2 SAMƲƐL 8:14 - WƖA TENIŊ

¹⁴ Ʋ bɩra leŋ ʋ laalɩyuoroo gɔllɔ ŋmoo bugoo Ɛdɔm tinteeŋ lɛ a hɔŋ nɩmɛ. Ŋɩɩ nɛ Ɛdɔm tɩŋŋaa sɛɩ Devit bibemba. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

2 SAMƲƐL 8:14 ပူးပေါင်းရင်းမြစ်များ

WƖAA DƖ-SUOMUŊ 25:23

La TƖƖNA bʋla pʋ, “Biiriŋ balɩa nɛ hɛ ŋ tʋɔŋ, ba jaŋ sii ŋaa tinteyee balɩa, ba bɩ jaŋ suguli dɔŋɔ lɛ, kʋbie nɛ jaŋ dolie kɩɩ kʋhɩaŋ. Kʋhɩaŋ jaŋ tɩma pɩ kʋbie.”

WƖAA DƖ-SUOMUŊ 27:29

Wɩa jaŋ leŋ dɩ dʋnɩa sɛmɛ na-kala nɩaa kpikpirimi ŋ sɩpaaŋ aŋ tɩmaa pɩŋ a leŋ dɩ ŋ bibeŋ ŋ naambiiriŋ, dɩ ba kpikpirimi ŋ sɩpaaŋ. Dɩ nʋʋ ma nɛ ŋmɩɛsa hɛ ŋ lɛ, dɩ ŋmɩaŋ-la dii ʋ tɩɩna. Dɩ nʋʋ ma nɛ sʋl wɩɩ-zɔmʋŋ pɩŋ, dɩ Wɩa pɛ tɩɩna ma lɛ.”

2 SAMƲƐL 5:10

Ŋɩɩ nɛ La TƖƖNA Wɩa doluŋ kala Tɩɩna chɩŋ Devit harɩŋ woruŋ, ʋ doluŋ wasa pʋŋa pɛ.

2 SAMƲƐL 7:9

Lee na-kala ŋ sɩ mʋa, mɩ chɩŋ ŋ harɩŋ nɛ, a yuo dii ŋ dʋndɔŋŋɔɔ kala. Lɛɛlɛ mɩ jaŋ leŋ dɩ ŋ yɩrɩŋ sii, arɩ dʋnɩa nɩbalaa yɩrɩŋ sɩ sii ŋɩɩ.

2 SAMƲƐL 8:15

Devit fa dii kuoruŋ Iziral tinteeŋ kala lɛ nɛ, a ŋaa wɩaa ba bʋa lɛ a pɩpɩ ʋ nɩaa kala.

2 SAMƲƐL 8:6

Devit fa leŋe ʋ laalɩyuoroo dɔnsʋŋ gɔllɔ ŋmoo bugoo Damasɩkʋs tinteeŋ lɛ nɛ, a hɔŋ Siiria tɩmma-la sɩ hɛ lee-la. Ŋɩɩ nɛ Siiria tɩmma-la sɛɩ Devit bibemba, ba tiŋ lampoo pʋpʋ. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

1 KUOROO 11:15

Devit fa sɩ yuo dii Ɛdɔm tɩŋŋaa, ʋ laalɩyuori-hɩaŋ Jʋab mʋ nɩmɛ nɛ dɩ ʋ hugi nɩalɩŋ ba sɩ kpʋa laalɩŋ lɛ.

1 KUOROO 22:47

Bʋa-la lɛ Ɛdɔm tinteeŋ fa bɩ kuoro kɛnɛ, ka ba leŋ kuoro tɩntɩnnɩ-hɩaŋ dɔŋɔ bibeŋ lee-la.

1 KUOROO 22:48

Dɩ Jehosafat fa leŋe lɩɩŋ daborusuŋ mʋmʋ Ofi dɩ ba chʋŋ sɛlɩmɛ, a mʋ chei lee-la ba sɩɩ yɩrɛ Ɛzɩɔŋ-Geba lɛ a bɩra bɩ vɛnɛ.

2 KUOROO 14:7

Amazɩa sɩ dii kuoruŋ, bʋa kʋbala lɛ ʋ fa kpʋ Ɛdɔm tɩŋŋaa bʋɩ fii nɛ fuonaa-la ba sɩɩ yɩrɛ yɩsɩŋ fuonaaŋ lɛ. Ʋ nɛ bɩra yuo dii taŋ-la ba sɩɩ yɩrɛ Sɛla laalɩŋ lɛ, aŋ mɩɩra hɛ ʋ yɩrɩŋ Jɔkɩtɛl. Arɩ jɩnɩŋ kala, ŋɩɩ nɛ baa yɩrʋ.

2 KUOROO 18:7

La TƖƖNA fa chɩŋ ʋ harɩŋ nɛ, ʋ wɩɩkala wasɛ. Hezikaaya fa vɩa Asiiria kuoro nɛ a bɩ ʋ niiŋ to.

1 IZIRAL TƖŊŊAA NAABARƖŊ 18:13

Ʋ bɩra leŋ ʋ laalɩyuoroo gɔllɔ ŋmoo bugoo Ɛdɔm tinteeŋ lɛ a hɔŋ nɩmɛ. Ŋɩɩ nɛ Ɛdɔm tɩŋŋaa sɛɩ Devit bibemba. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

WƖA YƖƖLAA 60:1

Wɩa, ŋ fa na baanɩŋ nɛ la nyuŋ a vɩala ta, la bɩ doluŋ kɛnɛ. Leŋ dɩ la bɩra kɛŋ doluŋ.