2 SAMƲƐL 4:12 - WƖA TENIŊ

¹² Ŋɩɩ nɛ Devit leŋ ʋ nɩaa kpʋba, a keri ba nɩsaa arɩ ba naasɩŋ, aŋ joŋ ba yaraa sagɛ a kpagɛ lɩɩŋ sɩ pɩŋ lee-la Hɛbʋrɔŋ lɛ. Ama ba joŋ Ɩsɩ-Bɔsɛf-na nyuŋ a hugi Abɩna bʋa lɛ Hɛbʋrɔŋ lɛ.

2 SAMƲƐL 4:12 ပူးပေါင်းရင်းမြစ်များ

2 SAMƲƐL 1:15

Ŋɩɩ nɛ Devit bʋl Amalɛk tɩɩna-la lɛ, “Ŋ tɩtɩa nɛ chɛ ŋ sʋʋŋ. Ŋ tɩtɩa bʋla: Mɩ nɛ kpʋ nɩɩ-la La TƖƖNA sɩ lɩɩsa ʋ ŋaa kuoro.” Ŋɩɩ nɛ Devit yɩrɛ ʋ nɩaa dɔŋɔ a bʋla pʋ, “Mʋ kpʋ baal-la.” Ŋɩɩ nɛ ʋ mʋ kpʋʋ.

2 SAMƲƐL 16:8

La TƖƖNA joŋ nɩalɩŋ kala ŋ sɩ kpʋa Sɔɔl dɩa lɛ chɩmɩŋ nɛ a tiŋ ŋ lɛ. Ʋ kuoruŋ nɛ ŋ gaa dii ŋɩɩ. La TƖƖNA laa kuorii-la nɛ ŋ teeŋ a joŋo pɩ ŋ nanʋala Abɩsalɔm. Ŋ ŋaa nɩkpʋʋrʋ nɛ, ŋɩɩ nɛ tɩɩ wɩaa deemba kala jʋʋŋ.”

2 SAMƲƐL 2:8

Ama bʋa deeŋ lɛ, dɩ Sɔɔl laalɩyuoroo nɩhɩaŋ Abɩna sɩ ŋaa Nɛɛ nanʋala, sii kɛŋ Sɔɔl nanʋala ba sɩɩ yɩrɛ Ɩsɩ-Bɔsɛf ba chol Jɔdaŋ fuoŋ a mʋ Mahanem.

2 SAMƲƐL 21:9

Devit jomba a pɩ Gibioŋ tɩmma-la, ba kpʋba a joŋo sagɛ dundolo nyuŋ La TƖƖNA sɩpaaŋ Gɩbɩa lɛ. Ba kala balɩpɛ nɛ ba kpʋ hɛ dɔŋɔ. Ba kpʋba tapʋlɩɩ-la ba sɩ suomo kʋkʋŋ ba mɩɩ-bumbumba nɛ.

2 SAMƲƐL 3:32

Ba kɛŋ Abɩna mʋ a hugi Hɛbʋrɔŋ lɛ, Abɩna bʋa leriŋ. Kuoro faasa ŋmoo niiŋ, nɩalɩŋ ma kala yel woruŋ.

WƖA YƖƖLAA 55:23

Ama ŋ-na Wɩa jaŋ joŋ nɩbɔŋŋɔɔ, nɩkpʋʋraa arɩ wʋnyɩɛraa a hɛ buotuo-luŋuŋ lɛ. Ŋ bɩ jaŋ leŋ dɩ ba yi ba tapʋlaa kpaa magɛ dɔŋɔ ma. Ama mɩ-na laaŋ dii nɛ.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.