2 SAMƲƐL 7:26 - WƖA TENIŊ

²⁶ dɩ ŋ yɩrɩŋ yɩrɛ a kaa mʋ wuu. Ŋɩɩ nɛ nɩaa jaŋ bʋl, ‘La TƖƖNA doluŋ kala Tɩɩna nɛ ŋaa Iziral Wɩa.’ Ŋ jaŋ leŋ dɩ mɩ-na ŋ tɩntɩnna Devit dɩa chaasa chɩŋ.

2 SAMƲƐL 7:26 ပူးပေါင်းရင်းမြစ်များ

WƖAA DƖ-SUOMUŊ 17:18

Ŋɩɩ nɛ Abɩraham bʋla pɩ Wɩa, “Dɩ ŋ nɛ jaŋ pɛ Ɩsɩmɛl lɛ.”

2 SAMƲƐL 7:25

Mɩ Tɩɩna Wɩa, mɩɩ sʋlʋŋ, kɛŋ nii-la ŋ sɩ hɛ a tɩgɛ mɩ-na ŋ tɩntɩnna arɩ mɩ doho nɩaa lɛ kaa tɩŋ a kaa mʋ wuu. Ŋaa wɩalɩŋ kala ŋ sɩ bʋla,

1 KUOROO 18:36

Dɩdaanɩŋ Wɩɩsʋlʋŋ bʋa sɩ yie, Wɩa wʋlaabʋlla Ɩlaaja kʋ lɩɩ chɩŋ a chʋɔlɛ Wɩa a bʋl, “Mɩ Tɩɩna sɩ ŋaa Abɩraham, Aɩzɩk arɩ Jekɔb Wɩa, jɩnɩŋ leŋ dɩ ba jɩŋ arɩ ŋ nɛ ŋaa Wɩa a hɛ Iziral lɛ, a bɩra leŋ dɩ ba jɩŋ arɩ mɩ ŋaa ŋ tɩntɩnnʋ nɛ, wɩaa deemba kala mɩ sɩɩ ŋaa, ŋ nɛ hɛmɛ.

1 KUOROO 18:37

La TƖƖNA, nɩɩ mɩ teeŋ, leŋ dɩ nɩaa deemba jɩŋ arɩ ŋ nɛ ŋaa ba TƖƖNA, a ŋaa Wɩa, aŋ kɛŋ ba tʋɔŋ bɩrɩmɛ dɩ ba toŋ.”

WƖA YƖƖLAA 115:1

La-na bɩ maga dɩ nʋʋ dɛnnɛla. Ŋ-na La Tɩɩna, ŋ dʋndʋŋa nɛ maga dɩ ba dɛnnɛ, a tɩŋ ŋ chono-la sɩ bɩ dɛrɛ arɩ ŋ wʋtɩtɩɩ wɩaa.

WƖA YƖƖLAA 61:7

Wɩa, a leŋ dɩ ʋ dii kuoruŋ ŋ sɩpaaŋ a kaa mʋ wuu, dɩ ŋ pɔʋ arɩ ŋ wʋtɩtɩɩ arɩ ŋ chono-la sɩ bɩ dɛrɛ.

WƖA YƖƖLAA 89:36

Ʋ doho nɩaa nɛ jaŋ didii kuoruŋ bʋa na-kala. Mɩ sɩpaaŋ, ʋ kuoruŋ jaŋ chɩŋ a kaa mʋ wuu a nagɛ wɩɩpɔsʋŋ sɩ chɩŋ ŋɩɩ.

Matiu 6:9

Ŋ-la nɛ maga dɩ ma chʋɔlɛ Wɩa: ‘La Nyɩmma sɩ hɛ Wɩa-jaŋ, leŋ dɩ ŋ yɩrɩŋ yɩrɛ.

Jɔɔŋ 12:28

Mɩ Nyɩmma, leŋ dɩ nɩaa yɩrɛ ŋ yɩrɩŋ.” Ŋɩɩ nɛ nʋʋ yikoro lɩɩ wɩa-nyuŋ a bʋl, “Mɩ paala laa yɩrɩŋ nɛ. Mɩ saa jaŋ bɩra leŋ dɩ nɩaa yɩrɛ mɩ yɩrɩŋ.”