2 SAMƲƐL 7:22 - WƖA TENIŊ

²² La TƖƖNA Wɩɩjarɩbakɔ, ŋ nɛ kɩɩ kʋŋkala. Kʋŋkala tuo a magɩŋ. Wɩalɩŋ kala la sɩ nɩa daga arɩ ŋ nɛ Wɩa.

2 SAMƲƐL 7:22 ပူးပေါင်းရင်းမြစ်များ

2 SAMƲƐL 22:32

Wɩa dɔŋ hɛ nɩmɛ a pɛ LA TƖƖNA Wɩa lɛɛ? Kʋbɛɛ nɛ kɛŋ doluŋ dɩ la Wɩa dee?

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

1 IZIRAL TƖŊŊAA NAABARƖŊ 16:25

La TƖƖNA nɛ yʋga kɩɩ kʋŋkala a magɛ dɩ la faasa dɛnnʋ, ʋ nɛ maga dɩ la fá a kɩɩ vene kala.

2 IZIRAL TƖŊŊAA NAABARƖŊ 2:5

Mɩɩ chɛ mɩ saa Wɩa dɩɩ-balɩŋ dɩ ʋ chaasa yʋgɛ nɛ, bɛɛ wɩaa la Wɩa nɛ yʋga kɩɩ vene kala.

WƖA YƖƖLAA 135:5

Mɩ jɩma La Tɩɩna nɛ yʋga, La Tɩɩna nɛ kɛŋ doluŋ a kɩɩ vesiŋ kala.

WƖA YƖƖLAA 145:3

La Tɩɩna, ŋ yʋga nɛ a magɛ dɩ la faasa dɛnnɩŋ. Ŋ ballɩŋ kɩɩ nuhuobiine jɩmɩŋ nɛ.

WƖA YƖƖLAA 44:1

La Wɩa, la nɩɩ ŋ wɩaa nɛ, la naabalɩmaba bʋl wɩalɩŋ ŋ sɩ ŋaa faafaa kala pɩla nɛ, bʋa-la ba fa sɩ hɛ ba mɩɩsɩŋ lɛ la nɩɩba woruŋ.

WƖA YƖƖLAA 48:1

La Tɩɩna Wɩa nɛ kɛŋ doluŋ, ʋ dʋndʋŋa nɛ maga dɩ la dɛnnʋ ʋ tabalɩŋ lɛ, ʋ peel-la sɩ bɩ disiniŋ kɛnɛ nyuŋ.

WƖA YƖƖLAA 86:10

Ŋ dʋndʋŋa nɛ Wɩa a kɛŋ doluŋ, a ŋɩŋaa wʋkpuŋkperisiŋ.

WƖA YƖƖLAA 86:8

Vene kala tuo a nagɛ ŋ-na La Tɩɩna. Kʋŋkala tuo a ŋɩŋaa wɩalɩŋ ŋ sɩɩ ŋaa.

WƖA YƖƖLAA 89:6

Kʋŋkala tuo wɩa-nyuŋ sɩ jaŋ wuo kɛŋ ʋ tɩtɩa magɩsɛ La Tɩɩna. Ŋ tɩndaara-la kʋŋkala tuo a magɛ ŋ-na La Tɩɩna.

WƖA YƖƖLAA 89:8

La Tɩɩna Wɩa doluŋ kala Tɩɩna, kʋbɛɛ nɛ magɩŋ? La TƖƖNA, ŋ nɛ kɛŋ doluŋ arɩ wʋtɩtɩɩ.

WƖA YƖƖLAA 96:4

La TƖƖNA nɛ yʋga kɩɩ kʋŋkala a magɛ dɩ la faasa dɛnnʋ, ʋ nɛ maga dɩ la fá a kɩɩ vene kala.

MOSIS KƐŊ IZIRAL TƖŊŊAA LƖƖ 10:2

Ŋɩɩ jaŋ leŋ dɩ ma wuo bʋla pɩ ma biiriŋ arɩ ma nihee ŋɩɩ mɩ sɩ wʋrɩgɛ Ijipiti tɩŋŋaa arɩ wʋmagɩla-la mɩ sɩ ŋaa ba tʋɔŋ, dɩ ma wuo jɩŋ arɩ mɩ nɛ ŋaa ma TƖƖNA.”

MOSIS KƐŊ IZIRAL TƖŊŊAA LƖƖ 15:11

La TƖƖNA, vesiŋ tʋɔŋ, veŋ bɛɛ nɛ hɛ nɩmɛ a magɩŋ? Kʋbɛɛ nɛ hɛ nɩmɛ a jaŋ wuo dagɛ ʋ tʋɔpʋla arɩ ʋ doluŋ a magɛ dɩ la fɩfáʋ a dɛnnʋ a tɩŋ ʋ sɩɩ ŋaa wʋkpuŋkperisiŋ?

