2 SAMƲƐL 5:10 - WƖA TENIŊ

¹⁰ Ŋɩɩ nɛ La TƖƖNA Wɩa doluŋ kala Tɩɩna chɩŋ Devit harɩŋ woruŋ, ʋ doluŋ wasa pʋŋa pɛ.

2 SAMƲƐL 5:10 ပူးပေါင်းရင်းမြစ်များ

WƖAA DƖ-SUOMUŊ 21:22

Bʋa-la lɛ Abɩmɛlɛk arɩ ʋ laalɩyuori-hɩaŋ Fiko mʋ Abɩraham teeŋ a bʋla pʋ, “Wɩa chɩŋ ŋ harɩŋ nɛ, wɩɩ na-kala ŋ sɩɩ ŋaa lɛ.

2 SAMƲƐL 3:1

Laal-la sɩ sii Sɔɔl dɩa nɩaa arɩ nɩalɩŋ sɩ chɩŋ Devit harɩŋ pɛgɛ fa diene nɛ woruŋ. Devit nɩaa doluŋ fa pʋŋa pɩpɛ nɛ, ka Sɔɔl nɩaa doluŋ tutuu tinteeŋ.

2 SAMƲƐL 7:9

Lee na-kala ŋ sɩ mʋa, mɩ chɩŋ ŋ harɩŋ nɛ, a yuo dii ŋ dʋndɔŋŋɔɔ kala. Lɛɛlɛ mɩ jaŋ leŋ dɩ ŋ yɩrɩŋ sii, arɩ dʋnɩa nɩbalaa yɩrɩŋ sɩ sii ŋɩɩ.

2 SAMƲƐL 8:14

Ʋ bɩra leŋ ʋ laalɩyuoroo gɔllɔ ŋmoo bugoo Ɛdɔm tinteeŋ lɛ a hɔŋ nɩmɛ. Ŋɩɩ nɛ Ɛdɔm tɩŋŋaa sɛɩ Devit bibemba. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

2 SAMƲƐL 8:6

Devit fa leŋe ʋ laalɩyuoroo dɔnsʋŋ gɔllɔ ŋmoo bugoo Damasɩkʋs tinteeŋ lɛ nɛ, a hɔŋ Siiria tɩmma-la sɩ hɛ lee-la. Ŋɩɩ nɛ Siiria tɩmma-la sɛɩ Devit bibemba, ba tiŋ lampoo pʋpʋ. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

WƖA YƖƖLAA 24:10

Kʋbɛɛ nɛ ŋaa kuoru-balɩŋ deeŋ? Ʋ nɛ ŋaa La Tɩɩna, doluŋ kala Tɩɩna, ʋ nɛ ŋaa kuoru-balɩŋ.

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

WƖA YƖƖLAA 46:7

La Tɩɩna doluŋ kala Tɩɩna hɛ la teeŋ nɛ. Jekɔb Wɩa nɛ la dɩ-duoŋ.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

Luuk 2:52

Ŋɩɩ nɛ Yesu waa, ʋ wʋjɩmɩŋ ma pʋŋa pɛ. Wɩa chou, nɩaa ma zizilu woruŋ.

Rom Tɩŋŋaa 8:31

Dɩ la nɛ jɩŋ wɩaa deemba kala, bɛɛ nɛ bɩra ka dɩ la bʋl? Dɩ Wɩa nɛ chɩŋ la harɩŋ, kʋbɛɛ ma nɛ bɩra kɛŋ doluŋ a kɩɩla?

1 SAMƲƐL 18:12

Fawʋllʋŋ kɛŋ Sɔɔl a tɩŋ Devit wɩaa, bɛɛ wɩaa La TƖƖNA lɩɩ Sɔɔl harɩŋ nɛ, a mɩɩra chɩŋ Devit harɩŋ.

1 SAMƲƐL 18:14

Wɩɩ na-kala Devit sɩ ŋaa vɛŋ woruŋ nɛ, bɛɛ wɩaa La TƖƖNA chɩŋ ʋ harɩŋ nɛ.

1 SAMƲƐL 18:5

Dɩ Sɔɔl nɛ tɩŋ Devit dɩ ʋ mʋ ŋaa wɩɩ, ʋ yie ŋaa wɩɩ-la woruŋ nɛ. Ŋɩɩ nɛ Sɔɔl leŋ ʋ ŋaa ʋ laalɩyuoroo nɩhɩaŋ dɔŋɔ. Sɔɔl tɩntɩnnɩ-hɩasɩŋ arɩ nɩalɩŋ kala tʋɔŋ tɔrɛ wɩɩ-la Sɔɔl sɩ ŋaa pɩ Devit lɛ.