2 SAMƲƐL 7:3 - WƖA TENIŊ

³ Ŋɩɩ nɛ Netaŋ bʋla pɩ kuoro Devit, “Ŋaa wɩɩ-la kala ŋ sɩ bɩɩna dɩ ʋ zɔmɔ pɩŋ, La TƖƖNA chɩŋ ŋ harɩŋ nɛ.”

2 SAMƲƐL 7:3 ပူးပေါင်းရင်းမြစ်များ

2 SAMƲƐL 7:4

Ama tɩtaŋ-la tɩtɩa nɛ La TƖƖNA fa bʋl wɩaa pɩ Netaŋ:

1 KUOROO 1:8

Ama Wɩɩsʋllɩ sɩpaalaara Zadɔk arɩ Jehoyada nanʋala Benaaya, Netaŋ sɩ ŋaa Wɩa wʋlaabʋlla, a saa pɛ Sɩmɛɩ arɩ Rɛɩ arɩ laalɩyuoro-la sɩɩ pɔ kuoro Devit, ba-na bɩ Adonija harɩŋ chɩna.

2 KUOROO 4:27

Ama haal-la sɩ kʋ jɩl Elaasa teeŋ peel-la nyuŋ, ʋ mʋ kpirime kɛŋ ʋ naaŋ lɛ. Ŋɩɩ nɛ Gehazi kɔ dɩ ʋ yigi haal-la ta. Elaasa bʋla pʋ, “Leŋu, ʋ tʋɔŋ chaasa chei nɛ, ama La TƖƖNA kaa faamɛ nɛ, ʋ bɩ leŋe mɩ jɩŋ wɩɩ-la sɩ tɩɩ wɩɩŋ deeŋ ŋaa.”

1 IZIRAL TƖŊŊAA NAABARƖŊ 22:7

Devit bɩra bʋla pɩ Solomoŋ, “Mɩ nanʋala, mɩ fa kɛŋ mɩ tʋɔŋ nɛ dɩ mɩ saa dɩa dɩ ba dɩdɛnnɛ mɩ Tɩɩna Wɩa nɩmɛ.

1 IZIRAL TƖŊŊAA NAABARƖŊ 28:2

Kuoro Devit sii chɩŋ a bʋl, “Mɩ naambiiri, má jegile nɩɩ mɩ teeŋ, mɩ kɛŋ mɩ tʋɔŋ dɩ mɩ saa dɩa nɛ a hɛ La TƖƖNA Wɩa niiriŋ daga-la, ʋ naasɩŋ dɩ-daŋɩŋ. Mɩ chɛ kɩalɩŋ kala mɩ sɩ jaŋ kaa saa dɩa-la nɛ.

1 IZIRAL TƖŊŊAA NAABARƖŊ 29:29

Wɩalɩŋ kala Devit sɩ dii kuoruŋ a ŋaa, ba kala nɛ ba ŋmʋnsa hɛ Wɩa wʋlaabʋlla Netaŋ, Wɩa sɩɩ-naara Samʋɛl arɩ Wɩa sɩɩ-naara Gad tenniŋ tʋɔŋ a bil.

2 IZIRAL TƖŊŊAA NAABARƖŊ 29:25

Hezikaaya leŋ Levi doho nɩalɩŋ gɔllɔ chɩŋ ba dɩchɩnaa La TƖƖNA dɩɩ-balɩŋ lɛ, a kori buguloo, chenniŋ arɩ kɔnɛba, arɩ La TƖƖNA fa sɩ to ʋ wʋlaabʋllaa Gad arɩ Netaŋ lɛ a dagɛ ŋɩɩ pɩ kuoro Devit.

WƖA YƖƖLAA 20:4

a leŋ dɩ ʋ pɩŋ kɩalɩŋ kala ŋ sɩɩ chɛ, dɩ wɩɩkala ŋ sɩɩ bɩɩnʋ vɛŋ woruŋ pɩŋ.

WƖA YƖƖLAA 37:4

Leŋ dɩ ŋ tʋɔŋ tɔrɛ La Tɩɩna nyuŋ. Ʋ jaŋ ŋaa ŋ wʋchɛɛlɛɛ kala pɩŋ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 SAMƲƐL 10:7

Dɩ wʋmagɩlaa deemba kala nɛ kʋ ŋaa ŋ lɛ, wɩɩ-la na-kala ŋ sɩ bene dɩ ʋ zɔmɔ, ŋaa. Wɩa chɩŋ ŋ harɩŋ nɛ.

1 SAMƲƐL 14:7

Nɩɩ-la sɩ kori ʋ laalɩyuori kɩaa bʋl, “Wɩɩ-la kala ŋ sɩ bɩɩna dɩ ŋ ŋaa, ŋaa. Mɩ chɩŋ ŋ harɩŋ nɛ arɩ mɩ tʋɔŋ kala.”

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”