2 SAMƲƐL 7:2 - WƖA TENIŊ

² Ŋɩɩ nɛ ʋ bʋla pɩ Wɩa wʋlaabʋlla ba sɩɩ yɩrɛ Netaŋ, “Mɩɩ jʋʋ kuoru dɩa ba sɩ kɛŋ kuolu daasɩŋ sɩ chaasa zɔŋ a saa nɛ, ka Wɩa niiriŋ daga-la hɛ lɛbɩŋ lɛ.”

2 SAMƲƐL 7:2 ပူးပေါင်းရင်းမြစ်များ

2 SAMƲƐL 11:11

Yuria bʋla pɩ Devit, “Wɩa niiriŋ daga arɩ Iziral tɩŋŋaa arɩ Juda tɩŋŋaa laalɩyuoroo kala hɛ laal-baga lɛ nɛ, mɩ nɩhɩaŋ Jʋab arɩ ʋ nɩaa ma hɛ pɔkɔŋ nyuŋ. Ɛɛ nɛ saa mɩ-na jaŋ wuo mʋ dɩa a dii kɩaa ka mɩ dɩ mɩ haala pɩŋ? Ŋ sɩ hɛ ŋ mɩɩsɩŋ deeŋ lɛ, mɩ bɩ jaŋ kɔ dɩ mɩ ŋaa wʋdoho deeŋ.”

2 SAMƲƐL 12:1

La TƖƖNA tɩŋ ʋ wʋlaabʋlla Netaŋ ʋ kɔ Devit teeŋ. Ʋ sɩ kɔ, ʋ bʋla pʋ, “Baalaa balɩa nɛ fa hɛ taŋ kʋbala lɛ. Dɔŋɔ ŋaa kɩaa tɩɩna, ka dɔŋɔ ma ŋaa summu.

2 SAMƲƐL 5:11

Bʋa-la lɛ nɛ Taaya tinteeŋ kuoro ba sɩɩ yɩrɛ Hiram tɩŋ tɩndaaraa ba kɔ Devit teeŋ, a kɛŋ kuolu daasɩŋ arɩ kapɩntaba arɩ nɩalɩŋ sɩ jɩŋ tabɩaa tɩntɩŋŋaa, ba kʋ saa kuoru dɩa a pɩ Devit.

2 SAMƲƐL 6:17

Ba kɛŋ La TƖƖNA niiriŋ daga-la jʋʋ bil ʋ dɩ-biliŋ lɛbɩ-la lɛ kuoro Devit sɩ hɛ a pʋ. Devit ŋaa kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ La TƖƖNA sɩpaaŋ.

2 SAMƲƐL 7:17

Ŋɩɩ nɛ Netaŋ bʋl wɩalɩŋ kala Wɩa sɩ joŋo dagʋ a pɩ Devit.

1 KUOROO 1:22

Bʋa-la lɛ Bɛfɩsɛba ha sɩɩ bʋl wɩaa kuoro teeŋ, dɩ Wɩa wʋlaabʋlla Netaŋ ma kɔ lee-la.

1 KUOROO 1:8

Ama Wɩɩsʋllɩ sɩpaalaara Zadɔk arɩ Jehoyada nanʋala Benaaya, Netaŋ sɩ ŋaa Wɩa wʋlaabʋlla, a saa pɛ Sɩmɛɩ arɩ Rɛɩ arɩ laalɩyuoro-la sɩɩ pɔ kuoro Devit, ba-na bɩ Adonija harɩŋ chɩna.

1 KUOROO 4:5

Netaŋ nanʋala Azarɩa ma nɛ fa ŋaa tɩntɩnnɩ-hɩasɩ-la kʋhɩaŋ. Netaŋ nanʋala dɔŋɔ ba sɩɩ yɩrɛ Zabud ma fa ŋaa Wɩɩsʋllɩ sɩpaalaarʋ nɛ, aŋ pɛ bʋl wɩaa a chɩchagɩlɛ kuoro.

1 KUOROO 8:17

Mɩ nyɩmma Devit fa kɛŋ ʋ tʋɔŋ nɛ dɩ ʋ saa Wɩa dɩɩ-balɩŋ nɛ dɩ ba chʋchʋɔlɛ La TƖƖNA, Iziral tɩŋŋaa Wɩa nɩmɛ.

1 IZIRAL TƖŊŊAA NAABARƖŊ 14:1

Bʋa kʋbala lɛ, Taaya tinteeŋ kuoro ba sɩɩ yɩrɛ Hiram tɩŋ tɩndaaraa ba kɔ Devit teeŋ, a kɛŋ kuolu daasɩŋ arɩ kapɩntaba arɩ nɩalɩŋ sɩ jɩŋ tabɩaa tɩntɩŋŋaa, dɩ ba kʋ saa kuoru dɩa pʋ.

