2 SAMƲƐL 6:2 - WƖA TENIŊ

² Ʋ dɩ ʋ nɩaa kala sii mʋ taŋ-la ba sɩɩ yɩrɛ Baala sɩ hɛ Juda tinteeŋ lɛ, dɩ ba joŋ Wɩa niiriŋ daga-la a kaa mɩɩra mʋ Jerusalɛm. Ʋ nyuŋ nɛ La TƖƖNA doluŋ kala Tɩɩna hɔŋ ʋ kuoru kpasa lɛ kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ.

2 SAMƲƐL 6:2 ပူးပေါင်းရင်းမြစ်များ

2 SAMƲƐL 22:11

Ŋ sagɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa nyuŋ nɛ a file to peliŋ lɛ a kʋ tuu.

WƖA YƖƖLAA 80:1

Nɩɩ-la sɩɩ beŋ Iziral tɩŋŋaa a nagɛ pie-daara sɩɩ beŋ ʋ piesee, jegile nɩɩ la teeŋ. Ŋ nɛ laa Josɛf doho nɩaa sɩpaaŋ a bibemba. Ŋ hɔŋ kɩalɩŋ balɩa sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ nɛ, leŋ dɩ ŋ tʋla chaanɛ Efirem, Bɛnjamɩŋ

WƖA YƖƖLAA 99:1

La Tɩɩna nɛ kuoro, má leŋ dɩ tinteyee nɩaa kala chel. Ʋ hɔŋ ʋ kuoru kpasa nyuŋ nɛ, kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ, má leŋ dɩ tinteeŋ ma zigili.

AZAAYA 47:4

La Laataara yɩrɩŋ nɛ La TƖƖNA doluŋ kala Tɩɩna, ʋ nɛ ŋaa Iziral tɩŋŋaa Wɩa sɩ bɩ disiniŋ kɛnɛ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

JOSUA 15:60

Ba tasɩŋ dɔnsʋŋ ma nɛ: Kɩrɩaf Baal (ʋ nɛ ha Kɩrɩaf Jɩarɩm) arɩ Raba. Ba tabalaa ŋaa balɩa nɛ a pɛ ba tabiisiŋ lɛ.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

1 SAMƲƐL 4:4

Ŋɩɩ nɛ ba tɩŋ nɩaa ba mʋ Sɩlɔ, a joŋ La TƖƖNA doluŋ kala Tɩɩna niiriŋ daga-la kaa kɔ. Daga-la nyuŋ kɛŋ kɩaa sɩ kɛŋ kɩŋkɛnsɩŋ nɛ a nagɛ Wɩa tɩndaaraa balɩa, La TƖƖNA hɔŋ ba pɛgɛ. Eli hambolibiisiŋ balɩa, Hofini arɩ Finihas ma to Wɩa niiriŋ daga-la harɩŋ a mʋ ba buguŋ.

1 SAMƲƐL 6:21

Ŋɩɩ nɛ aŋ tɩŋ ba bʋla pɩ Kɩrɩaf Jɩarɩm nɩaa, “Fɩlɩsɩtɩa tɩŋŋaa kɛŋ Wɩa niiriŋ daga-la mɩɩra kɔ nɛ. Má kʋ tuu joŋ a kaa mʋ ma leriŋ.”

1 SAMƲƐL 7:1

Ŋɩɩ nɛ Kɩrɩaf Jɩarɩm tɩmma-la kʋ joŋ La TƖƖNA niiriŋ daga-la. Ba sɩ joŋo, ba kaa mʋ bil nɩɩ-la ba sɩɩ yɩrɛ Abɩnadab dɩa lɛ, dundolo nyuŋ, aŋ joŋ ʋ nanʋala Elieza hɛ La TƖƖNA nɩsɩŋ lɛ, dɩ ʋ nɛ bibeŋ La TƖƖNA niiriŋ daga-la nyuŋ.