2 SAMƲƐL 7:1 - WƖA TENIŊ

¹ Kuoro Devit sɩ mʋ hɔŋ ʋ kuoru dɩɩ-falɩŋ lɛ, La TƖƖNA pɔʋ nɛ woruŋ. Ʋ dʋndɔmɔ-la kala sɩ gollu bɩra bɩ ʋ walɩma.

2 SAMƲƐL 7:1 ပူးပေါင်းရင်းမြစ်များ

2 SAMƲƐL 5:11

Bʋa-la lɛ nɛ Taaya tinteeŋ kuoro ba sɩɩ yɩrɛ Hiram tɩŋ tɩndaaraa ba kɔ Devit teeŋ, a kɛŋ kuolu daasɩŋ arɩ kapɩntaba arɩ nɩalɩŋ sɩ jɩŋ tabɩaa tɩntɩŋŋaa, ba kʋ saa kuoru dɩa a pɩ Devit.

2 SAMƲƐL 6:23

Ŋɩɩ nɛ Sɔɔl tolo Mɩkal bɩ bii kala lʋla aŋ sʋʋ.

2 SAMƲƐL 7:11

bʋa-la lɛ mɩ fa sɩ lɩɩsɛ sɩpaalaaraa ba bibemba. Mɩ sɩ mɩ jaŋ leŋ dɩ ma wiesi ma dʋndɔŋŋɔɔ kala nɩsɩŋ lɛ. Mɩ-na ŋ TƖƖNA tɩtɩa nɛ bʋla pɩŋ arɩ mɩ jaŋ leŋ dɩ ŋ dɩa chaasa chɩŋ woruŋ.

1 KUOROO 5:4

Ama lɛɛlɛ mɩ TƖƖNA Wɩa leŋe mɩ hɔŋ arɩ fɩɛlɩŋ nɛ wɩɩkala bɩ mɩɩ walɩmɛ.

1 IZIRAL TƖŊŊAA NAABARƖŊ 22:6

Ŋɩɩ nɛ Devit yɩrɛ ʋ nanʋala Solomoŋ a bʋla pʋ dɩ ʋ saa dɩa pɩ La TƖƖNA Iziral tɩŋŋaa Wɩa.

1 IZIRAL TƖŊŊAA NAABARƖŊ 22:7

Devit bɩra bʋla pɩ Solomoŋ, “Mɩ nanʋala, mɩ fa kɛŋ mɩ tʋɔŋ nɛ dɩ mɩ saa dɩa dɩ ba dɩdɛnnɛ mɩ Tɩɩna Wɩa nɩmɛ.

1 IZIRAL TƖŊŊAA NAABARƖŊ 28:2

Kuoro Devit sii chɩŋ a bʋl, “Mɩ naambiiri, má jegile nɩɩ mɩ teeŋ, mɩ kɛŋ mɩ tʋɔŋ dɩ mɩ saa dɩa nɛ a hɛ La TƖƖNA Wɩa niiriŋ daga-la, ʋ naasɩŋ dɩ-daŋɩŋ. Mɩ chɛ kɩalɩŋ kala mɩ sɩ jaŋ kaa saa dɩa-la nɛ.

2 IZIRAL TƖŊŊAA NAABARƖŊ 14:6

Tintee-la fa sɩ kɛŋ fɩɛlɩŋ ŋɩɩ, ʋ saa tabalaa Juda tinteeŋ lɛ a saa kɛrɩsɩŋ golli. Jɩsɩ-la lɛ nʋʋkala fa bɩ ʋ kaa yuo laalɩŋ, bɛɛ wɩaa La TƖƖNA leŋe ʋ na wiese nɛ.

2 IZIRAL TƖŊŊAA NAABARƖŊ 20:30

Jehosafat fa sɩɩ beŋ lee-la kala fɩɛla pɩŋ sɔm, bɛɛ wɩaa Wɩa pʋ wiese nɛ sɛmɛ kala.

WƖA YƖƖLAA 132:5

a kaa mʋ bʋa-la lɛ mɩ sɩ chɛ leriŋ, a pɩ La Tɩɩna Jekɔb Wɩa sɩ kɩɩ kʋŋkala dɩjʋʋlʋŋ.”

WƖA YƖƖLAA 18:1

Mɩ choŋ nɛ woruŋ La Tɩɩna, ŋ nɛ mɩ doluŋ.

NAMAGABA 16:7

Dɩ nʋʋ wʋŋaalaa nɩɩ tɔrɛ La Tɩɩna tʋɔŋ, ʋ yie leŋ ʋ dɩ ʋ dʋndɔŋŋɔɔ kala ŋaa sɩma nɛ.

Matiu 25:16

Tɩntɩnnʋ-la sɩ laa warɩpʋla bʋɩ zɔɔ-balɩa, ʋ kaa mʋ a yɔɔ kɩaa a yallɛ a na warɩpʋla bʋɩ zɔɔ-balɩa nyʋʋrʋŋ.

Tɩntɩŋŋaa 7:46

Wɩa tʋɔŋ tɔrɛ Devit nyuŋ, ʋ sʋl Wɩa dɩ ʋ leŋ dɩ ʋ saa dɩjʋʋlʋŋ pɩ ʋ-na Wɩa sɩ ŋaa ʋ naabalɩma Jekɔb Wɩa.

JOSUA 21:44

La TƖƖNA fa pɩ Iziral tɩŋŋaa wiese nɛ sɛmɛ na-kala, arɩ ʋ fa sɩ hɛ niiŋ ŋɩɩ a pɩ ba naabalɩmaba. Ba dʋndɔŋ-kala fa bɩ wuo yuo diiba. La TƖƖNA joŋ ba dʋndɔŋŋɔɔ kala a hɛ ba nɩsɩŋ lɛ nɛ ba wuoba.

JOSUA 23:1

Wɩaa deemba kala sɩ ŋaa bal harɩŋ, La TƖƖNA laa Iziral tɩŋŋaa ta ba dʋndɔmɔ-la sɩ golliba nɩsɩŋ lɛ ba wiesi. Bʋa-la lɛ dɩ Josua fa hɩɛsa nɛ woruŋ.