2 SAMƲƐL 5:7 - WƖA TENIŊ

⁷ Ama Devit arɩ ʋ nɩaa wuo yuo dii Zaayɔŋ (Jerusalɛm nɛ ŋɩɩ) dɩɩ-duo-la, ʋ nɛ lɛɛlɛ baa yɩrɛ Devit taŋ ŋɩɩ.

2 SAMƲƐL 5:7 ပူးပေါင်းရင်းမြစ်များ

2 SAMƲƐL 5:8

Tapʋlɩɩ-la nɛ Devit bʋl, “Nɩɩ-la kala sɩ cho dɩ ʋ yuo dii Jebus tɩmma-la, tɩɩna maga dɩ ʋ joŋ lɩɩ-libe-la a mʋ yuo Devit dʋndɔmɔ-la sɩ nagɛ gbɛrɩgɛɛ arɩ nyʋlɩmaa.” Ŋɩɩ nɛ tɩɩ ba yie bʋl, “Nyʋlɩmaa arɩ gbɛrɩgɛɛ bɩ maga dɩ ba jʋʋ Wɩa dɩa-la sɩ hɛ Jerusalɛm lɛ.”

2 SAMƲƐL 5:9

Devit sɩ yuo laa dɩɩ-duo-la, ʋ hɔŋ nɩmɛ, a kɛŋ lee-la yɩyɩrɛ Devit taŋ. Ʋ chɩŋ dundolo-la wɩɩpɔsʋŋ dɩɩrɩŋ ba sɩ dɩŋa lɛ, aŋ saa taŋ-la ʋ yʋga pɛ.

2 SAMƲƐL 6:10

Ʋ fa bɩ chɛ dɩ ʋ joŋ La TƖƖNA niiriŋ daga-la mʋ ʋ teeŋ Jerusalɛm lɛ. Ŋɩɩ nɛ ʋ mɩɩra joŋ a kaa mʋ bil baal kʋbala baa yɩrɛ Ɔbɛd-Ɛdɔm dɩa lɛ, ʋ ŋaa Giti tɩɩna nɛ.

2 SAMƲƐL 6:12

Ŋɩɩ nɛ ba bʋla pɩ kuoro Devit, “La TƖƖNA pɛ Ɔbɛd-Ɛdɔm arɩ ʋ dɩa nɩaa arɩ kʋŋ na-kala ʋ sɩ kɛnɛ lɛ nɛ woruŋ, a tɩŋ Wɩa niiriŋ daga-la sɩ hɛ ʋ dɩa lɛ wɩaa.” Ŋɩɩ nɛ Devit mʋ joŋ Wɩa niiriŋ daga-la Ɔbɛd-Ɛdɔm dɩa lɛ, a kaa kʋkɔ Jerusalɛm, aŋ ka ba chaasa gbigbieli.

2 SAMƲƐL 6:16

Ba fa sɩ kɛŋ La TƖƖNA niiriŋ daga-la kʋʋ jʋʋ Jerusalɛm ŋɩɩ, Sɔɔl tolo Mɩkal to tokoro a nyilime na Devit. Ʋ sɩ naʋ dɩ ʋ fɩla aŋ pɛ gʋgʋa La TƖƖNA sɩpaaŋ, ʋ tʋɔŋ lɩɩʋ.

1 KUOROO 2:10

Ŋɩɩ nɛ Devit sʋʋ, ba hugu Jerusalɛm lɛ.

1 KUOROO 3:1

Solomoŋ leŋe ʋ dɩ Ijipiti tinteeŋ kuoro pɛ niiŋ nɛ, ka ʋ jaa ʋ tolo. Solomoŋ kɛŋ tolo-la kaa mʋ hɛ Devit tabal-la lɛ, ŋɩɩ halɩɩ a mʋ yi bʋa-la lɛ ʋ sɩ saa ʋ kuoru dɩa arɩ La TƖƖNA dɩa dɛrɛ, a pɛ kɛrɛ-la sɩ golli Jerusalɛm lɛ.

