2 SAMƲƐL 24:13 - WƖA TENIŊ

¹³ Ŋɩɩ nɛ Gad mʋ Devit teeŋ a bʋl wɩalɩŋ kala La TƖƖNA sɩ bʋla, aŋ pɩɛsʋ, “Ŋŋ chɛ dɩ losuŋ jʋʋ ŋ tinteeŋ jɩsɩŋ batori nɛ koo ŋŋ chɛ dɩ ŋ dʋndɔŋŋɔɔ kiriŋ baarɛ chɛnsɩŋ batori nɛ koo ŋŋ chɛ dɩ nyanyal bɔŋŋɔɔ jʋʋ ŋ tinteeŋ tapʋlaa batori nɛ? Bɩɩnɛ a joŋ ba tʋɔŋ kʋ-la ŋ sɩɩ chɛ, dɩ mɩ mʋ bʋla pɩ nɩɩ-la sɩ tɩmmɛ.”

2 SAMƲƐL 24:13 ပူးပေါင်းရင်းမြစ်များ

2 SAMƲƐL 21:1

Bʋa-la lɛ Devit sɩ ŋaa kuoro, losuŋ fa jʋʋ Iziral tinteeŋ nɛ jɩsɩŋ batori a tɩgɛ dɔŋɔ lɛ. Devit pɩɛsɛ La TƖƖNA dɩ ʋ na wɩɩ-la sɩ tɩɩ. Ŋɩɩ nɛ La TƖƖNA bʋl, “Cheeriŋ lɩɩ Sɔɔl arɩ ʋ dɩa nɩaa nɛ, a tɩŋ nɩalɩŋ ʋ sɩ kpʋa wɩaa, ʋ nɛ kpʋ Gibioŋ tɩŋŋaa.”

2 SAMƲƐL 24:12

Ʋ sɩ, “Mʋ a bʋla pɩ Devit, ‘Wɩɩ-la mɩ-na ma TƖƖNA sɩ bʋla nɛ ŋ-la: Wɩaa batori nɛ mɩ joŋo bibil ŋ sɩpaaŋ. Lɩɩsɛ ba tʋɔŋ kʋ-la ŋ sɩ jaŋ cho dɩ mɩ joŋo ŋaa ŋ lɛ.’ ”

2 KUOROO 8:1

Elaasa fa bʋla pɩ haal-la nɩɩ-la bie ʋ sɩ chɩsa sʋʋŋ lɛ, “Ŋ dɩ ŋ dɩa nɩaa, má lɩɩ tinteeŋ deeŋ lɛ a mʋ hɔŋ lee dɔŋ. La TƖƖNA sɩ losuŋ jaŋ jʋʋ tinteeŋ deeŋ jɩsɩŋ balɩpɛ.”

1 IZIRAL TƖŊŊAA NAABARƖŊ 21:12

Ŋŋ chɛ dɩ losuŋ jʋʋ ŋ tinteeŋ jɩsɩŋ batori nɛ koo ŋŋ chɛ dɩ ŋ dʋndɔŋŋɔɔ kiriŋ baarɛ chɛnsɩŋ batori nɛ koo ŋŋ chɛ dɩ La TƖƖNA leŋ dɩ nyanyal bɔŋŋɔɔ kʋ kpʋ ŋ tinteeŋ nɩaa tapʋlaa batori nɛ, ka dɩ ʋ tɩndaara chei Iziral tinteeŋ? Bɩɩnɛ a joŋ ba tʋɔŋ kʋ-la ŋ sɩɩ chɛ, dɩ mɩ mʋ bʋla pɩ nɩɩ-la sɩ tɩmmɛ.”

WƖA YƖƖLAA 91:6

Ŋ bɩ birimiŋ tʋɔŋ nyanyal bɔŋŋɔɔ sɩɩ kpʋ nɩaa, koo wʋlɔrʋnʋ-la sɩɩ chei nɩaa wɩɩhɛɛ siesee ma ka fá.

MOSIS KƐŊ IZIRAL TƖŊŊAA LƖƖ 7:25

La TƖƖNA sɩ ŋaa Naayɩl fuo-la lɩɩŋ bɩrɩmɛ chalɩŋ ŋɩɩ, ʋ diene a yi tapʋlaa balɩpɛ nɛ.

ƐZƖKƖƐL 14:13

“Nuhuobiiŋ, dɩ tinteeŋ nɩa nɛ ŋaa wʋbɔŋ a bɩ wʋtɩtɩɩ kɛnɛ mɩ teeŋ, mɩ jaŋ dɔgɩsɛba a leŋ dɩ ba kʋduuloo chei ka dɩ losuŋ jʋʋba, dɩ nuhuobiine arɩ pʋsʋŋ kala sʋʋ.

