2 SAMƲƐL 5:3 - WƖA TENIŊ

³ Iziral nɩhɩasɩŋ kala sɩ sii kɔ kuoro Devit teeŋ ŋɩɩ Hɛbʋrɔŋ lɛ, Devit leŋ ʋ dɩ nɩhɩasɩ-la hɛ niiŋ pɩ dɔŋɔ La TƖƖNA sɩpaaŋ. Ba joŋ nʋʋŋ a tɩsɛ Devit nyuŋ a dagɛ arɩ ʋ nɛ ŋaa Iziral tɩŋŋaa kuoro.

2 SAMƲƐL 5:3 ပူးပေါင်းရင်းမြစ်များ

2 SAMƲƐL 2:4

Ŋɩɩ nɛ Juda doho nɩaa kɔ Hɛbʋrɔŋ, a joŋ Wɩɩsʋllɩ nʋʋŋ tɩsɛ Devit a dagɛ arɩ ʋ nɛ ŋaa ba kuoro. Ba sɩ bʋla pɩ Devit arɩ Jabɛs Gɩlɩad nɩaa nɛ hugi Sɔɔl,

2 SAMƲƐL 2:7

Má nyɩrɛ bɔyɛ a kɛŋ bɔɩ-duoŋ, bɛɛ wɩaa ma nɩhɩaŋ Sɔɔl sʋba nɛ, ka Juda nɩaa lɩɩsɛmɛ mɩ ŋaa ba kuoro.”

2 SAMƲƐL 3:21

Ŋɩɩ nɛ Abɩna bʋla pɩ Devit, “Mɩ nɩhɩaŋ, leŋ dɩ mɩ lɛɛlɛ mʋ a kɛŋ Iziral nɩalɩŋ hɛ dɔŋɔ a kɛmba kɔ ŋ teeŋ dɩ ma niiŋ ŋaa kʋbala, dɩ ŋ dii ba kuoruŋ arɩ ŋɩɩ ŋ sɩɩ chɛ.” Ŋɩɩ nɛ Devit ta Abɩna ʋ viiri arɩ yarɩfɩɛlaa.

1 KUOROO 1:34

Nɩmɛ nɛ Wɩɩsʋllɩ sɩpaalaara Zadɔk arɩ Netaŋ, Wɩa wʋlaabʋllʋ-la jaŋ lɩɩsʋ dɩ ʋ ŋaa Iziral kuoro. Má ŋmʋʋ banyile, a kpɩa goŋ bʋl, ‘A leŋ dɩ kuoro Solomoŋ mɩɩsɩŋ duomi.’

2 KUOROO 11:17

Jehoyada sɩ ŋaa Wɩɩsʋllɩ sɩpaalaara, leŋ kuoro Jʋas arɩ nɩalɩŋ hɛ niiŋ arɩ ba jaŋ ŋaa La TƖƖNA nɩaa. Ʋ bɩra leŋ nɩalɩŋ arɩ kuoro ma hɛ niiŋ pɩ dɔŋɔ arɩ ba jaŋ bʋla nɩnɩɩ dɔŋɔ lɛ.

1 IZIRAL TƖŊŊAA NAABARƖŊ 11:1

Iziral doho doho-la kala kɔ Devit teeŋ Hɛbʋrɔŋ lɛ a bʋl, “La ŋaa ŋ doho nɩaa nɛ.

1 IZIRAL TƖŊŊAA NAABARƖŊ 11:3

Iziral nɩhɩasɩŋ kala sɩ sii kɔ kuoro Devit teeŋ ŋɩɩ Hɛbʋrɔŋ lɛ, Devit leŋ ʋ dɩ nɩhɩasɩ-la hɛ niiŋ pɩ dɔŋɔ La TƖƖNA sɩpaaŋ. Ba joŋ nʋʋŋ a tɩsɛ Devit nyuŋ a dagɛ arɩ ʋ nɛ ŋaa Iziral tɩŋŋaa kuoro, arɩ La TƖƖNA fa sɩ to Samʋɛl lɛ a dagɛ ŋɩɩ.