1 KUOROO 8:1

Ŋɩɩ nɛ kuoro Solomoŋ yɩrɛ Iziral doho doho nɩhɩasɩŋ, arɩ ba nyɩŋ-nɩaa nɩhɩasɩŋ kala dɩ ba kɔ ʋ teeŋ Jerusalɛm lɛ dɩ ba joŋ La TƖƖNA niiriŋ daga-la Zaayɔŋ lɛ, Devit tabal-la lɛ.

1 KUOROO 9:24

Solomoŋ haala Ijipiti tinteeŋ kuoro tolo-la sɩ lɩɩ Devit tabal-la lɛ a kɔ kuoru dɩa-la Solomoŋ sɩ saa pʋ, Solomoŋ bɩra leŋ ba chʋŋ hagɩla a dɩŋ tabal-la wɩɩpɔsʋŋ dɩɩrɩŋ.

1 IZIRAL TƖŊŊAA NAABARƖŊ 11:7

Devit sɩ yuo laa dɩɩ-duo-la, ʋ hɔŋ nɩmɛ, a kɛŋ lee-la yɩyɩrɛ Devit taŋ.

2 IZIRAL TƖŊŊAA NAABARƖŊ 24:16

Ba joŋu hugi kuoroo dɩ-huguŋ Devit tabal-la lɛ, a tɩŋ tɩntɩŋ-zɔmɔ-la ʋ sɩ tɩma pɩ Wɩa, Iziral tɩŋŋaa arɩ Wɩa dɩɩ-bal-la.

2 IZIRAL TƖŊŊAA NAABARƖŊ 5:2

Ŋɩɩ nɛ kuoro Solomoŋ yɩrɛ Iziral doho doho nɩhɩasɩŋ, arɩ ba nyɩŋ-nɩaa nɩhɩasɩŋ kala dɩ ba kɔ ʋ teeŋ Jerusalɛm lɛ dɩ ba joŋ La TƖƖNA niiriŋ daga-la Zaayɔŋ lɛ, Devit tabal-la lɛ.

NƐHƖMAAYA 3:15

Koli-Hoze nanʋala Salum sɩɩ beŋ Jerusalɛm sɛmɛ-la ba sɩɩ yɩrɛ Mizipa ma nɛ wasa saa Lɩɩ-bul-sɩɩŋ Boi-baal-la. Ʋ saaʋ nɛ a pilimi, a hɛ ʋ borusuŋ arɩ ʋ hɔɔnʋŋ arɩ daasɩ-la ba sɩ jaŋ kaa gɩgɩrɩgɛ borusu-la. Ʋ bɩra wasa saa jebii-la sɩ hɛ Sɛla fuo-la leriŋ a tɩgɛ Kuoro Gaarɩŋ lɛ, a kɛŋ ŋɩɩ mʋ yi lusuŋ-chol-sɩa-la sɩɩ lɩɩ Devit tabal-la lɛ.

WƖA YƖƖLAA 132:13

La Tɩɩna, ŋ tʋɔtɔrʋŋ lɛ nɛ ŋ lɩɩsɛ Zaayɔŋ, ʋ ŋaa ŋ dɩjʋʋlʋŋ.

WƖA YƖƖLAA 2:6

“Mɩ bil mɩ kuoro nɛ Zaayɔŋ lɛ, mɩ dundolo-la mɩ sɩ lɩɩsa pɩ mɩ tɩtɩa lɛ.”

WƖA YƖƖLAA 48:12

Wɩa nɩaa, má vɛnɛ golli Zaayɔŋ, a dɩɩsɛ ʋ dɩɩ-leŋee.

WƖA YƖƖLAA 48:3

Wɩa hɛ ʋ tabalɩŋ lɛ nɛ, ʋ daga arɩ ʋ nɛ lee-la dɩ-duoŋ.

