2 SAMƲƐL 24:2 - WƖA TENIŊ

² Ŋɩɩ nɛ kuoro bʋla pɩ Jʋab arɩ ʋ laalɩyuori-hɩasɩ-la kala sɩ hɛ ʋ teeŋ, “Má mʋ Iziral doho doho-la kala tʋɔŋ a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ a kaa mʋ Bɛɛsɩba sɩ hɛ wɩɩpɔsʋŋ nadiiŋ dɩɩrɩŋ, a dɩɩsɛ laalɩyuoroo kala dɩ mɩ wuo jɩŋ ba niiŋ.”

2 SAMƲƐL 24:2 ပူးပေါင်းရင်းမြစ်များ

WƖAA DƖ-SUOMUŊ 21:14

Taŋ sɩ pʋla chʋchʋɔ-fɩɛla Abɩraham ŋaa kʋdiilee a ŋaa lɩɩŋ ma hɛ puruŋ tʋɔŋ a joŋo laalɛ Haga aŋ kiri ʋ dɩ ʋ bie ta. Ŋɩɩ nɛ ba lɩɩ jaŋ-la lɛ a mʋ bɩbaarɛ Bɛɛsɩba tintee-hɩlɩɩ-la lɛ.

2 SAMƲƐL 17:11

Wɩɩ-la mɩ-na sɩ jaŋ bʋl nɛ: Leŋ dɩ la yɩrɛ laalɩyuoro-la kala sɩ hɛ Iziral tinteeŋ lɛ, a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ, a kaa mʋ Bɛɛsɩba ma sɩ hɛ wɩɩpɔsʋŋ nadiiŋ dɩɩrɩŋ, dɩ ba kala kʋ hɛ dɔŋɔ, dɩ ŋ laalɩyuoroo yʋgɛ a nagɛ hagɩlɩ-bumbugulo sɩ pɩŋ fuoŋ niiŋ, dɩ ŋ-na tɩtɩa Abɩsalɔm laa ba sɩpaaŋ a kɛmba mʋ laalɩŋ,

2 SAMƲƐL 2:13

Zeruya nanʋala Jʋab, ʋ dɩ Devit tɩntɩnnɩ-hɩasɩŋ lɩɩ chemba lɩɩŋ sɩ pɩŋ lee-la Gibioŋ lɛ. Jʋab sɩ ŋaa Devit nɩaa sɩpaalaara, ʋ dɩ ʋ nɩaa hɔŋ vil-la sɛmɛ dɔŋɔ, Abɩna arɩ ʋ nɩaa ma hɔŋ sɛmɛ dɔŋɔ, ba chaasɛ dɔŋɔ.

2 SAMƲƐL 20:23

Jʋab nɛ fa ŋaa Iziral laalɩyuoroo kala nɩhɩaŋ. Jehoyada nanʋala Benaaya ma nɛ ŋaa nɩalɩŋ sɩɩ pɔ Devit nɩhɩaŋ.

2 SAMƲƐL 23:37

Amɔŋ tɩŋŋaa Zɛlɛk, Bɛɛrɔ tɩŋŋaa Naharaɩ, nɩɩ-la fa sɩɩ kori Zeruya nanʋala Jʋab laalɩyuori kɩaa,

2 SAMƲƐL 24:15

Ŋɩɩ nɛ La TƖƖNA joŋ nyanyal bɔŋŋɔɔ hɛ Iziral tinteeŋ lɛ, a chɩŋ chʋchʋɔ-la a kaa mʋ bʋa-la ʋ sɩ daga. Nɩaa bʋɩ mahɩŋ batori arɩ fii sʋʋ, a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ a kaa mʋ yi Bɛɛsɩba sɩ hɛ wɩɩpɔsʋŋ nadiiŋ dɩɩrɩŋ.

2 SAMƲƐL 3:10

arɩ ʋ jaŋ laa kuoruŋ Sɔɔl doho nɩaa teeŋ a pɩ Devit dɩ ʋ ŋaa kuoro Iziral arɩ Juda tinteeŋ kala lɛ, a chɩŋ Daŋ tinteeŋ sɩ hɛ wɩɩpɔsʋŋ nagʋa dɩɩrɩŋ a kaa mʋ yi Bɛɛsɩba tinteeŋ sɩ hɛ wɩɩpɔsʋŋ nadiiŋ dɩɩrɩŋ.”

2 SAMƲƐL 8:16

Zeruya nanʋala Jʋab nɛ fa ŋaa laalɩyuoro-la nɩhɩaŋ, ka Ahilud nanʋala Jehosafat ma ŋaa nɩɩ-la sɩ ŋmʋnsɛ ba wɩaa bibil,

1 IZIRAL TƖŊŊAA NAABARƖŊ 21:2

Ŋɩɩ nɛ Devit bʋla pɩ Jʋab arɩ ʋ laalɩyuori-hɩasɩ-la kala, “Má mʋ Iziral doho doho-la kala tʋɔŋ a chɩŋ Bɛɛsɩba sɩ hɛ wɩɩpɔsʋŋ nadiiŋ, a kaa mʋ Daŋ sɩ hɛ wɩɩpɔsʋŋ nagʋa a dɩɩsɛ laalɩyuoroo kala dɩ mɩ wuo jɩŋ ba niiŋ.”

2 IZIRAL TƖŊŊAA NAABARƖŊ 32:31

Ama Babɩlɔŋ kuoro sɩ tɩŋ nɩaa dɩ ba kʋ pɩɛsɛ Hezikaaya wɩaa a tɩgɛ wʋmagɩl-la Wɩa sɩ joŋo ŋaa tintee-la lɛ, Wɩa fa leŋu nɛ ka dɩ ʋ na wɩɩ-la sɩ hɛ ʋ tʋɔŋ lɛ.

NAMAGABA 29:23

Nɩɩ-la sɩɩ bigisi ʋ tɩtɩa lɛ yie dii hɩɩsɩŋ nɛ, ama nɩɩ-la sɩ kɛŋ ʋ tɩtɩa muuri, nɩaa yie zizilu nɛ.

JƐRƖMAAYA 17:5

Wɩɩ-la La TƖƖNA sɩ bʋla nɛ ŋ-la: “Ŋmɩaŋ jaŋ dii nɩɩ-la sɩ joŋ ʋ yɩɛlaa hɛ nuhuobiine lɛ, nɩɩ-la sɩ yelli nuhuobiine a joŋu ʋ nɛ ŋaa ʋ doluŋ, arɩ nɩalɩŋ sɩ mɩɩrɛ mɩ-na ma TƖƖNA harɩŋ.

2 Kɔrɩntɩ Nɩaa 12:7

Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.

SƖPAALAARAA 20:1

Ŋɩɩ nɛ Iziral tɩŋŋaa kala, a chɩŋ Daŋ doho nɩaa sɩ hɛ wɩɩ-pɔnʋŋ nagʋa a kaa mʋ Bɛɛsɩba wɩɩpɔsʋŋ nadiiŋ, arɩ Gɩlɩad tinteeŋ nɩaa, ba kala lɩɩ hɛ dɔŋɔ a ŋaa nii-bala a hilimi La TƖƖNA sɩpaaŋ Mɩzɩpa lɛ.