MOSIS KƐŊ IZIRAL TƖŊŊAA LƖƖ 8:10

Ŋɩɩ nɛ Ijipiti tinteeŋ kuoro bʋl, “Kʋ sʋl Wɩa pɩmɛ chie.” Ŋɩɩ nɛ Mosis bʋl, “Mɩ jaŋ ŋaa ŋɩɩ ŋ sɩ bʋla, dɩ ŋ wuo jɩŋ arɩ Wɩa dɔŋ kala tuo a magɛ La TƖƖNA Wɩa.

MOSIS KƐŊ IZIRAL TƖŊŊAA LƖƖ 8:6

Ŋɩɩ nɛ Arɔŋ ŋaa ŋɩɩ La TƖƖNA sɩ dagʋ, sɔrɔɔ lɩɩ tɔ Ijipiti tinteeŋ kala.

MOSIS KƐŊ IZIRAL TƖŊŊAA LƖƖ 9:14

Bʋa deeŋ-na lɛ dɩ ŋ nɛ vɩa, mɩ jaŋ joŋ mɩ nyanyal bɔŋŋɔɔ kala hɛ ŋ lɛ, ŋ nɩhɩasɩŋ arɩ ŋ nɩaa kala lɛ, dɩ ma jɩŋ arɩ nʋʋkala tuo a magɛmɛ dʋnɩa kala lɛ.

AZAAYA 40:18

Bɛɛ kʋŋ nɛ ŋ jaŋ wuo kɛŋ Wɩa magɩsɛ? Ŋ jaŋ wuo dagɛ ŋɩɩ ʋ sɩ nagaa?

AZAAYA 40:25

Wɩa sɩ bɩ disiniŋ kɛnɛ sɩ, “Kʋbɛɛ nɛ ŋ jaŋ wuo kɛmmɛ magɩsɛ? Koo kʋbɛɛ nɛ magɛmɛ?”

AZAAYA 45:18

La TƖƖNA nɛ ŋaa wɩa-nyuŋ arɩ tinteeŋ. Ʋ dʋndʋŋa nɛ Wɩa. Ʋ bɩ ba ŋaa dɩ ba pɩŋ hoi, ʋ ŋaa nuhuobiinee arɩ kɩaa hɛ ba lɛ nɛ. Ʋ sɩ, “Mɩ nɛ ma TƖƖNA, kʋŋ dɔŋ bɩra tuo.

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

AZAAYA 45:5

Mɩ nɛ ma TƖƖNA, mɩ dɔŋ tuo. Mɩ nɛ Wɩa, Wɩa dɔŋ bɩra tuo. Arɩ ŋ sɩ bɩ mɩ jɩŋ ma kala, mɩ ha jaŋ pɩŋ doluŋ.

ƐZƖKƖƐL 36:22

Ŋɩɩ wɩaa, bʋla pɩ Iziral tɩŋŋaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ma wɩaa dee mɩɩ chɛ mɩ ŋaa wɩaa deemba, ama mɩ yɩrɩ-zɔŋ-la wɩaa nɛ. Ʋ nɛ ma chei ŋɩɩ tinteye-la kala lɛ ma sɩ mʋa.

ƐZƖKƖƐL 36:32

Iziral tɩmma, mɩɩ chɛ ma jɩŋ arɩ mɩ bɩ wɩaa deemba ka ŋaa a tɩŋ ma wɩaa nɛ. Má leŋ dɩ hɩɩsɩŋ kɛmma dɩ ma gʋrɛ nyuŋ a tɩŋ wɩalɩŋ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla.”

DANƖƐL 2:45

Duoso-la ŋ sɩ na dɩ bʋŋ yɛrɛ lɩɩ peeliŋ nyuŋ, ka nuhuobiine dee bɩ yɛrɛ, ʋ bʋbʋɔŋ nɛ ŋɩɩ. Bʋŋ-la sɩ yɛrɛ hɔɔ-la, kɔlɩɩ-la, chʋrʋ-la, hɔpʋla-la arɩ sɛlɩmɛ-la muno muno ŋɩɩ, Wɩa sɩ yʋga joŋ wɩɩ-la maachie sɩ jaŋ ŋaa nɛ a dagɛ ŋ-na kuoro ŋɩɩ. Ŋ duoso-la ŋaa wʋtɩtɩɩ nɛ, ʋ bʋbʋɔŋ ma ŋaa wʋtɩtɩɩ.”

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

MOSIS BƖRA WULLI WƖA WOMBIIŊ 3:24

“Mɩ Tɩɩna Wɩɩjarɩbakɔ, ŋ dagɛmɛ ŋ doluŋ sɩ magɛ ŋɩɩ nɛ, veŋ bɛɛ ma nɛ hɛ wɩa-nyuŋ koo tinteeŋ a jaŋ wuo pagɩsɩŋ a ŋaa wʋduoru-la ŋ sɩɩ ŋaa?

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

1 SAMƲƐL 2:2

Nʋʋkala tuo a bɩ disiniŋ kɛnɛ, see La TƖƖNA dʋndʋŋa, nʋʋkala tuo a magʋ. Nʋʋkala tuo a jaŋ wuo pɔla a magɛ la Wɩa.