2 SAMƲƐL 7:16 - WƖA TENIŊ

¹⁶ Ŋ doho nɩaa nɛ jaŋ didii kuoruŋ a kaa mʋ wuu.”

2 SAMƲƐL 7:16 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

2 SAMƲƐL 22:51

Ŋ nɛ leŋe mɩ-na ŋ kuoro Devit yuo dii. Ŋ dagɛ ŋ chono-la sɩ bɩ dɛrɛ nɛ a pɩ mɩ-na, nɩɩ-la ŋ sɩ lɩɩsa arɩ mɩ doho nɩaa a kaa mʋ wuu.”

2 SAMƲƐL 7:13

Ʋ nɛ nɩɩ-la sɩ jaŋ saa dɩa pɩmɛ. Mɩ jaŋ leŋ dɩ ʋ kuoruŋ chɩŋ a kaa mʋ wuu.

2 SAMƲƐL 7:17

Ŋɩɩ nɛ Netaŋ bʋl wɩalɩŋ kala Wɩa sɩ joŋo dagʋ a pɩ Devit.

1 KUOROO 2:4

Dɩ ŋ nɛ to La TƖƖNA niiŋ, ʋ jaŋ leŋ dɩ nii-la ʋ sɩ hɛ pɩmɛ chɩŋ. Ʋ fa bʋla pɩmɛ nɛ arɩ ʋ jaŋ leŋ dɩ mɩ doho nɩaa nɛ didii kuoruŋ Iziral tinteeŋ lɛ, dɩ ba nɛ jaŋ kɛŋ wʋtɩtɩɩ a tou arɩ ba tʋɔŋ arɩ ba wɩɩ wɩɩkala.

1 KUOROO 9:5

mɩ jaŋ leŋ dɩ ŋ kuoruŋ chɩŋ Iziral tinteeŋ lɛ a kaa mʋ wuu, arɩ mɩ fa sɩ hɛ niiŋ ŋɩɩ a pɩ ŋ nyɩmma Devit, bʋa-la lɛ mɩ sɩ sɩ, ‘Ŋ doho nɩaa nɛ jaŋ didii kuoruŋ Iziral lɛ.’

2 KUOROO 19:34

Mɩ jaŋ pɔ taŋ deeŋ woruŋ a tɩŋ mɩ yɩrɩŋ arɩ mɩ tɩntɩnna kuoro Devit wɩaa.’ ”

2 KUOROO 8:19

Ama La TƖƖNA fa tɩŋ ʋ tɩntɩnna Devit wɩaa nɛ a bɩ Juda tinteeŋ cheye, bɛɛ wɩaa ʋ fa hɛ niiŋ pʋ arɩ ʋ jaŋ leŋ dɩ ʋ doho nɩaa nɛ didii kuoruŋ Juda tinteeŋ lɛ a kaa mʋ wuu.

2 IZIRAL TƖŊŊAA NAABARƖŊ 6:16

La TƖƖNA, Iziral tɩŋŋaa Wɩa, ŋ hɛ niiŋ a pɩ mɩ nyɩmma Devit sɩ ŋaa ŋ tɩntɩnnʋ nɛ a bʋl, ‘Nʋʋ jaŋ lɩɩ ŋ doho nɩaa tʋɔŋ bʋa na-kala a dii Iziral tɩŋŋaa kuoruŋ, dɩ ba nɛ fɩɛlɛ ba sɩaa a to wombie-la mɩ sɩ bile dɩ ba tuto arɩ ŋ-na Devit sɩ ŋaa ŋɩɩ.’

JOB 36:7

Ʋ bɩ ʋ sɩaa ka lɩɩsɛ tʋɔpʋl tɩŋŋaa lɛ, ʋ yie leŋ ba hɔŋ kuoru kpasɩnɩŋ lɛ nɛ a nagɛ kuoroo, ʋ leŋ ba kɛŋ doluŋ nɩaa zizilba a kaa mʋ wuu.

WƖA YƖƖLAA 45:6

Kuori-la Wɩa sɩ joŋo pɩŋ jaŋ hɛ nɩmɛ a kaa mʋ deeŋ deeŋ, wʋtɩtɩɩ nɛ jaŋ ŋaa ŋ kuoru dantɩga dɩ ŋ kaa beŋ ŋ nɩaa.

