2 SAMƲƐL 5:18 - WƖA TENIŊ

¹⁸ Bʋa-la lɛ dɩ Fɩlɩsɩtɩa tɩmma-la kʋ lɩɩ jɛrɛ su Refem fuonaaŋ.

2 SAMƲƐL 5:18 ပူးပေါင်းရင်းမြစ်များ

WƖAA DƖ-SUOMUŊ 14:5

Jɩ-fii arɩ banɛsɩmɩŋ tʋɔŋ Kedolooma arɩ ʋ nɩaa yuo dii nɩaa deemba: Refem tɩŋŋaa sɩ hɔŋ Asɩtɛrɔf Kanam lɛ. Zuzi tɩŋŋaa sɩ hɛ Ham lɛ, Emi tɩŋŋaa sɩ hɔŋ Kɩrɩatam lɛ

2 SAMƲƐL 23:13

Baga kɩaa ŋaanɩŋ bʋa lɛ, laalɩyuori-babiibala-la mara arɩ fii tʋɔŋ nɩaa batori sii mʋ Devit teeŋ, dɩ ʋ faa bʋbʋa-la sɩ hɛ taŋ-la ba sɩɩ yɩrɛ Adulam lɛ. Dɩ Fɩlɩsɩtɩa laalɩyuoroo ma ŋmoo ba buguŋ Refem fuonaaŋ lɛ.

2 SAMƲƐL 5:22

Tapʋlɩɩ dɔŋ Fɩlɩsɩtɩa tɩmma-la bɩra kʋ lɩɩ a jɛrɛ su Refem fuonaa-la kala.

1 IZIRAL TƖŊŊAA NAABARƖŊ 11:15

Laalɩyuori-hɩasɩŋ mara arɩ fii nɛ fa hɛ nɩmɛ. Ba tʋɔŋ nɩaa batori sii mʋ Devit teeŋ, dɩ ʋ faa bʋbʋa-la sɩ hɛ taŋ-la ba sɩɩ yɩrɛ Adulam lɛ. Dɩ Fɩlɩsɩtɩa laalɩyuoroo ma ŋmoo ba buguŋ Refem fuonaaŋ lɛ.

AZAAYA 17:5

Iziral jaŋ nagɛ ba sɩ pɛrɛ mɩaa baga a ta a bori, ʋ jaŋ nagɛ ba sɩ kuuni mɩaa fuonaa-la ba sɩɩ yɩrɛ Rafem lɛ.

JOSUA 15:8

Tintee-la bʋa nɛ ha jɩla to Bɛŋ Hɩnɔm fuonaaŋ a joŋ ŋɩɩ a mʋ to Jebus tɩŋŋaa tabal-la (ʋ nɛ ha baa yɩrɛ Jerusalɛm) a joŋ ŋɩɩ a mʋ jɩl dundolo nyuŋ sɩ hɛ Hɩnɔm fuonaa-la wɩɩjʋʋlʋŋ dɩɩrɩŋ, a bɩra hɛ Refem fuonaaŋ wɩɩpɔsʋŋ nagʋa dɩdɛrɩŋ.

JOSUA 17:15

Ŋɩɩ nɛ Josua bʋl, “Dɩ ma nɩaa nɛ yʋga a kɩɩ Efirem tintee-la peelee sɩ yʋga, ŋɩɩ-na ma jaŋ wuo sii a mʋ duuŋ tʋɔŋ, a kpʋ leriŋ a pɩ ma tɩtɩa Pɛrɛs tɩŋŋaa arɩ Refem tɩmma-la tinteeŋ lɛ.”

JOSUA 18:16

Bʋa-la bɩra joŋ ŋɩɩ nɛ a tuu peel taala-la, a tʋʋlɛ Bɛŋ Hɩnɔm fuonaa-la a to Rafaɩ tɩŋŋaa fuonaaŋ wɩɩpɔsʋŋ nagʋa dɩɩrɩŋ. Ʋ nɛ ha to ŋɩɩ a tuu Hɩnɔm fuonaa-la, a joŋ ŋɩɩ mʋ to Jebus tɩŋŋaa taŋ-la wɩɩpɔsʋŋ nadiiŋ dɩɩrɩŋ tintee-la sɩ chulloo tuu a joŋo tuu taŋ-la ba sɩɩ yɩrɛ Ɛŋ-Rogɛl.