2 SAMƲƐL 7:23 - WƖA TENIŊ

²³ Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee arɩ ba vesiŋ ta nɛ ŋ nɩaa sɩpaaŋ. Ba nɛ nɩalɩŋ ŋ sɩ laa ta Ijipiti tinteeŋ lɛ.

2 SAMƲƐL 7:23 ပူးပေါင်းရင်းမြစ်များ

2 SAMƲƐL 7:24

Ŋ leŋe Iziral tɩŋŋaa chaasa chɩŋ nɛ a ŋaa ŋ nɩaa a kaa mʋ wuu. Ŋ-na La TƖƖNA nɛ lɛɛlɛ ŋaa ba Wɩa.

1 IZIRAL TƖŊŊAA NAABARƖŊ 17:21

Tintee dɔŋ tuo dʋnɩa lɛ a magɛ ŋ nɩaa Iziral tɩŋŋaa. Ba nɛ ŋ laa ta Ijipiti tɩŋŋaa nɩsɩŋ lɛ faafaa, bʋa-la lɛ ba sɩ ŋaa yosuŋ. Ŋ laaba ta dɩ ba ŋaa ŋ nɩaa nɛ. Wʋbala-la arɩ wʋkpuŋkperisi-la ŋ sɩ ŋaa pɩba leŋe ŋ yɩrɩŋ yɩrɛ nɛ dʋnɩa kala lɛ. Ŋ kiri tinteyee nɩaa ta nɛ ŋ nɩaa sɩpaaŋ, ŋ nɩalɩŋ ŋ sɩ laa ta Ijipiti tinteeŋ lɛ.

NƐHƖMAAYA 1:10

Ba ŋaa ŋ tɩntɩnnaa arɩ ŋ nɩaa nɛ. Ba nɛ ŋ kɛŋ ŋ dol-balɩŋ arɩ ŋ naduo-la laa ta ŋɩɩ.

WƖA YƖƖLAA 106:22

Wʋkpuŋkperisi-la ŋ sɩ ŋaa Ham tinteeŋ arɩ wʋduoru-la sɩ kɛŋ fawʋllʋŋ ŋ ŋaa Mʋgʋ-fɩaŋ-la leriŋ.

WƖA YƖƖLAA 111:9

Ʋ laa ʋ nɩaa ta nɛ, a bil niiŋ ʋ dɩ ba pɛgɛ a kaa mʋ wuu. Ʋ bɩ disiniŋ kɛnɛ, ʋ maga dɩ ma yɩrɛ ʋ yɩrɩŋ.

WƖA YƖƖLAA 145:6

Ba jaŋ bʋl ŋ doluŋ arɩ ŋ wʋmagɩla-la ŋ sɩ ŋaa wɩaa, ka dɩ mɩ ma heele bʋl wʋbala-la ŋ sɩ ŋaa.

WƖA YƖƖLAA 147:20

Ʋ bɩ wɩɩŋ deeŋ ŋaa pɩ tintee dɔŋ kala, ba bɩ ʋ wombie-la ʋ sɩ bile dɩ la tuto jɩŋ. Má dɛnnɛ La Tɩɩna.

WƖA YƖƖLAA 40:5

Mɩ Tɩɩna Wɩa, ŋ ŋaa wʋkpuŋkperisiŋ yʋgɛ nɛ. Wɩalɩŋ ŋ ha sɩɩ bɩɩnʋ dɩ ŋ ŋaa pɩla, nʋʋ bɩ jaŋ wuo dɩɩsɛba. Dɩ mɩ nɩɩ chɛ mɩ dagɛba pɩ nɩaa, ba jaŋ yʋga kɩɩ dɩɩsɩŋ.

WƖA YƖƖLAA 44:3

Ba laalɩyuori kɩaa dee ba kaa yuo laa tintee-la, ba doluŋ ma dee ba kaa yuo dii. Ŋ choba nɛ tɩɩ ŋ kɛŋ ŋ naduoŋ arɩ ŋ tʋla pʋlʋmʋŋ ŋaa ŋɩɩ pɩba.

WƖA YƖƖLAA 65:5

Wɩa, la Laataara, ŋ laa la sʋla nɛ, a ŋaa tʋɔpʋl wɩaa sɩ kɛŋ fawʋllʋŋ. Ŋ joŋ yɩɛlaa pɩ dʋnɩa sɛmɛ kala nɩaa nɛ, a pɛ nɩalɩŋ ma sɩ hɛ mʋgʋ-balɩŋ cholo dɩ-bolii.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

MOSIS KƐŊ IZIRAL TƖŊŊAA LƖƖ 12:12

Tɩtaŋ-la tɩtɩa, mɩ jaŋ gɔllɛ Ijipiti tinteeŋ a kpʋ ba hambolibii-hɩasɩŋ arɩ ba pʋsʋŋ bii-bumbumba sɩ ŋaa belliŋ a leŋ vesi-la kala sɩ hɛ Ijipiti lɛ jɩŋ arɩ ba bɩ kɩaa ŋaa, mɩ nɛ ŋaa ma TƖƖNA.