LEVI DOHO NƖAA 26:20

Ma jaŋ tɩŋ pɛɩ, ma baga kɩaa bɩ jaŋ wasɛ, ma tɩɩnɛnɛɛ ma bɩ jaŋ nɛŋ.

LEVI DOHO NƖAA 26:25

Mɩ jaŋ leŋ dɩ laalɩŋ kʋ gɩrɛma a tɩŋ ma sɩ chei nii-la sɩ hɛ mɩ dɩ ma pɛgɛ. Dɩ ma nɛ fá jʋʋ ma tabalaa dɩ ma laa ma mɩɩsɩŋ, mɩ jaŋ joŋ nyanyal bɔŋŋɔɔ hɛ ma lɛ dɩ ma dʋndɔŋŋɔɔ yuo diima.

Luuk 4:25

Ŋɩɩ nɛ Yesu bɩra bʋl, “Má jegili, wʋtɩtɩɩ nɛ mɩ bʋlaa pɩma. Ɩlaaja fa sɩ hɛ ʋ mɩɩsɩŋ lɛ, duonuŋ bɩ nɩa jɩsɩŋ batori arɩ kpaa magɛ dɔŋɔ. Ɩlaaja fa ŋaa Wɩa wʋlaabʋllʋ nɛ. Losuŋ jʋʋ Iziral tinteeŋ woruŋ. Bʋa-la lɛ yo-haalaa yʋga a fa hɛ nɩmɛ.

MOSIS BƖRA WULLI WƖA WOMBIIŊ 28:22

La TƖƖNA jaŋ joŋ nyanyalɩa-la sɩ jaŋ leŋ dɩ ma yʋɔlɛ a hɛ ma lɛ, ʋ jaŋ joŋ yarɩ-lɩŋŋaa hɛ ma lɛ a leŋ dɩ ma yaraa ŋmɛrɛ aŋ leŋ dɩ leriŋ faasa lɩŋ, dɩ hɩlɩŋ chɩŋ dɩ ma baga kɩaa ŋmaamɛ. Wʋbɔŋŋɔɔ deemba jaŋ ŋaa ma lɛ ŋɩɩ deeŋ deeŋ dɩ ma sʋʋ dɛrɛ.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.

MOSIS BƖRA WULLI WƖA WOMBIIŊ 28:27

La TƖƖNA jaŋ joŋ mɔpʋllʋ-la doho ʋ fa sɩ joŋo hɛ Ijipiti tɩŋŋaa lɛ a hɛ ma lɛ dɩ ma yaraa kala ŋaa naawɩɩlaa a tɩtɩsɛ. Daaluno kala tuo sɩ jaŋ wuo vaarɛma.

MOSIS BƖRA WULLI WƖA WOMBIIŊ 28:35

La TƖƖNA jaŋ leŋ dɩ mɔpʋllʋŋ sɩɩ wɩɩ kɩŋkɛŋ ŋmɛrɛ ma naadʋsʋŋ arɩ ma naasɩŋ lɛ ma sɩ bɩ jaŋ wuo tɩɩbɛ. Ba jaŋ ŋmɛrɛ a chɩŋ ma naachɛyɛɛ lɛ a kaa jɩl ma nyu-gbaŋa.

MOSIS BƖRA WULLI WƖA WOMBIIŊ 28:52

Ba jaŋ kʋ gollo chu ma tinteeŋ tasɩŋ kala a yuo dii tasɩ-la ma sɩ saa kɛrɩ-duoruŋ sɩ leŋie a golli a joŋ ma yɩɛlaa hɛ dɩ ba kala tel. Ba jaŋ kʋ gollo chu tintee-la ma TƖƖNA Wɩa sɩ jaŋ joŋo pɩma tasɩŋ kala, a pɔ ma sɩ́ kʋŋkala kaa kʋ jʋʋ koo a kaa lɩɩ,

1 SAMƲƐL 25:17

Beŋ wɩɩ-la tʋɔŋ woruŋ a na ŋɩɩ ŋ sɩ jaŋ ŋaa, bɛɛ wɩaa la nɩhɩaŋ lɔgɛ wɩaa wurisi ʋ dɩ ʋ dɩa nɩaa kala nɛ ŋɩɩ. Ʋ ŋaa nɩbɔŋ nɛ nʋʋ sɩ bɩ jaŋ wuo bʋl wɩaa pʋ.”