʋ Elaasa nɛ.” Ŋɩɩ nɛ ba mʋ chemu a kpirimi ʋ sɩpaaŋ.

2 KUOROO 2:5

Wɩa wʋlaabʋlla-la sɩ hɛ Jeriko lɛ ma kʋ lɩɩ pɩɛsɛ Elaasa, “Ŋ jɩma arɩ La TƖƖNA jaŋ joŋ ŋ nɩhɩaŋ jɩnɩŋ a kaa viiri koo?” Ʋ bʋl, “Oo, mɩ jɩma nɛ, ama, má tɔrɛ ma niiŋ.”

2 KUOROO 2:7

Wɩa wʋlaabʋllaa mahɩŋ balɩa arɩ fii to Ɩlaaja arɩ Elaasa harɩŋ a mʋ chɩŋ dɩ-bolii mʋa, a bibeŋ ka ba balɩa mʋ chɩŋ Jɔdaŋ fuo-la niiŋ.

2 KUOROO 4:1

Tapʋlɩɩ kʋbala Wɩa wʋlaabʋllaa dɔŋɔ yo-haala mʋ Elaasa teeŋ, a yele pʋ, “Ŋ jɩma mɩ bala fa ŋaa ŋ harɩ-tooru nɛ a to La TƖƖNA woruŋ aŋ sʋʋ. Ama ʋ dii nʋʋ chɩŋ nɛ. Nɩɩ-la kɔ dɩ ʋ kɛsɛ mɩ hambolibiisiŋ balɩa a kaa mʋ dɩ ba ŋaa ʋ yosi.”

2 KUOROO 4:38

Ŋɩɩ harɩŋ lɛ nɛ Elaasa mɩɩra kɔ Gɩlɩgal tinteeŋ, dɩ losuŋ jʋʋ nɩmɛ. Tapʋlɩɩ kʋbala ʋ dɩdagɛ Wɩa wʋlaabʋlla-la sɩ kɔ ʋ teeŋ. Ŋɩɩ nɛ ʋ bʋla pɩ ʋ tɩntɩnna, “Hɛ nyiniŋ a joŋ pupoi-balɩŋ a chɔ dɩsɩŋ pɩ Wɩa wʋlaabʋllaa deemba.”

2 KUOROO 5:22

Gehazi bʋl, “Ba fɩɛla nɛ. Mɩ nɩhɩaŋ nɛ tɩmmɛ dɩ mɩ bʋla pɩŋ, ‘Bapʋɔsɛ biisiŋ balɩa nɛ lɩɩ Wɩa wʋlaabʋllaa tʋɔŋ Efirem tintee-la peelee sɩ yʋga lɛ a kɔ. Ʋ sɩ dɩ ŋ pɩmɛ warɩpʋla bʋɩ batori arɩ gɛrɩ-laalaa tʋŋ bʋlɩa dɩ ʋ pɩba.’ ”

2 KUOROO 6:1

Tapʋlɩɩ kʋbala Wɩa wʋlaabʋlla-la sɩ hɛ Elaasa teeŋ bʋla pʋ, “Lee-la la sɩɩ hilimu muuro nɛ a pɩla.

2 KUOROO 9:1

Tapʋlɩɩ kʋbala Elaasa yɩrɛ Wɩa wʋlaabʋlla-la sɩ hɛ ʋ teeŋ dɔŋɔ a bʋla pʋ, “Kɛŋ ŋ tembiiŋ vɔɔ ŋ gɛrɩŋ kpɛrɛ a kɛŋ ŋ tɩtɩa hɛ dɔŋɔ a joŋ nʋʋŋ arɩ loŋ deeŋ a mʋ taŋ-la ba sɩɩ yɩrɛ Ramɔf Gɩlɩad.

AZAAYA 8:18

Na mɩ dɩ nɩalɩŋ kala La TƖƖNA sɩ joŋo pɩmɛ nɛ ŋ-la. La TƖƖNA doluŋ kala Tɩɩna sɩ hɛ peel-la ba sɩɩ yɩrɛ Zaayɔŋ lɛ, ʋ jonla la ŋaa magɩl nɛ a pɩ Iziral tɩŋŋaa.

AMƆS 7:14

Amɔs bʋla pɩ Amazɩa, “Mɩ bɩ Wɩa wʋlaabʋllʋ ŋaa, mɩ bɩra bɩ Wɩa wʋlaabʋllʋ bii ma ŋaa, ama mɩ ŋaa pie-daarʋ nɛ, aŋ pɛ bibeŋ tutogusuŋ.

Tɩntɩŋŋaa 22:3

“Mɩ ŋaa Juu tɩɩna nɛ. Ba lʋlmɛ Taasɩs lɛ nɛ, Siliisia tinteeŋ. Mɩ hambiiriŋ lɛ nɛ ba kɛmmɛ kaa kɔ daha a bemmi. Gamalɩɛl nɛ dagɛmɛ. Ʋ dagɛmɛ la naabalɩmaba wombii-la ba sɩɩ to arɩ sɩɩfɩɛsɩŋ. Mɩ tou woruŋ a joŋ mɩ tɩtɩa kala pɩ Wɩa, arɩ ma ma sɩ hɛ daha jɩnɩmba a ŋɩŋaa ŋɩɩ.

MOSIS BƖRA WULLI WƖA WOMBIIŊ 33:3

Wʋtɩtɩɩ, La TƖƖNA cho ʋ nɩaa nɛ. Nɩalɩŋ kala sɩ kɛŋ tʋɔpʋla hɛ ʋ nɩsɩŋ lɛ nɛ, ʋ sɩpaaŋ nɛ ba kala kpirimi a laa wɩalɩŋ ʋ sɩ daga,

1 SAMƲƐL 10:5

Ŋɩɩ harɩŋ lɛ, ŋ jaŋ jɩl Wɩa dundolo-la sɩ hɛ Gɩbɩa lɛ, nɩmɛ nɛ Fɩlɩsɩtɩa tɩŋŋaa laalɩyuoroo buguŋ hɛ. Dɩ ŋ nɛ kʋʋ kpagɛ taŋ-la, ŋ jaŋ cheŋ Wɩa wʋlaabʋllaa dɩ ba pʋɔla a lɩɩ dundolo-la nyuŋ ba sɩɩ ŋaa Wɩɩsʋlʋŋ a kʋʋ tuu, ka nɩaa dudu kɔnɛba, aa chɩgɩsɛ chɩnchɩgɩsɩŋ, a ŋmʋʋ ŋmʋlaa, a du chenniŋ hɛ a laa ba sɩpaaŋ. Ba jaŋ bʋbʋl wɩaa Wɩa Dɩma doluŋ lɛ.

1 SAMƲƐL 19:20

Ŋɩɩ nɛ ʋ hɛ nɩaa dɩ ba mʋ kɛnʋ. Ba sɩ mʋa, ba na Wɩa wʋlaabʋllaa dɩ ba hilime a bʋbʋl wɩaa Wɩa doluŋ lɛ. Samʋɛl hɛ nɩmɛ a ŋaa ba sɩpaalaara. Ŋɩɩ nɛ Wɩa Dɩma kʋ jʋʋ nɩalɩŋ Sɔɔl sɩ tɩma, ba ma bʋbʋl wɩaa Wɩa doluŋ lɛ.