2 SAMƲƐL 24:14 - WƖA TENIŊ

¹⁴ Ŋɩɩ nɛ Devit bʋla pɩ Gad, “Mɩ tʋɔŋ chaasa chei nɛ. Leŋ dɩ la jʋʋ La TƖƖNA nɩsɩŋ, bɛɛ wɩaa ʋʋ fá nɩaa nenige nɛ woruŋ, ama sɩ́ leŋe dɩ la jʋʋ nuhuobiine nɩsɩŋ.”

2 SAMƲƐL 24:14 ပူးပေါင်းရင်းမြစ်များ

2 SAMƲƐL 9:8

Mɛfɩbɔsɛf bɩra tuu kpirimi aŋ bʋl, “Bɛɛ nɛ tɩɩ ŋ chɩl mɩ wɩaa ŋ-la? Mɩ paala bɩ va-sʋʋŋ lɛ kpɩa.”

2 KUOROO 6:15

Elaasa tɩntɩnna sɩ sii chʋchʋɔ-fɩɛla, ʋ na dɩ laalɩyuoroo golli taŋ-la kala chu arɩ janɩŋ arɩ laalɩŋ janɩŋ torukoba. Ʋ tɩntɩnnʋ-la ŋmoo niiŋ a pɩɛsʋ, “Mɩ nɩhɩaŋ, bɛɛ nɛ la jaŋ ŋaa?”

1 IZIRAL TƖŊŊAA NAABARƖŊ 21:13

Ŋɩɩ nɛ Devit bʋla pɩ Gad, “Mɩ tʋɔŋ chaasa chei nɛ. Leŋ dɩ mɩ jʋʋ La TƖƖNA nɩsɩŋ, bɛɛ wɩaa ʋʋ fá nɩaa nenige nɛ woruŋ, ama sɩ́ leŋe dɩ la jʋʋ nuhuobiine nɩsɩŋ.”

WƖA YƖƖLAA 119:156

La Tɩɩna, ŋŋ fá nɩaa nenige nɛ woruŋ, leŋ dɩ mɩ kɛŋ mɩɩsɩŋ arɩ wombie-la ŋ sɩ bile dɩ la tuto sɩ dagɛ ŋɩɩ.

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 130:7

Iziral tɩmma, má joŋ ma yɩɛlaa kala hɛ La Tɩɩna lɛ. La Tɩɩna chonuŋ bɩ dɛrɛ, ʋ kɛŋ doluŋ ma ʋ sɩ jaŋ laama ta.

WƖA YƖƖLAA 145:9

La Tɩɩna wɩaa zɔmɔ nɛ nʋʋkala teeŋ, ʋʋ fá kɩalɩŋ kala ʋ sɩ ŋaa nisusuŋ nɛ.

WƖA YƖƖLAA 51:1

Wɩa, ŋ chonuŋ sɩ bɩ dɛrɛ wɩaa, mɩɩ sʋlʋŋ, fá mɩ nenige. Ŋŋ fá nɩaa nenige kɩŋkɛŋ nɛ. Mɩɩ sʋlʋŋ, joŋ mɩ wʋbɔmɔ-la chɛmɛ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

NAMAGABA 12:10

Tʋɔpʋl tɩŋŋaa yie bibeŋ ba pʋsʋŋ nyuŋ woruŋ nɛ, ama nɩbɔŋŋɔɔ-na woruŋ ŋaanɩŋ ŋaa tʋɔhɛɛŋ nɛ.

AZAAYA 47:6

Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 39:17

Ama mɩ jaŋ laaŋ ta tapʋlɩɩ-la, mɩ-na ma TƖƖNA nɛ bʋla, mɩ bɩ jaŋ joŋuŋ hɛ nɩalɩŋ ŋ sɩɩ fá nɩsɩŋ lɛ.

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

MƖKA 7:19

Ŋ jaŋ bɩra fá la nenige, ŋ jaŋ nʋɔsa tɔ la wʋcheelee aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.

ZƐKARƖYA 1:15

Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’

Jɔɔŋ 12:27

Lɛɛlɛ mɩ tʋɔŋ bɩ dɩ-bala pɩna. Bɛɛ nɛ saa mɩ jaŋ bʋl? Mɩ saa bʋl dɩ mɩ Nyɩmma sɩ́ leŋe dɩ wɩalɩŋ kala sɩ jaŋ ŋaa mɩ lɛ ŋaa koo? Aɩ, mɩ bɩ jaŋ wuo bʋl ŋɩɩ. Wɩaa deemba sɩ jaŋ ŋaa mɩ lɛ wɩaa nɛ tɩɩ mɩ kɔ dʋnɩa.

Fɩlɩpa Nɩaa 1:23

Mɩ hɛ wɩaa deemba balɩa pɛgɛ nɛ. Mɩ fa cho nɛ woruŋ dɩ mɩ lɩɩ dʋnɩa deeŋ lɛ a mʋ Kirisito teeŋ. Ʋ nɛ kpɩa mɩ sɩ jaŋ hɛ dʋnɩa deeŋ lɛ.

1 SAMƲƐL 13:6

Ba sɩɩ yuo laalɩŋ, Iziral tɩŋŋaa na dɩ ba tɔ ba laalɩyuoroo hɛ nɛ, leriŋ lɩma pɩba, ba dɔnsʋŋ jʋʋ faa bʋ-bʋɔsʋŋ lɛ, tɩɩ-lugunuŋ tʋɔŋ, bʋ-pɛgɩsɩŋ lɛ, buotuonuŋ tʋɔŋ, arɩ vilee tʋɔŋ.