2 SAMƲƐL 7:24 - WƖA TENIŊ

²⁴ Ŋ leŋe Iziral tɩŋŋaa chaasa chɩŋ nɛ a ŋaa ŋ nɩaa a kaa mʋ wuu. Ŋ-na La TƖƖNA nɛ lɛɛlɛ ŋaa ba Wɩa.

2 SAMƲƐL 7:24 ပူးပေါင်းရင်းမြစ်များ

WƖAA DƖ-SUOMUŊ 17:7

Mɩ jaŋ leŋ dɩ nii-la mɩ sɩ bile mɩ dɩ ŋ doho nɩaa arɩ nɩalɩŋ sɩ jaŋ to ŋ harɩŋ kɔ pɛgɛ, dɩ ʋ chɩŋ kpaŋkpaŋ a kaa mʋ wuu. Mɩ jaŋ ŋaa ŋ dɩ nɩalɩŋ sɩ jaŋ to ŋ harɩŋ kɔ Wɩa.

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

2 SAMƲƐL 7:23

Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee arɩ ba vesiŋ ta nɛ ŋ nɩaa sɩpaaŋ. Ba nɛ nɩalɩŋ ŋ sɩ laa ta Ijipiti tinteeŋ lɛ.

2 SAMƲƐL 7:25

Mɩ Tɩɩna Wɩa, mɩɩ sʋlʋŋ, kɛŋ nii-la ŋ sɩ hɛ a tɩgɛ mɩ-na ŋ tɩntɩnna arɩ mɩ doho nɩaa lɛ kaa tɩŋ a kaa mʋ wuu. Ŋaa wɩalɩŋ kala ŋ sɩ bʋla,

1 IZIRAL TƖŊŊAA NAABARƖŊ 17:22

Ŋ leŋe Iziral tɩŋŋaa nɛ ŋaa ŋ nɩaa a kaa mʋ wuu. Ŋ-na La TƖƖNA nɛ lɛɛlɛ ŋaa ba Wɩa.

WƖA YƖƖLAA 48:14

La Wɩa nɛ ŋ-la, ʋ nɛ la Wɩa a kaa mʋ wuu. Ʋ nɛ jaŋ pɔla a kaa mʋ la dɩdɛrɩŋ.

MOSIS KƐŊ IZIRAL TƖŊŊAA LƖƖ 15:2

La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ aa dagɛ wɩalɩŋ ʋ sɩ ŋaa. Ʋ nɛ ŋaa mɩ Laataara. Ʋ nɛ ŋaa mɩ Wɩa, mɩ jaŋ dɛnnʋ. Ʋ nɛ ŋaa mɩ nyɩmma Wɩa, mɩ jaŋ leŋ dɩ ʋ yɩrɩŋ yɩrɛ.

MOSIS KƐŊ IZIRAL TƖŊŊAA LƖƖ 6:7

Mɩ jaŋ jomma dɩ ma ŋaa mɩ nɩaa, ka dɩ mɩ ŋaa ma Wɩa. Ŋɩɩ nɛ ma jaŋ jɩŋ arɩ mɩ nɛ ma Wɩa, ma TƖƖNA, Wɩa-la sɩ laama ta hɛɛ-la ma fa sɩɩ na Ijipiti tɩŋŋaa nɩsɩŋ lɛ.

AZAAYA 12:2

Wʋtɩtɩɩ, Wɩa nɛ ŋaa mɩ Laataara, mɩ jaŋ laaʋ dii a bɩ fawʋllʋŋ ka fá. La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ dɛnnʋ, ʋ nɛ ŋaa mɩ Laataara.”

JƐRƖMAAYA 31:1

La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

JƐRƖMAAYA 31:33

La TƖƖNA bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombii-la mɩ sɩ bile dɩ ba tuto wɩaa hɛ ba nyuŋ lɛ, aŋ ŋmʋnsʋ a hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

JƐRƖMAAYA 32:38

Ba jaŋ ŋaa mɩ nɩaa, dɩ mɩ ma ŋaa ba Wɩa.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

MOSIS BƖRA WULLI WƖA WOMBIIŊ 26:18

Jɩnɩŋ La TƖƖNA daga arɩ ma ŋaa ʋ nɩaa nɛ. Ma nɛ ŋaa ʋ nɩcholoo arɩ ʋ sɩ hɛ niiŋ ŋɩɩ pɩma, ʋ saa sɩ ʋ maga dɩ ma to wɩalɩŋ kala ʋ sɩ daga.

MOSIS BƖRA WULLI WƖA WOMBIIŊ 27:9

Ŋɩɩ nɛ Mosis arɩ Levi doho Wɩɩsʋllɩ sɩpaalaaraa bʋl wɩaa pɩ Iziral tɩŋŋaa a bʋl, “Má kɛŋ goŋ aŋ jegile nɩɩ. Lɛɛlɛ ma ŋaa ma TƖƖNA Wɩa nɩaa nɛ,

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?

1 Pɩɩta 2:10

Bumbuŋ-la ma fa bɩ kʋŋkala ŋaa, ama lɛɛlɛ ma ŋaa Wɩa nɩaa nɛ. Wɩa fa bɩ ma nenige fá, ama lɛɛlɛ ʋ fá ma nenige nɛ.