2 SAMƲƐL 6:7 - WƖA TENIŊ

⁷ La TƖƖNA Wɩa fa chaasa na baanɩŋ Uza nyuŋ a tɩŋ ʋ sɩ digi Wɩa niiriŋ daga-la. Ŋɩɩ faa kɩsɛ nɛ. Ʋ ŋmobu kpʋ a bil daga-la sɛmɛ.

2 SAMƲƐL 6:7 ပူးပေါင်းရင်းမြစ်များ

2 SAMƲƐL 6:8

Ŋɩɩ nɛ Devit ma na baanɩŋ a tɩŋ La TƖƖNA sɩ kpʋ Uza. A kaa kɔ arɩ jɩnɩŋ kala ba kɛŋ lee-la a yɩyɩrɛ Pɛrɛs Uza nɛ. (Ʋ bʋbʋɔŋ nɛ: Wɩa dɔgɩsɛ Uza.)

1 IZIRAL TƖŊŊAA NAABARƖŊ 13:10

La TƖƖNA Wɩa chaasa na baanɩŋ Uza nyuŋ a tɩŋ ʋ sɩ digi Wɩa niiriŋ daga-la. Ʋ ŋmobu kpʋ a bil daga-la sɛmɛ.

1 IZIRAL TƖŊŊAA NAABARƖŊ 15:13

A tɩŋ ma Levi doho nɩaa fa sɩ dee bɩ daga-la joŋo kaa kɔ nɛ tɩɩ La TƖƖNA Wɩa na baanɩŋ la nyuŋ ŋɩɩ. La fa bɩ ʋ pɩɛsa na ŋɩɩ sɩ maga dɩ la to.”

1 IZIRAL TƖŊŊAA NAABARƖŊ 15:2

Ŋɩɩ nɛ Devit bʋl, “Levi doho nɩaa dʋndʋŋa nɛ maga ba chʋŋ Wɩa niiriŋ daga-la, bɛɛ wɩaa ba nɛ La TƖƖNA lɩɩsɛ dɩ ba chʋchʋŋʋ, aŋ pɛ tɩma pʋpʋ a kaa mʋ wuu.”

NAMBABA 1:51

Bʋa na-kala, dɩ ma nɩɩ chɛ ma churi Wɩa dɩ-zɔŋ-la a kaa mʋ lee, Levi doho nɩalɩŋ nɛ maga ba churu a kaa mʋ pɛ dɩ-falɩɩ-la ma sɩɩ mʋ. Dɩ nɩwogo kala nɛ mʋ kpagɛ Wɩa dɩ-zɔŋ-la, ʋ maga ma kpʋʋ nɛ.

NAMBABA 4:15

Dɩ Arɔŋ arɩ ʋ hambolibiisiŋ nɛ tɔ Wɩa dɩ-zɔŋ-la kpɩɛrɩ-zɔmɔ-la arɩ ʋ tɩntɩnnɩ kɩalɩŋ kala dɛrɛ, dɩ Iziral tɩŋŋaa kɛŋ ba tɩtɩa hɛ dɔŋɔ dɩ ba vɛŋ, Kohaf doho nɩaa nɛ jaŋ kʋ chʋmba. Ama ba bɩ maga dɩ ba digi Wɩa kʋzɔmɔ-la. Dɩ ba nɛ dige, ba jaŋ sʋʋ. Ba nɛ jaŋ chʋŋ lɛbɩ-la lɛ mɩ sɩ yie kɔ Iziral tɩŋŋaa teeŋ tʋɔŋ kɩaa kala.

1 SAMƲƐL 25:38

Ʋ tapʋlaa fii pɛgɛ, La TƖƖNA ŋmoo Nabal kpʋ.

1 SAMƲƐL 6:19

Ama Wɩa kpʋ Bɛf Sɛmɛs tɩŋŋaa mahɩŋ batori arɩ fii nɛ, a tɩŋ ba sɩ nyilimi daga-la tʋɔŋ. Nɩaa yel woruŋ, a tɩŋ nɩ-daŋ-la La TƖƖNA sɩ kpʋa ba jaŋ lɛ wɩaa.