WƖA YƖƖLAA 51:18

La Tɩɩna, leŋ dɩ ŋ tʋɔŋ tɔrɛ Zaayɔŋ nyuŋ, dɩ ŋ pɛ ʋ lɛ, a wasa saa Jerusalɛm jeyee.

WƖA YƖƖLAA 87:2

La Tɩɩna cho Zaayɔŋ a kɩɩ lere-la kala Iziral tɩŋŋaa sɩɩ jʋʋ.

WƖA YƖƖLAA 9:11

Má yɩɩ yɩɩlaa a dɛnnɛ La Tɩɩna, ʋ hɔŋ kuoru kpasa nyuŋ nɛ Zaayɔŋ lɛ a bibeŋ ʋ nɩaa. Má bʋl wɩalɩŋ kala ʋ sɩ ŋaa a pɩ tinteyee nɩaa.

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

AZAAYA 59:20

La TƖƖNA sɩ, “Ma Laataara jaŋ kɔ Jerusalɛm, ʋ jaŋ kɔ Jekɔb doho nɩalɩŋ sɩ bɩrɩma lɩɩ ba wʋbɔŋŋɔɔ lɛ teeŋ.”

JƐRƖMAAYA 21:13

Jerusalɛm, mɩ-na ma TƖƖNA chɩŋ ŋ lɛ nɛ, ŋ-na Jerusalɛm sɩ sagɛ tintee leŋiŋ nyuŋ a keese tɔ fuonaasɩŋ lɛ a nagɛ bʋŋ sɩ je wɩa-nyuŋ a keese tɔ tintee taala lɛ ŋɩɩ. Ma sɩ: ‘Kʋbɛɛ nɛ jaŋ wuo kʋ yuola? Kʋbɛɛ nɛ jaŋ wuo kʋ jʋʋ lee-la la sɩ faa?’

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

Rom Tɩŋŋaa 9:33

Ba ŋmʋnsɛ Wɩa teniŋ tʋɔŋ a tɩgɛ tabɩɩ-la lɛ nɛ a bʋl, “Bee na, mɩ joŋ tabɩɩ-la sɩ jaŋ leŋ dɩ nɩaa gɛrɛ a bil lee-la ba sɩɩ yɩrɛ Zaayɔŋ nɛ. Tabɩɩ-la ŋaa bʋŋ nɛ. Ʋ jaŋ leŋ dɩ nɩaa gɛrɛ titel. Ama nʋʋ na-kala sɩ laa nɩɩ-la la sɩɩ yɩrɛ bʋŋ-la wɩaa dii, ʋ bɩ jaŋ dii hɩɩsɩŋ.”

Hiburu TƖŊŊAA 12:22

Ama ma nɩalɩŋ sɩ laa Yesu wɩaa dii, ma kʋ yi peel-la ba sɩɩ yɩrɛ Zaayɔŋ nɛ. Ma kʋ yi tabal-la ba sɩɩ yɩrɛ Jerusalɛm a hɛ Wɩa-jaŋ lɛ nɛ. Wɩa sɩ weye jaŋ nɛ ŋɩɩ. Ma kɔ Wɩa tɩndaaraa bʋɩ bʋɩba bʋɩ sɩ hilimi lee-la arɩ tʋɔtɔrʋŋ nɛ,

Jɔɔŋ Wʋnaalaa 14:1

Ŋɩɩ nɛ mɩ beŋ a na Pie-bie-la dɩ ʋ chɩŋ peel-la ba sɩɩ yɩrɛ Zaayɔŋ nyuŋ. Ʋ dɩ nɩaa bʋɩba zɔlɔ arɩ mahɩŋ balɩa arɩ banɛsɛ nɛ fa chɩŋ peel-la nyuŋ. Ba ŋmʋnsɛ Pie-bie-la yɩrɩŋ arɩ ʋ Nyɩmma yɩrɩŋ nɛ a hɛ nɩaa deemba tilliŋ lɛ.