2 SAMƲƐL 6:21 - WƖA TENIŊ

²¹ Devit bʋla pʋ, “La TƖƖNA leŋ ŋ nyɩmma arɩ ʋ dɩa nɩaa kala ta nɛ, aŋ lɩɩsɛmɛ mɩ ŋaa Iziral tɩŋŋaa sɩpaalaara, ŋɩɩ nɛ tɩɩ mɩ gʋgʋa ʋ sɩpaaŋ ŋɩɩ.

2 SAMƲƐL 6:21 ပူးပေါင်းရင်းမြစ်များ

2 SAMƲƐL 5:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

2 SAMƲƐL 6:14

Devit fa laalɛ gɛrɩpɛ-fʋfʋl gɛrɩ-laala-daŋɩŋ dʋndʋŋa nɛ, aŋ gʋgʋa arɩ ʋ doluŋ kala La TƖƖNA sɩpaaŋ.

2 SAMƲƐL 6:16

Ba fa sɩ kɛŋ La TƖƖNA niiriŋ daga-la kʋʋ jʋʋ Jerusalɛm ŋɩɩ, Sɔɔl tolo Mɩkal to tokoro a nyilime na Devit. Ʋ sɩ naʋ dɩ ʋ fɩla aŋ pɛ gʋgʋa La TƖƖNA sɩpaaŋ, ʋ tʋɔŋ lɩɩʋ.

2 SAMƲƐL 6:22

Mɩ ha jaŋ gʋa a hɩɩsɛ mɩ tɩtɩa a kɩɩ ŋɩɩ. Ʋ jaŋ nagɛ mɩɩ hɩɩsɛ mɩ tɩtɩa nɛ, ama tɩntɩnnɩ-haala-la wɩaa ŋ sɩ bʋla jaŋ zilmi.”

2 SAMƲƐL 6:5

Ka Devit arɩ Iziral tɩmma-la kala sɩ hɛ nɩmɛ, faasa jʋjʋɔsɛ arɩ ba doluŋ kala La TƖƖNA sɩpaaŋ, a yɩɩ yɩɩlaa a du chenniŋ, kɔnɛba, gugonnuŋ, a chɩchɩgɩsɛ chɩnchɩgɩsɩŋ arɩ buguloo.

2 SAMƲƐL 7:8

Ŋɩɩ wɩaa, bʋla pɩ mɩ tɩntɩnna Devit, wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Mɩ lɩɩsɩŋ pie-daalɩŋ lɛ nɛ a leŋ ŋ ŋaa mɩ nɩaa Iziral tɩŋŋaa kuoro.

1 IZIRAL TƖŊŊAA NAABARƖŊ 15:29

Ba sɩ kɛŋ La TƖƖNA niiriŋ daga-la kʋʋ jʋʋ Jerusalɛm ŋɩɩ, Sɔɔl tolo Mɩkal to tokoro a nyilime na Devit. Ʋ sɩ naʋ dɩ ʋ fɩla aŋ pɛ gʋgʋa, ʋ tʋɔŋ lɩɩʋ.

Tɩntɩŋŋaa 13:22

Ŋɩɩ nɛ Wɩa kiri Sɔɔl kuoruŋ lɛ aŋ ŋaa Devit dii kuoruŋ. Ʋ bʋl wɩaa a tɩgɛ Devit lɛ a bʋl, ‘Jesi nanʋala Devit nɛ ŋaa mɩ tʋɔtɔrʋ nɩa. Ʋ jaŋ ŋaa wɩɩkala mɩ sɩɩ chɛ dɩ ʋ ŋaa.’

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

1 SAMƲƐL 13:14

Ama lɛɛlɛ ŋ doho nɩaa dee bɩra bɩ jaŋ didii kuoruŋ. La TƖƖNA lɩɩsɛ nʋʋ ʋ tʋɔŋ sɩ tɔrɛ ʋ nyuŋ nɛ, dɩ ʋ nɛ ŋaa ʋ nɩaa sɩpaalaara, bɛɛ wɩaa ŋ bɩ ʋ niiŋ lɛ to.”

1 SAMƲƐL 15:28

Ŋɩɩ nɛ ʋ bʋla pɩ Sɔɔl, “Jɩnɩŋ, La TƖƖNA kɛŋ Iziral tinteeŋ kuoruŋ laa ŋ nɩsɩŋ lɛ nɛ arɩ doluŋ, a joŋo pɩ nʋʋ dɔŋ sɩ kpɩaŋ.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”

1 SAMƲƐL 16:12

Jesi tɩŋ ba mʋ kɛnʋ kɔ. Ʋ fa ŋaa bapʋɔsɩ-fɩaŋ zɔŋ-bie nɛ, ʋ sɩɩ-biee ma kala tʋtʋl. Ŋɩɩ nɛ La TƖƖNA bʋla pɩ Samʋɛl, “Nɩɩ-la nɛ ŋɩɩ, joŋ Wɩɩsʋllɩ nʋʋŋ a tɩsɛ ʋ nyuŋ.”