1 IZIRAL TƖŊŊAA NAABARƖŊ 16:1

Ba kɛŋ Wɩa niiriŋ daga-la kʋ jʋʋ bil ʋ dɩ-biliŋ lɛbɩ-la lɛ kuoro Devit sɩ hɛ a pʋ. Ŋɩɩ nɛ ba ŋaa kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ Wɩa sɩpaaŋ.

1 IZIRAL TƖŊŊAA NAABARƖŊ 22:7

Devit bɩra bʋla pɩ Solomoŋ, “Mɩ nanʋala, mɩ fa kɛŋ mɩ tʋɔŋ nɛ dɩ mɩ saa dɩa dɩ ba dɩdɛnnɛ mɩ Tɩɩna Wɩa nɩmɛ.

1 IZIRAL TƖŊŊAA NAABARƖŊ 29:29

Wɩalɩŋ kala Devit sɩ dii kuoruŋ a ŋaa, ba kala nɛ ba ŋmʋnsa hɛ Wɩa wʋlaabʋlla Netaŋ, Wɩa sɩɩ-naara Samʋɛl arɩ Wɩa sɩɩ-naara Gad tenniŋ tʋɔŋ a bil.

2 IZIRAL TƖŊŊAA NAABARƖŊ 1:4

Dɩ Devit fa joŋ Wɩa niiriŋ daga-la lɩɩ Kɩrɩaf Jɩarɩm lɛ a kaa mʋ bil ʋ dɩ-biliŋ lɛbɩ-la ʋ fa sɩ hɛ pʋ Jerusalɛm lɛ.

2 IZIRAL TƖŊŊAA NAABARƖŊ 29:25

Hezikaaya leŋ Levi doho nɩalɩŋ gɔllɔ chɩŋ ba dɩchɩnaa La TƖƖNA dɩɩ-balɩŋ lɛ, a kori buguloo, chenniŋ arɩ kɔnɛba, arɩ La TƖƖNA fa sɩ to ʋ wʋlaabʋllaa Gad arɩ Netaŋ lɛ a dagɛ ŋɩɩ pɩ kuoro Devit.

2 IZIRAL TƖŊŊAA NAABARƖŊ 9:29

Wɩalɩŋ dɔnsʋŋ Solomoŋ sɩ dii kuoruŋ a ŋaa a chɩŋ ʋ dɩ-suomuŋ a kaa mʋ ʋ dɩdɛrɩŋ, ba kala nɛ ba ŋmʋnsa hɛ Wɩa wʋlaabʋllaa deemba tenniŋ lɛ: Netaŋ, Ahija sɩ lɩɩ Sɩlɔ arɩ Ido sɩ ŋaa Wɩa sɩɩ-naara, ʋ nɛ ŋmʋnsɛ wɩaa a mʋ tɩgɛ Nɛbat nanʋala Jerobuam lɛ ŋɩɩ.

WƖA YƖƖLAA 132:2

Ʋ ta niiŋ nɛ ŋ-na La Tɩɩna teeŋ, ʋ hɛ niiŋ nɛ a pɩ ŋ-na Jekɔb Wɩa sɩ kɩɩ kʋŋkala.

WƖA YƖƖLAA 132:5

a kaa mʋ bʋa-la lɛ mɩ sɩ chɛ leriŋ, a pɩ La Tɩɩna Jekɔb Wɩa sɩ kɩɩ kʋŋkala dɩjʋʋlʋŋ.”

MOSIS KƐŊ IZIRAL TƖŊŊAA LƖƖ 40:21

Ŋɩɩ nɛ ʋ joŋ daga-la lɛ Wɩa niiriŋ sɩ hɛ a kaa kʋ jʋʋ Wɩa dɩ-zɔŋ-la lee-la zɔmʋŋ sɩ bɩ magɩa kɛnɛ, a joŋ patɩɩsamba-la sɩ jaŋ kɛrɛ Wɩa niiriŋ daga-la a saga kɛrɛ daga-la, arɩ La TƖƖNA sɩ dagʋ ŋɩɩ.

HAGAƖ 1:4

“Bʋa deeŋ lɛ nɛ maga dɩ ma jʋjʋʋ dɩɩ zɔŋŋɔɔ, ka mɩ dɩɩ-balɩŋ pɩŋ jikpeeŋ?”

Jɔɔŋ 2:17

Ʋ harɩ-tooroo liisi wɩɩ-la ba sɩ ŋmʋnsa Wɩa teniŋ tʋɔŋ a bʋl, “Wɩa dɩa wɩaa ka diimi nɛ woruŋ a nagɛ nyiniŋ.”

Tɩntɩŋŋaa 7:46

Wɩa tʋɔŋ tɔrɛ Devit nyuŋ, ʋ sʋl Wɩa dɩ ʋ leŋ dɩ ʋ saa dɩjʋʋlʋŋ pɩ ʋ-na Wɩa sɩ ŋaa ʋ naabalɩma Jekɔb Wɩa.