2 SAMƲƐL 3:39 - WƖA TENIŊ

³⁹ Jɩnɩmba, mɩ nɛ La TƖƖNA lɩɩsɛ mɩ dii kuoruŋ, ama Zeruya biiriŋ Jʋab arɩ Abɩsaɩ dolie kɩɩ mɩ nɛ. A leŋ dɩ La TƖƖNA joŋ wʋbɔŋ-la ba sɩ ŋaa chɩmɩŋ a tiŋ ba lɛ!”

2 SAMƲƐL 3:39 ပူးပေါင်းရင်းမြစ်များ

2 SAMƲƐL 16:10

Ama kuoro Devit sɩ, “Ŋ wɩɩ tuo wɩɩŋ deeŋ lɛ, dɩ La TƖƖNA nɛ sɩ Sɩmɛɩ tʋʋsɛmɛ, kʋbɛɛ nɛ kaŋ dɩ ŋ bʋl ʋ sɩ́ ŋɩɩ ŋaa?”

2 SAMƲƐL 19:13

Aŋ bɩra pɩɛsɛ Amasa ma, “Mɩ chalɩŋ dee bɩŋ kaa? A lɩɩ bʋa deeŋ lɛ a kaa mʋ, dɩ mɩ nɛ bɩ leŋe dɩ ŋ ŋaa mɩ laalɩyuoroo nɩhɩaŋ, a laa Jʋab nyuŋ, a leŋ dɩ Wɩa dɔgɩsɛmɛ kɩŋkɛŋ.”

2 SAMƲƐL 19:22

Devit bʋl, “Ma-na Zeruya biiriŋ, ma wɩɩ tuo wɩɩŋ deeŋ lɛ. Sɩ́ wɩaa lɔgɔ hɛ mɩ lɛ. Jɩnɩŋ ʋ maga dɩ la kpʋ nʋʋ nɛ Iziral lɛɛ? Ŋ bɩɩna mɩ bɩ jɩŋ arɩ mɩ nɛ bɩra ŋaa Iziral kuoro jɩnɩŋ?”

2 SAMƲƐL 3:38

Ŋɩɩ nɛ kuoro pɩɛsɛ ʋ nɩaa, “Ma bɩ jɩŋ arɩ sɩpaalaarɩ-duo arɩ nɩbal nɛ sʋʋ Iziral tinteeŋ lɛ ŋɩɩ jɩnɩŋ?

1 KUOROO 2:32

La TƖƖNA jaŋ joŋ nɩalɩŋ balɩa Jʋab sɩ kpʋa, ka mɩ nyɩmma Devit jɩma tuo chɩmɩŋ a tiŋ ʋ lɛ. Nɩalɩŋ kala balɩa fa kpɩaʋ: Nɛɛ nanʋala Abɩna fa sɩ ŋaa Iziral tɩŋŋaa laalɩyuoroo nɩhɩaŋ arɩ Jɛta nanʋala Amasa ma fa sɩ ŋaa Juda nɩaa laalɩyuoroo nɩhɩaŋ.

1 KUOROO 2:9

Ama lɛɛlɛ, sɩ́ ʋ pɛɩ leŋ. Ŋ ŋaa wʋjɩnnʋ nɛ, ŋ jɩŋ wɩɩ-la sɩ maga dɩ ŋ ŋaa nɛ. Ʋ maga dɩ ŋ leŋ dɩ ba kpʋʋ nɛ.”

1 IZIRAL TƖŊŊAA NAABARƖŊ 22:5

Ŋɩɩ nɛ Devit bʋl, “Mɩ nanʋala Solomoŋ ha ŋaa hambie nɛ ʋ bɩ wɩaa jɩŋ woruŋ, ama La TƖƖNA dɩa-la mɩ sɩɩ chɛ ʋ saa maga dɩ ʋ yʋgɛ nɛ a zɔŋ woruŋ dɩ tinteyee nɩaa kala jɩŋ ʋ zɔmʋŋ lɛ. Ŋɩɩ wɩaa mɩ jaŋ chɛ kɩalɩŋ ʋ sɩ jaŋ kaa saa dɩa-la a bil.” Ŋɩɩ nɛ ʋ chɛ kɩalɩŋ yʋgɛ woruŋ a bil aŋ-na sʋʋ.

1 IZIRAL TƖŊŊAA NAABARƖŊ 29:1

Ŋɩɩ nɛ kuoro Devit bʋla pɩ nɩalɩŋ kala sɩ hilime, “Mɩ nanʋala Solomoŋ nɛ Wɩa lɩɩsɛ dɩ ʋ saa ʋ dɩa-la, ama ʋ ha ŋaa hambie nɛ, ʋ bɩ wɩaa jɩŋ woruŋ. Tɩntɩmɩɩ-la yʋga nɛ woruŋ, bɛɛ wɩaa dɩa-la tuo nuhuobiiŋ dɩa, ama La TƖƖNA Wɩa dɩa nɛ.

2 IZIRAL TƖŊŊAA NAABARƖŊ 13:7

Ŋɩɩ nɛ nɩtɔɔnʋŋ sii a chɩŋ Solomoŋ nanʋala Rihobuam lɛ, bʋa-la lɛ dɩ ʋ fa ŋaa hambie, ʋ fa bɩ wɩaa ma jɩŋ dɩ ʋ wuo kiriba.