1 IZIRAL TƖŊŊAA NAABARƖŊ 28:4

La TƖƖNA, Iziral tɩŋŋaa Wɩa fa lɩɩsɛ Juda doho nɛ dɩ ba ŋaa sɩpaalaaraa. Juda ma lɛ ʋ lɩɩsɛ mɩ nyɩmma dɩa nɩaa, mɩ nyɩmma biiriŋ tʋɔŋ, ʋ tʋɔŋ tɔrɛ mɩ nyuŋ ʋ lɩɩsɛmɛ dɩ mɩ ŋaa Iziral tɩŋŋaa kuoro, aŋ hɛ niiŋ arɩ mɩ dɩ mɩ doho nɩaa nɛ jaŋ didii kuoruŋ a kaa mʋ wuu.

2 IZIRAL TƖŊŊAA NAABARƖŊ 23:16

Wɩɩsʋllɩ sɩpaalaara Jehoyada, kuoro Jʋas arɩ nɩalɩŋ hɛ niiŋ pɩ dɔŋɔ arɩ ba jaŋ ŋaa La TƖƖNA nɩaa.

NƐHƖMAAYA 9:38

A tɩŋ wɩaa deemba kala wɩaa, la Iziral tɩŋŋaa kala ŋaa nii-bala nɛ, dɩ la tɔ boŋ a ŋmʋnsa bil, dɩ la sɩpaalaaraa, la Levi doho nɩaa arɩ la Wɩɩsʋllɩ sɩpaalaaraa sɩ jaŋ joŋ ba magɩlɩŋ hɛ.”

MOSIS KƐŊ IZIRAL TƖŊŊAA LƖƖ 3:16

Mʋ a yɩrɛ Iziral nɩhɩasɩŋ kala a hilimi a bʋla pɩba, ‘Ma TƖƖNA Wɩa sɩ ŋaa ma naabalɩma Abɩraham, Aɩzɩk arɩ Jekɔb Wɩa nɛ kɛŋ ʋ tɩtɩa kʋ dagɛmɛ a bʋl: Mɩ na ma nɛ, a na ba sɩɩ ŋaama ŋɩɩ Ijipiti tinteeŋ lɛ.

JOSUA 10:36

Ŋɩɩ nɛ Josua arɩ Iziral tɩŋŋaa laalɩyuoroo kala bɩra sii Ɛgɩlɔŋ lɛ, a mʋ yuo Hɛbʋrɔŋ.

SƖPAALAARAA 11:11

Jɛfɩta to Gɩlɩad nɩhɩasɩ-la harɩŋ ba mʋ, nɩalɩŋ leŋ ʋ ŋaa ba nɩhɩaŋ arɩ ba laalɩyuori-hɩaŋ. Wɩalɩŋ ʋ fa sɩ bʋla, ʋ bɩra wasa bʋl ba tɩtɩa La TƖƖNA sɩpaaŋ taŋ-la ba sɩɩ yɩrɛ Mɩzɩpa lɛ.

1 SAMƲƐL 11:15

Ba kala sii mʋ Gɩlɩgal, a mʋ La TƖƖNA sɩpaaŋ a chaasa bil Sɔɔl kuoruŋ. Nɩmɛ nɛ ba kpʋ pʋsʋŋ a ŋaa nii-magɛ dɔŋɔ Wɩɩsʋlʋŋ La TƖƖNA sɩpaaŋ. Ŋɩɩ nɛ Sɔɔl arɩ Iziral tɩŋŋaa kala gbieli gbieli-bal kuorii-la bʋbʋɔŋ lɛ.

1 SAMƲƐL 16:13

Samʋɛl joŋ loŋ arɩ nʋʋŋ a wansa tɩsʋ ʋ naambiiri-la kala sɩpaaŋ. A chɩŋ tapʋlɩɩ-la a kaa mʋ, La TƖƖNA Dɩma kʋ hɛ Devit lɛ a pʋ doluŋ. Ŋɩɩ harɩŋ Samʋɛl mɩɩra mʋ Rama.

1 SAMƲƐL 23:18

Ba balɩamɩŋ bɩra leŋ nii-la ba sɩ hɛ pɩ dɔŋɔ La TƖƖNA sɩpaaŋ wasa chɩŋ. Jonataŋ mɩɩra mʋ dɩa, ka Devit ha hɛ Hɔrɛs lɛ.