MOSIS KƐŊ IZIRAL TƖŊŊAA LƖƖ 33:16

Wʋbɛɛ nɛ jaŋ dagɛ arɩ ŋ cho mɩ dɩ ŋ nɩaa nɛ dɩ la dɩŋ nɛ bɩ dɔŋɔ to mʋ? Wʋbɛɛ nɛ jaŋ dagɛ arɩ mɩ dɩ ŋ nɩaa ŋaa dabaŋ nɛ dʋnɩa nɩaa kala tʋɔŋ?”

MOSIS KƐŊ IZIRAL TƖŊŊAA LƖƖ 6:7

Mɩ jaŋ jomma dɩ ma ŋaa mɩ nɩaa, ka dɩ mɩ ŋaa ma Wɩa. Ŋɩɩ nɛ ma jaŋ jɩŋ arɩ mɩ nɛ ma Wɩa, ma TƖƖNA, Wɩa-la sɩ laama ta hɛɛ-la ma fa sɩɩ na Ijipiti tɩŋŋaa nɩsɩŋ lɛ.

MOSIS KƐŊ IZIRAL TƖŊŊAA LƖƖ 9:15

Mɩ kɛŋ doluŋ mɩ fa sɩ jaŋ joŋ nyanyal bɔŋŋɔɔ hɛ ŋ dɩ ŋ nɩaa kala lɛ dɩ ma nyɩɩgɛ tinteeŋ kala lɛ,

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

JƐRƖMAAYA 32:20

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti tinteeŋ lɛ, aŋ ha ŋɩŋaaba a kaa kɔ jɩnɩŋ, Iziral tɩŋŋaa arɩ dʋnɩa nɩaa kala tʋɔŋ. Ŋɩɩ leŋ ŋ laa yɩrɩ-balɩŋ lee-kala.

JƐRƖMAAYA 32:21

Ŋ ŋaa wʋmagɩlaa arɩ wʋkpuŋkperisiŋ nɛ, a dagɛ ŋ doluŋ, a ŋaa wɩaa sɩ kɛŋ fawʋllʋŋ a kɛŋ ŋ nɩaa Iziral tɩŋŋaa kaa kʋ lɩɩ Ijipiti tinteeŋ lɛ.

ƐZƖKƖƐL 20:9

Ama a tɩŋ mɩ yɩrɩŋ wɩaa, mɩ fa ŋaa wɩɩ-la sɩ jaŋ leŋ dɩ mɩ yɩrɩŋ sɩ́ chei nɛ, dɩ tinteye-la nɩaa tʋɔŋ ba sɩ guolo na, nɩalɩŋ tʋɔŋ mɩ sɩ kɛŋ mɩ tɩtɩa dagɛ Iziral tɩŋŋaa aŋ kɛmba kaa lɩɩ Ijipiti tinteeŋ lɛ.

NAMBABA 6:27

Dɩ ba nɛ yɩrɛ mɩ yɩrɩŋ Iziral tɩŋŋaa tʋɔŋ a bʋl wɩaa deemba, mɩ jaŋ pɛ ba lɛ.”

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

MOSIS BƖRA WULLI WƖA WOMBIIŊ 10:21

Ʋ nɛ ŋaa ma Wɩa, má zilu. Ma tɩtɩa na wʋduoru-la arɩ wʋkpuŋkperisi-la ʋ sɩ ŋaa pɩma nɛ.

MOSIS BƖRA WULLI WƖA WOMBIIŊ 15:15

Ma jɩŋ arɩ ma ma fa ŋaa yosi nɛ Ijipiti tinteeŋ lɛ, ma TƖƖNA Wɩa laama ta, ŋɩɩ nɛ tɩɩ mɩ joŋ wɩɩŋ deeŋ aa dagɛma jɩnɩŋ.

MOSIS BƖRA WULLI WƖA WOMBIIŊ 33:29

Iziral tɩmma, La TƖƖNA pɛ ma lɛ nɛ. Kʋbɛɛ nɛ nagɛma, ma ŋaa nɩa La TƖƖNA sɩ laa ta nɛ. Ʋ nɛ ŋaa nɩɩ-la sɩ chu tɔma a pɩpɛ ma lɛ. Ʋ nɛ ma laalɩyuoro, ma dʋndɔŋŋɔɔ jaŋ kɔ ma teeŋ a nagɛ ba kɛŋ ba tɩtɩa muuri nɛ a sʋsʋlma, ka dɩ ma vɩa aŋ yuo diiba.

MOSIS BƖRA WULLI WƖA WOMBIIŊ 9:26

Mɩ sʋllʋ a bʋl, “Mɩ Tɩɩna Wɩɩjarɩbakɔ, sɩ́ ŋ nɩaa ŋ tɩtɩa sɩ lɩɩsa chei. Ŋ nɛ laaba arɩ ŋ doluŋ Ijipiti tɩŋŋaa nɩsɩŋ lɛ a kɛmba kaa lɩɩ Ijipiti tinteeŋ lɛ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

JOSUA 7:9

Dɩ Kɛnaŋ tɩŋŋaa arɩ nɩaa dɔnsʋŋ nɛ nɩɩ wɩɩŋ deeŋ, ba jaŋ sii a kʋ gollila a kpʋ la kala dɩ la yɩrɩŋ lɛl tinteeŋ lɛ. Bɛɛ nɛ ŋ jaŋ ŋaa dɩ ŋ yɩrɩ-bal-la sɩ́ lɛl?”

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.