WƖA YƖƖLAA 101:8

Tapʋlɩɩ na-kala mɩ jaŋ chei nɩbɔŋŋɔɔ la tinteeŋ lɛ. Mɩ jaŋ kiri wʋbɔŋ-ŋaaraa ta dɩ ba lɩɩ La Tɩɩna tabalɩŋ lɛ.

WƖA YƖƖLAA 28:4

Joŋ ba wʋŋaalaa arɩ ba tɩntɩŋ-bɔmɔ-la ba sɩ tɩma chɩmɩŋ a tiŋ ba lɛ. Joŋ ba wʋŋaalɩa-la chɩmɩŋ tiŋ ba lɛ. Timba magɛ ŋɩɩ ba sɩ maga dɩ ba laa.

WƖA YƖƖLAA 62:12

chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

WƖA YƖƖLAA 7:16

Wɩalɩŋ ba sɩ hɛ yie gʋra nyʋa ba nyuŋ lɛ. Ba tɩtɩa wʋbɔŋŋɔɔ nɛ gʋra yɛrɛ ba nyuŋ.

WƖA YƖƖLAA 75:10

Ʋ jaŋ leŋ dɩ nɩbɔŋŋɔɔ doluŋ dɛrɛ, aŋ ka tʋɔpʋl tɩŋŋaa kɛŋ doluŋ a yʋgɛ.

MOSIS KƐŊ IZIRAL TƖŊŊAA LƖƖ 21:12

Dɩ nʋʋkala nɛ ŋmoo ʋ dɔŋɔ tɩɩna dɩ ʋ sʋʋ, ʋ maga dɩ ma kpʋ ʋ ma nɛ.

NAMAGABA 20:8

Dɩ kuoro nɛ hɔŋ ʋ kuoru kpasa nyuŋ dɩ ʋ dii sarɩya, ʋ yie beŋ nɛ a chagɩsa jɩŋ wʋbɔmɔ-la kala sɩ hɛ nɩmɛ.

NAMAGABA 25:5

Dɩ ba nɛ lɩɩsɛ nɩbɔmʋŋ kuoro sɩpaaŋ, wʋtɩtɩɩ jaŋ leŋ dɩ ʋ kuoruŋ chɩŋ kpaŋ kpaŋ.

AZAAYA 3:11

Wɩɩŋ puu nɩbɔŋŋɔɔ, wʋlɔrʋŋ jʋʋba nɛ. Wʋbɔmɔ-la ba sɩ ŋaa nɩaa lɛ chɩmɩŋ jaŋ tiŋ ba tɩtɩa lɛ.

AZAAYA 7:4

Bʋla pʋ, dɩ ʋ fɩɛlɛ ʋ sɩaa a leŋ dɩ ʋ yaraa pɛ dɔŋɔ lɛ a sɩ́ leŋe dɩ fawʋllʋŋ kɛnʋ dɩ ʋ nandaasɩŋ yʋɔrɛ. Bɛɛ wɩaa, baaŋ-la Reziŋ arɩ Siiria tɩŋŋaa arɩ Remalia nanʋala Pɛka sɩ faasa na bɩ kʋŋkala ŋaa, ʋ nagɛ nyiniŋ sɩ hɛ daa-kuuŋ lɛ a chɩchɛ ʋ dɩsɛ nɛ.

JƐRƖMAAYA 38:5

Ŋɩɩ nɛ kuoro Zedikaaya bʋl, “Ʋ hɛ ma nɩsɩŋ lɛ nɛ, mɩ bɩ jaŋ wuo bʋl ma sɩ́ ʋ wɩɩkala ŋaa.”

DANƖƐL 6:16

Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”

NAMBABA 32:23

Ama dɩ ma nɛ bɩ ŋɩɩ ŋaa, La Tɩɩna teeŋ ma ŋaa wʋbɔŋ nɛ, ʋ jaŋ dɔgɩsɛma.

Rom Tɩŋŋaa 13:4

Ʋ ŋaa Wɩa tɩntɩnnʋ nɛ dɩ ʋ pɛ ŋ lɛ. Ama dɩ ŋ nɩɩ ŋaa wʋbɔŋŋɔɔ, fɩfáʋ, bɛɛ wɩaa dol-la ʋ sɩ kɛnɛ, ʋ bɩ dol pɛɩ ŋaa. Ʋ ŋaa Wɩa tɩntɩnnʋ nɛ. Nʋʋkala sɩ ŋaa wʋbɔmʋŋ, Wɩa na baanɩŋ ʋ nyuŋ nɛ. Ŋɩɩ nɛ tɩɩ nɩɩ-la sɩɩ beŋ tinteeŋ jaŋ wuo dɔgɩsɛ tɩɩna.

2 Timoti 4:14

Libiru kʋbala ba sɩɩ yɩrɛ Alɛkɩzanda dɔgɩsɛmɛ nɛ woruŋ. Ʋ sɩ ŋaamɛ ŋɩɩ, Wɩa jaŋ fɩsɛ ʋ puruŋ.

SƖPAALAARAA 9:57

Wɩa ha bɩra joŋ nɩbɔŋ wɩalɩŋ Sɛkɛm tɩŋŋaa ma sɩ ŋaa chɩmɩŋ a tiŋ ba lɛ nɛ. Gɩdɩɔŋ nanʋala Jotam ŋmɩaŋ-la sɛnɛ diiba nɛ.