WƖA YƖƖLAA 72:5

Leŋ dɩ ʋ hɛ nɩmɛ a kaa mʋ wuu, a nagɛ wɩɩpɔsʋŋ arɩ chɛnɛ sɩ hɛ nɩmɛ deeŋ deeŋ ŋɩɩ.

WƖA YƖƖLAA 89:4

‘Ŋ doho nɩaa nɛ jaŋ didii kuoruŋ a kaa mʋ wuu, nɩalɩŋ ma ba ha sɩ jaŋ lʋl tʋɔŋ, dɩ ma kuoruŋ chɩŋ kpaŋkpaŋ.’ ”

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 17:25

ŋɩɩ-na kuorusu-la sɩ jaŋ hɔŋ Devit kuoru kpasa nyuŋ arɩ ba tɩntɩnnɩ-hɩasɩŋ jaŋ to boi-baalaa deemba kʋ jʋʋ tabal-la. Ba dɩ ba tɩntɩnnɩ-hɩasɩŋ jaŋ jɩl janɩŋ arɩ janɩŋ torukoba a kʋ jʋʋ. Juda nɩaa arɩ nɩalɩŋ sɩ hɛ Jerusalɛm lɛ jaŋ hɔŋ tabalɩŋ deeŋ lɛ a kaa mʋ wuu.

JƐRƖMAAYA 33:17

Wɩɩ-la La TƖƖNA sɩ bʋla nɛ ŋ-la: “Devit doho nʋʋ nɛ jaŋ dii kuoruŋ bʋa na-kala Iziral tinteeŋ lɛ.

ƐZƖKƖƐL 37:25

Ba jaŋ hɔŋ tintee-la mɩ fa sɩ joŋo pɩ mɩ tɩntɩnna Jekɔb lɛ, lee-la ba naabalɩmaba fa sɩ hɔnɔ. Ba dɩ ba biiriŋ arɩ ba nihee kala jaŋ hɔŋ nɩmɛ a kaa mʋ wuu. Mɩ tɩntɩnna Devit nɛ jaŋ ŋaa ba sɩpaalaara a kaa mʋ wuu.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

Jɔɔŋ 12:34

Ŋɩɩ nɛ nɩalɩŋ bʋl, “Ba dagɛla arɩ ba ŋmʋnsɛ Wɩa teniŋ tʋɔŋ a bʋl dɩ Kirisito, Nɩɩ-la Wɩa sɩ lɩɩsa bɩ jaŋ sʋʋ, dɩ ʋ jaŋ hɛ nɩmɛ deeŋ deeŋ. Ɛɛ nɛ saa ŋ bʋl dɩ ba jaŋ kɛŋ Nuhuobiine Bie a kpaasɛ daagɛsɛ nyuŋ? Kʋbɛɛ nɛ saa Nuhuobiine Bie deeŋ wɩaa ŋ sɩɩ bʋl?”

Hiburu TƖŊŊAA 1:8

Ama ʋ sɩ bʋl wɩaa a tɩgɛ ʋ Bie lɛ, ŋ-la nɛ ʋ bʋl: Ʋ sɩ, “Ŋ ŋaa Wɩa nɛ, ŋ kuoruŋ jaŋ hɛ nɩmɛ a kaa mʋ deeŋ deeŋ. Tʋɔpʋla nɛ ŋ jaŋ kaa beŋ ŋ nɩaa.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

1 SAMƲƐL 25:28

Mɩɩ sʋlʋŋ, joŋo chɛmɛ dɩ mɩ nɛ bʋl wɩaa yʋyʋgɛ. La TƖƖNA jaŋ leŋ dɩ mɩ nɩhɩaŋ arɩ ʋ dɩa nɩaa nɛ didii kuoruŋ wuu, bɛɛ wɩaa La TƖƖNA laalɩŋ nɛ ʋ yuyuo. A leŋ dɩ ŋ mɩɩsɩŋ kala lɛ, ŋ sɩ́ wʋbɔŋ ŋaa.