2 SAMƲƐL 6:22 - WƖA TENIŊ

²² Mɩ ha jaŋ gʋa a hɩɩsɛ mɩ tɩtɩa a kɩɩ ŋɩɩ. Ʋ jaŋ nagɛ mɩɩ hɩɩsɛ mɩ tɩtɩa nɛ, ama tɩntɩnnɩ-haala-la wɩaa ŋ sɩ bʋla jaŋ zilmi.”

2 SAMƲƐL 6:22 ပူးပေါင်းရင်းမြစ်များ

WƖAA DƖ-SUOMUŊ 32:10

Zile arɩ wʋtɩtɩɩ-la ŋ sɩ joŋo ŋaa mɩ-na ŋ tɩntɩnna lɛ, mɩ bɩ ŋɩɩ maga ka ŋ joŋo ŋaa mɩ lɛ. Dantɩga dʋndʋŋ nɛ mɩ kori a kieli Jɔdaŋ fuo-la, ama lɛɛlɛ mɩ kɛŋ pʋsʋŋ arɩ nɩaa leree balɩa nɛ.

2 SAMƲƐL 6:21

Devit bʋla pʋ, “La TƖƖNA leŋ ŋ nyɩmma arɩ ʋ dɩa nɩaa kala ta nɛ, aŋ lɩɩsɛmɛ mɩ ŋaa Iziral tɩŋŋaa sɩpaalaara, ŋɩɩ nɛ tɩɩ mɩ gʋgʋa ʋ sɩpaaŋ ŋɩɩ.

2 SAMƲƐL 6:23

Ŋɩɩ nɛ Sɔɔl tolo Mɩkal bɩ bii kala lʋla aŋ sʋʋ.

JOB 40:4

“Mɩ bɩ kʋŋkala ŋaa, wʋbɛɛ nɛ mɩ jaŋ wuo laa bʋl ŋ niiŋ lɛ? Mɩ tɔ mɩ niiŋ nɛ, mɩ bɩ jaŋ bʋl wɩɩkala.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

WƖA YƖƖLAA 131:1

La Tɩɩna, mɩ bɩ nyuduoŋ kɛnɛ, mɩ sɩaa ma bɩ lɩŋ. Mɩ sɩpaa tuo wʋbalaa ŋaanɩŋ lɛ, wɩalɩŋ sɩ yʋga kɩɩ mɩ ŋaanɩŋ.

AZAAYA 50:6

Mɩ joŋ harɩŋ yɩa nɩalɩŋ sɩ ŋmoo mɩ nɛ, aŋ fʋʋla yagɛ nɩalɩŋ ma sɩɩ sieri mɩ lɛ a kɛŋ mɩ tɔŋ-pʋnaa lɩlɛrɛ aŋ pɛ tʋ nantʋɔrʋŋ hɩhɛ mɩ sɩaa lɛ mɩ bɩ mɩ sɩaa kaa faaba.

AZAAYA 51:7

Ma nɩalɩŋ sɩ jɩŋ wʋtɩtɩɩ, a joŋ mɩ wombii-la mɩ sɩ bile dɩ ba tuto wɩaa hɛ ma nyuŋ lɛ, má jegile nɩɩ mɩ teeŋ. Dɩ nɩaa nɛ ŋaa wɩaa a jʋjʋʋ ma lɛ koo a tʋtʋʋsɛma, má sɩ́ leŋe dɩ fawʋllʋŋ kɛmma.

Maak 14:66

Pɩɩta sɩ hɔŋ kaala-la lɛ, ŋɩɩ nɛ Wɩɩsʋllɩ sɩpaalaaraa kʋhɩaŋ dɩa tɩntɩnnɩ-tolo kʋbala kʋ lɩɩ

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.

1 Pɩɩta 5:6

Ŋɩɩ wɩaa, má kɛŋ ma tɩtɩa muuri Wɩa teeŋ. Ʋ nɛ kɛŋ doluŋ aa bemma. Dɩ bʋa-la ʋ sɩɩ chɛ nɛ yie, ʋ jaŋ leŋ dɩ ma ŋaa nɩbalaa.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.