2 SAMƲƐL 4:8 - WƖA TENIŊ

⁸ Ba kɛŋ Ɩsɩ-Bɔsɛf nyuŋ-la kɔ kuoro Devit teeŋ Hɛbʋrɔŋ lɛ, a bʋl, “Na ŋ dʋndɔmɔ Sɔɔl, nɩɩ-la sɩ walɩma dɩ ʋ kpʋŋ nanʋala Ɩsɩ-Bɔsɛf nyuŋ. Jɩnɩŋ La TƖƖNA joŋ ŋ-na mɩ nɩhɩaŋ sɩ ŋaa kuoro baanɩŋ a fɩɩsɛ Sɔɔl arɩ ʋ doho nɩaa lɛ nɛ.”

2 SAMƲƐL 4:8 ပူးပေါင်းရင်းမြစ်များ

2 SAMƲƐL 18:19

Ŋɩɩ nɛ Zadɔk nanʋala Ahɩmaas bʋla pɩ Jʋab, “Leŋ dɩ mɩ fá mʋ hɛ duoso pɩ kuoro Devit, arɩ La TƖƖNA laaʋ ta nɛ ʋ dʋndɔŋŋɔɔ nɩsɩŋ lɛ.”

2 SAMƲƐL 18:31

Kus tɩɩna-la ma kɔ a bʋl, “Kuoro, mɩ nɩhɩaŋ, nɩɩ wʋzɔŋ-la mɩ sɩ kaa kɔ. La TƖƖNA laaŋ ta nɛ jɩnɩŋ ŋ dʋndɔŋŋɔɔ kala nɩsɩŋ lɛ.”

2 SAMƲƐL 2:8

Ama bʋa deeŋ lɛ, dɩ Sɔɔl laalɩyuoroo nɩhɩaŋ Abɩna sɩ ŋaa Nɛɛ nanʋala, sii kɛŋ Sɔɔl nanʋala ba sɩɩ yɩrɛ Ɩsɩ-Bɔsɛf ba chol Jɔdaŋ fuoŋ a mʋ Mahanem.

2 SAMƲƐL 22:48

Ŋ nɛ Wɩa a laa mɩ dʋndɔŋŋɔɔ yuo pɩmɛ, a joŋ tinteyee nɩaa pɩmɛ mɩ bibeŋ.

WƖA YƖƖLAA 71:24

Tapʋlɩɩ-la kala mɩ jaŋ bʋl tʋɔpʋl wɩalɩŋ ŋ sɩ ŋaa a pɩ nɩaa. Ŋ leŋe nɩalɩŋ sɩɩ chɛ dɩ ba ŋaa wʋbɔŋŋɔɔ mɩ lɛ dii hɩɩsɩŋ nɛ, ba wɩaa vʋgʋmɛ.

Matiu 2:20

“Sii a kɛŋ bii-mulo-la arɩ ʋ naaŋ a mɩɩra mʋ Iziral tinteeŋ. Nɩalɩŋ fa sɩɩ chɛ dɩ ba kpʋ bii-mulo-la, ba sʋba nɛ.”

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

1 SAMƲƐL 18:11

Ʋ yuo tiŋ-la aŋ bʋl ʋ tʋɔŋ lɛ, “Mɩ jaŋ yagɛ Devit a mɛrɛ jeeŋ lɛ.” Ʋ ŋaa ŋɩɩ naansɩɩŋ bʋlɩa nɛ, Devit ma wuo nuuro lɩɩ bʋlɩa-la kala.

1 SAMƲƐL 19:1

Tapʋlɩɩ kʋbala nɛ Sɔɔl bʋla pɩ ʋ nanʋala Jonataŋ arɩ ʋ tɩntɩnnaa kala dɩ ba kpʋ Devit. Ama Jonataŋ arɩ Devit fa mal dɔŋɔ nɛ woruŋ.

1 SAMƲƐL 19:15

Ba mɩɩra kʋ bʋla pɩ Sɔɔl. Ʋ bɩra tɩmba a bʋl, “Má mɩɩra mʋ Devit dɩa, a dʋɔrʋ bɔsɔ-la lɛ a kaa kʋ pɩmɛ, dɩ mɩ kpʋʋ.”

1 SAMƲƐL 20:1

Ŋɩɩ nɛ Devit lɩɩ fá Nayɔf sɩ hɛ Rama lɛ, a mʋ Jonataŋ teeŋ a pɩɛsʋ, “Wʋbɛɛ nɛ mɩ ŋaa? Wʋbɔŋ bɛɛ nɛ mɩ ŋaa ŋ nyɩmma lɛ, ʋ chɩchɛ dɩ ʋ kpʋmɛ?”

1 SAMƲƐL 23:15

Devit fa sɩ hɛ Hɔrɛs sɩ hɛ Zɩf tintee-hɩlɩŋ lɛ, ʋ bɩra nɩa arɩ Sɔɔl kʋ lɩɩ dɩ ʋ kpʋʋ nɛ.

1 SAMƲƐL 24:4

Devit nɩaa bʋla pʋ, “Tapʋlʋŋ deeŋ wɩaa nɛ La TƖƖNA fa bʋla pɩŋ ŋɩɩ, bʋa-la lɛ ʋ sɩ sɩ, ‘Mɩ jaŋ joŋ ŋ dʋndɔmɔ hɛ ŋ nɩsɩŋ lɛ, dɩ ŋ ŋaaʋ wɩɩ-la kala ŋ sɩ cho.’ ” Ŋɩɩ nɛ Devit sii densi a mʋ lʋara keri Sɔɔl gɛrɩŋ niipiniŋ.

1 SAMƲƐL 25:29

Dɩ nʋʋ dɔŋ nɛ paala kikiri dɩ ʋ kpʋŋ ma, La TƖƖNA Wɩa sɩ weye jaŋ pɔŋ woruŋ, dɩ ŋ mɩɩsɩŋ sɩ́ lɩɩ. Ama ʋ jaŋ guu lɩɩsɛ ŋ dʋndɔmɔ-la mɩɩsɩŋ lɩma, a kɩɩ ba sɩ joŋ tabɩɩŋ hɛ kpalɩŋ lɛ a yuo ŋɩɩ.