2 SAMƲƐL 7:11 - WƖA TENIŊ

¹¹ bʋa-la lɛ mɩ fa sɩ lɩɩsɛ sɩpaalaaraa ba bibemba. Mɩ sɩ mɩ jaŋ leŋ dɩ ma wiesi ma dʋndɔŋŋɔɔ kala nɩsɩŋ lɛ. Mɩ-na ŋ TƖƖNA tɩtɩa nɛ bʋla pɩŋ arɩ mɩ jaŋ leŋ dɩ ŋ dɩa chaasa chɩŋ woruŋ.

2 SAMƲƐL 7:11 ပူးပေါင်းရင်းမြစ်များ

2 SAMƲƐL 7:1

Kuoro Devit sɩ mʋ hɔŋ ʋ kuoru dɩɩ-falɩŋ lɛ, La TƖƖNA pɔʋ nɛ woruŋ. Ʋ dʋndɔmɔ-la kala sɩ gollu bɩra bɩ ʋ walɩma.

2 SAMƲƐL 7:19

La TƖƖNA Wɩɩjarɩbakɔ, a nagɛ dɩ bumbuŋ wɩɩ-la paala bɩ yʋgɛ, ŋ bɩra wasa dagɛ ŋɩɩ mɩ-na ŋ tɩntɩnna dɩa maachie sɩ jaŋ nagɛ. La TƖƖNA Wɩɩjarɩbakɔ, mɩ jɩma ŋɩɩ dee ŋ vɛnɛ ŋaa wɩaa pɩpɩ nɩaa.

2 SAMƲƐL 7:27

La TƖƖNA doluŋ kala Tɩɩna, Iziral Wɩa, ŋ leŋe mɩ-na ŋ tɩntɩnna jɩŋ arɩ mɩ doho nɩaa nɛ jaŋ dii kuoruŋ. Ŋɩɩ nɛ tɩɩ mɩ-na ŋ tɩntɩnna wuo nyɩrɛ bɔyɛ aŋ sʋsʋl wɩɩŋ deeŋ ŋ teeŋ.

1 KUOROO 11:38

Dɩ ŋ nɛ ŋaa wɩalɩŋ kala mɩ sɩ dagɩŋ, a to mɩ wombiee a ŋaa wɩaa ba bʋa lɛ mɩ sɩpaaŋ a kɛŋ wɩalɩŋ kala mɩ sɩ daga a kaa tɩtɩŋ arɩ mɩ tɩntɩnna Devit fa sɩ ŋaa ŋɩɩ, mɩ jaŋ hɛ ŋ teeŋ bʋa na-kala. Mɩ jaŋ leŋ ŋ dɩ ŋ doho nɩaa didii kuoruŋ Iziral tinteeŋ lɛ bʋa na-kala, arɩ mɩ sɩ leŋe Devit doho nɩaa didii kuoruŋ ŋɩɩ. Iziral tinteeŋ kala jaŋ hɛ ŋ nɩsɩŋ lɛ.

1 KUOROO 2:24

La TƖƖNA leŋe mɩ dii kuoruŋ mɩ nyɩmma Devit nyuŋ nɛ, a leŋ mɩ kuoruŋ chaasa chɩŋ. Ʋ hɛ niiŋ nɛ arɩ mɩ doho nɩaa nɛ jaŋ didii kuoruŋ Iziral tinteeŋ lɛ. Mɩ ŋmɩɛsɛ La TƖƖNA sɩ weye, Adonija maga dɩ ʋ sʋʋ nɛ jɩnɩŋ.”

1 IZIRAL TƖŊŊAA NAABARƖŊ 17:10

bʋa-la lɛ mɩ sɩ lɩɩsɛ sɩpaalaaraa ba bibemba. Mɩ jaŋ yuo dii ma dʋndɔŋŋɔɔ kala. Lɛɛlɛ mɩ bʋla pɩŋ arɩ mɩ-na ŋ Tɩɩna tɩtɩa nɛ jaŋ saa dɩa pɩŋ.

