2 SAMƲƐL 9:10 - WƖA TENIŊ

¹⁰ Ŋ dɩ ŋ hambolibiisiŋ arɩ ŋ tɩntɩnnaa nɛ jaŋ pɩpɛrɛ tintee-la lɛ, a kɛŋ baga-la kɩaa kʋʋ pɩ ŋ nɩhɩaŋ dɩa nɩaa dɩ ba didii. Ŋ nɩhɩaŋ nihiŋ Mɛfɩbɔsɛf-na jaŋ didii kɩaa mɩ dɩa lɛ.” (Ziba fa kɛŋ hambolibiisiŋ fii arɩ banɔŋ nɛ, tɩntɩnnaa ma mara.)

2 SAMƲƐL 9:10 ပူးပေါင်းရင်းမြစ်များ

2 SAMƲƐL 16:3

Kuoro Devit bɩra pɩɛsɛ, “Nɩɩ nɛ ŋ nɩhɩaŋ Sɔɔl nihiŋ Mɛfɩbɔsɛf hɛ?” Ziba bʋl, “Ʋ nɛ hɔŋ Jerusalɛm lɛ, bɛɛ wɩaa ʋ bɩɩna Iziral tɩŋŋaa jaŋ joŋ ʋ naabalɩma kuoruŋ a pʋ.”

2 SAMƲƐL 19:18

Ba chol fuo-la, lee-la sɩ bɩ luŋ dɩ ba kɛŋ kuoro dɩa nɩaa chol, aŋ ŋaa wɩɩ-la kala ʋ sɩɩ chɛ. Gɛra bie Sɩmɛɩ sɩ chol Jɔdaŋ fuo-la, ʋ tuu kpirime yi tinteeŋ kuoro sɩpaaŋ,

2 SAMƲƐL 19:28

Kuoro, mɩ nɩhɩaŋ, mɩ nyɩmma dɩa nɩaa kala paala magɛ dɩ ŋ fa kpʋla nɛ. Ama ŋ wuo pɩmɛ wombiiŋ nɛ, mɩ didii kɩaa ŋ dɩa lɛ. Ŋɩɩ wɩaa wombii bɛɛ nɛ mɩ kɛŋ dɩ mɩ ma bɩra pɩɛsa chɩchɛ wɩɩ ŋ-na kuoro teeŋ?”

2 SAMƲƐL 21:7

Kuoro Devit fa leŋ Sɔɔl nanʋala Jonataŋ bie Mɛfɩbɔsɛf-na nɛ, a tɩŋ nii-la ʋ dɩ Sɔɔl nanʋala Jonataŋ fa sɩ hɛ pɩ dɔŋɔ La TƖƖNA sɩpaaŋ wɩaa.

2 SAMƲƐL 9:7

Devit bʋla pʋ, “Sɩ́ leŋe dɩ ŋ bɔyɛ joŋ, mɩ jaŋ chaasa dagɛ mɩ chonuŋ a pɩŋ a tɩŋ ŋ nyɩmma Jonataŋ wɩaa. Mɩ jaŋ joŋ tintee-la kala sɩ ŋaa ŋ naabalɩma Sɔɔl kʋŋ a pɩŋ, aŋ ka dɩ ŋ didii kɩaa ma mɩ dɩa lɛ bʋa na-kala.”

1 KUOROO 2:7

Ama kɛŋ Gɩlɩad tɩŋŋaa baal-la ba sɩɩ yɩrɛ Bazɩlaɩ hambolibiisiŋ woruŋ, a leŋ dɩ ba didii kɩaa ŋ gbaŋa lɛ. Ba nɛ fa chɩŋ mɩ harɩŋ bʋa-la lɛ mɩ sɩ faa lɛl ŋ malɩma Abɩsalɔm nɩsɩŋ lɛ.

2 KUOROO 25:29

Kuoro fa leŋe Jehoyachiŋ wuri ʋ dansarɩka gɛnnɩŋ ta nɛ aŋ lɩlaalɛ ʋ tɩtɩa gɛnnɩŋ, a didii kɩaa kuoro dɩa lɛ tapʋlɩɩ kala.

JƐRƖMAAYA 52:34

Tapʋlɩɩ kala Babɩlɔŋ kuoro yie pɩ Jehoyachiŋ moribiee nɛ a kaa mʋ yi bʋa-la lɛ ʋ sɩ sʋba.

Luuk 14:15

Yesu sɩ bʋl wɩɩŋ deeŋ, ŋɩɩ nɛ nɩalɩŋ sɩ hɔnɔɔ dii kɩalɩŋ dɔŋɔ bʋla pɩ Yesu a bʋl, “Nɩalɩŋ sɩ jaŋ dii kɩaa Wɩa kuorii-la tʋɔŋ, ba tʋɔŋ jaŋ tɔrɛ.”