2 SAMƲƐL 5:2 - WƖA TENIŊ

² Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

2 SAMƲƐL 5:2 ပူးပေါင်းရင်းမြစ်များ

WƖAA DƖ-SUOMUŊ 49:24

Ama Jekɔb Wɩa sɩ ŋaa doluŋ kala TƖƖNA leŋe ʋ toŋ arɩ ʋ nɩsaa kɛŋ doluŋ nɛ, a tɩŋ Wɩa sɩ ŋaa Iziral tɩŋŋaa pʋpɔɔrɔ wɩaa.

2 SAMƲƐL 6:21

Devit bʋla pʋ, “La TƖƖNA leŋ ŋ nyɩmma arɩ ʋ dɩa nɩaa kala ta nɛ, aŋ lɩɩsɛmɛ mɩ ŋaa Iziral tɩŋŋaa sɩpaalaara, ŋɩɩ nɛ tɩɩ mɩ gʋgʋa ʋ sɩpaaŋ ŋɩɩ.

2 SAMƲƐL 7:7

Mɩ sɩ kɛŋ mɩ nɩaa Iziral tɩŋŋaa vɩvɛŋ, mɩ ha bɩ ba sɩpaalaara-la mɩ sɩ lɩɩsa dɩ ba bibemba kʋŋ pɩɛsa, ‘Bɛɛ nɛ tɩɩ ŋ bɩ kuolu daasɩŋ kaa saa dɩa pɩmɛ?’

2 SAMƲƐL 7:8

Ŋɩɩ wɩaa, bʋla pɩ mɩ tɩntɩnna Devit, wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Mɩ lɩɩsɩŋ pie-daalɩŋ lɛ nɛ a leŋ ŋ ŋaa mɩ nɩaa Iziral tɩŋŋaa kuoro.

2 KUOROO 20:5

“Mɩɩra mʋ bʋla pɩ mɩ nɩaa sɩpaalaara Hezikaaya arɩ mɩ-na ma TƖƖNA sɩ ŋaa ʋ naabalɩma Devit Wɩa sɩ, ‘Mɩ nɩɩ ŋ sʋla nɛ a na ŋ sɩlɩɩrɩŋ ma. Mɩ jaŋ leŋ dɩ ŋ duori. A lɩɩ jɩnɩŋ kaa mʋ tapʋlaa batori chɛɛŋ, ŋ jaŋ mɩɩra jʋʋ mɩ-na Wɩa dɩɩ-bal-la.

1 IZIRAL TƖŊŊAA NAABARƖŊ 11:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA Wɩa bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

2 IZIRAL TƖŊŊAA NAABARƖŊ 1:10

Ŋɩɩ wɩaa, pɩmɛ wʋjɩmɩŋ a leŋ dɩ mɩ jɩŋ wɩaa sɩaa dɩ mɩ wuo beŋ nɩaa deemba. Dɩ ŋɩɩ dee, ɛɛ nɛ mɩ jaŋ wuo ŋaa a beŋ ŋ nɩ-daŋ deeŋ?”

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

ƐZƖKƖƐL 34:23

Mɩ jaŋ lɩɩsɛ kuoro pɩba dɩ ʋ nagɛ mɩ tɩntɩnna Devit a ŋaa ba pie-daara a bibemba. Ʋ nɛ jaŋ ŋaa ba pie-daara a dɩdaaba.

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

NAMBABA 27:17

a kɛmba mʋmʋ laalɩŋ. La Tɩɩna, ŋ nɩaa bɩ maga dɩ ba nagɛ piesee sɩ bɩ pie-daara kɛnɛ.”

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Hiburu TƖŊŊAA 2:10

Kɩalɩŋ sɩ hɛ dʋnɩa lɛ, Wɩa nɛ ŋaaba a tɩɩba ma. Ʋ sɩɩ chɛ dɩ ʋ biiriŋ yʋgɛ kʋ jʋʋ ʋ kuorii-la tʋɔŋ, ʋ leŋe Yesu, nɩɩ-la sɩ jaŋ laaba ta na hɛɛŋ nɛ woruŋ.

1 SAMƲƐL 13:14

Ama lɛɛlɛ ŋ doho nɩaa dee bɩra bɩ jaŋ didii kuoruŋ. La TƖƖNA lɩɩsɛ nʋʋ ʋ tʋɔŋ sɩ tɔrɛ ʋ nyuŋ nɛ, dɩ ʋ nɛ ŋaa ʋ nɩaa sɩpaalaara, bɛɛ wɩaa ŋ bɩ ʋ niiŋ lɛ to.”

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”

1 SAMƲƐL 18:13

Ŋɩɩ nɛ Sɔɔl bɩra bɩ leŋe Devit hɛ ʋ teeŋ, aŋ joŋu hɛ ʋ ŋaa laalɩyuoroo bʋɩ sɩpaa-laarʋ, a kɛmba mʋmʋ laalɩŋ.

1 SAMƲƐL 18:16

Nɩalɩŋ sɩ hɛ Iziral tinteeŋ arɩ Juda tinteeŋ kala lɛ cho Devit nɛ woruŋ, bɛɛ wɩaa ʋ laa ba sɩpaaŋ ba wɩaa vɩvɛŋ woruŋ nɛ.

1 SAMƲƐL 18:5

Dɩ Sɔɔl nɛ tɩŋ Devit dɩ ʋ mʋ ŋaa wɩɩ, ʋ yie ŋaa wɩɩ-la woruŋ nɛ. Ŋɩɩ nɛ Sɔɔl leŋ ʋ ŋaa ʋ laalɩyuoroo nɩhɩaŋ dɔŋɔ. Sɔɔl tɩntɩnnɩ-hɩasɩŋ arɩ nɩalɩŋ kala tʋɔŋ tɔrɛ wɩɩ-la Sɔɔl sɩ ŋaa pɩ Devit lɛ.

1 SAMƲƐL 25:28

Mɩɩ sʋlʋŋ, joŋo chɛmɛ dɩ mɩ nɛ bʋl wɩaa yʋyʋgɛ. La TƖƖNA jaŋ leŋ dɩ mɩ nɩhɩaŋ arɩ ʋ dɩa nɩaa nɛ didii kuoruŋ wuu, bɛɛ wɩaa La TƖƖNA laalɩŋ nɛ ʋ yuyuo. A leŋ dɩ ŋ mɩɩsɩŋ kala lɛ, ŋ sɩ́ wʋbɔŋ ŋaa.

1 SAMƲƐL 25:30

Dɩ La TƖƖNA nɛ pɛ mɩ nɩhɩaŋ lɛ, a ŋaa wʋzɔŋŋɔɔ deemba kala pʋ arɩ ʋ sɩ hɛ niiŋ ŋɩɩ pʋ, a ŋaa dɩ ʋ dii kuoruŋ Iziral tinteeŋ lɛ,

1 SAMƲƐL 9:16

“Chie bʋa deeŋ lɛ, mɩ jaŋ leŋ dɩ baal kʋbala lɩɩ Bɛnjamɩŋ doho nɩaa tʋɔŋ a kɔ. Dɩ ʋ nɛ kɔ, joŋ Wɩɩsʋllɩ nʋʋŋ tɩsʋ, dɩ ʋ ŋaa mɩ nɩaa Iziral tɩŋŋaa sɩpaalaara. Ʋ nɛ jaŋ laa mɩ nɩaa ta Fɩlɩsɩtɩa tɩŋŋaa nɩsɩŋ lɛ. Mɩ na hɛɛ-la mɩ nɩaa sɩɩ na nɛ, a nɩɩ ba nii-ŋmobo ma.”