1 IZIRAL TƖŊŊAA NAABARƖŊ 22:10

Ʋ nɛ jaŋ saa dɩa dɩ ba dɩdɛnnɛmɛ nɩmɛ. Ʋ jaŋ ŋaa mɩ nanʋala, dɩ mɩ ma ŋaa ʋ nyɩmma. Ʋ doho nɩaa nɛ jaŋ dii kuoruŋ Iziral tinteeŋ lɛ a kaa mʋ wuu.’

JOB 34:29

Ama dɩ Wɩa nɛ tɔrɛ ʋ niiŋ, kʋbɛɛ nɛ jaŋ wuo joŋ cheeriŋ pʋ? Dɩ ʋ nɛ kɛŋ ʋ sɩaa faa, kʋbɛɛ nɛ jaŋ wuo naʋ? Ʋ nɩɩ beŋ nuhuobiinee arɩ tinteyee kala,

WƖA YƖƖLAA 106:42

Ba dʋndɔmɔ-la chaasa dɔgɩsɛba nɛ woruŋ, aŋ leŋ ba tuto ba niiŋ.

WƖA YƖƖLAA 127:1

Dɩ La Tɩɩna nɛ bɩ nʋʋ lɛ pɛ dɩ ʋ saa dɩa, ka dɩ tɩɩna tɩtɩa saa dɩa-la ʋ doluŋ lɛ, tɩɩna lɔlʋŋ jaŋ ŋaa pɛɩ. Dɩ La TƖƖNA nɛ bɩ taŋ pɔ, nɩalɩŋ sɩ pɔ bibeŋ taŋ-la ka beŋ pɛɩ nɛ.

WƖA YƖƖLAA 46:9

Ʋ bori tosuŋ nɛ a chei tiŋŋee kala, ʋ nyɩgɛ hɔɔtaalɩ-la ma laalɩyuoroo sɩ kaa kɛrɛɛ laa bayuori hɛŋŋɛɛ nɛ, ʋ leŋe laalɩŋ dɛrɛ dʋnɩa kala lɛ nɛ.

MOSIS KƐŊ IZIRAL TƖŊŊAA LƖƖ 1:21

A tɩŋ hachagɩra-la sɩɩ fá Wɩa a bɩ hambolibiisi-la kpʋa, Wɩa leŋ ba kʋŋkala lʋl biiriŋ, a kɛŋ ba tɩtɩa dɩa nɩaa.

NAMAGABA 14:1

Ha-wʋjɩnna yie saa ʋ dɩa nɛ woruŋ, ama haal-la sɩ yaara nɛ yigi ʋ dɩa lo.

Hiburu TƖŊŊAA 11:33

Ba kala fa laa Wɩa wɩaa dii nɛ, ba yuo dii kuoroo arɩ ba tinteyee. Ba to wʋtɩtɩɩ-la Wɩa sɩɩ chɛ nɛ, a na kɩalɩŋ Wɩa sɩ sɩ ʋ jaŋ joŋo pɩba. Ba dɔnsʋŋ ma yuo dii naachigee.

1 SAMƲƐL 2:35

Mɩ jaŋ lɩɩsɛ nɩtɛŋɛ dɩ ʋ ŋaa Wɩɩsʋllɩ sɩpaalaarʋ, a ŋɩŋaa wɩalɩŋ kala mɩ sɩɩ chɛ. Mɩ jaŋ leŋ dɩ ʋ dɩa chɩŋ woruŋ, ʋ jaŋ tɩma pɩpɩ kuoru-la mɩ sɩ lɩɩsa bʋa na-kala.

1 SAMƲƐL 25:28

Mɩɩ sʋlʋŋ, joŋo chɛmɛ dɩ mɩ nɛ bʋl wɩaa yʋyʋgɛ. La TƖƖNA jaŋ leŋ dɩ mɩ nɩhɩaŋ arɩ ʋ dɩa nɩaa nɛ didii kuoruŋ wuu, bɛɛ wɩaa La TƖƖNA laalɩŋ nɛ ʋ yuyuo. A leŋ dɩ ŋ mɩɩsɩŋ kala lɛ, ŋ sɩ́ wʋbɔŋ ŋaa.