2 SAMƲƐL 24:10 - WƖA TENIŊ

¹⁰ Devit sɩ dɩɩsɛ laalɩyuoro-la kala dɛrɛ, ʋ tʋɔbɩɩnaa walɩmʋ. Ʋ bʋla pɩ La TƖƖNA, “Wɩɩ-la mɩ sɩ ŋaa, ʋ chaasa wʋbɔŋ nɛ. Mɩɩ sʋlʋŋ La TƖƖNA, joŋo chɛmɛ, aŋ lɩɩsɛ cheerii-la mɩ-na ŋ tɩntɩnna lɛ. Nɩyaarɩ wɩɩ nɛ mɩ ŋaa.”

2 SAMƲƐL 24:10 ပူးပေါင်းရင်းမြစ်များ

2 SAMƲƐL 12:13

Ŋɩɩ nɛ Devit bʋla pɩ Netaŋ, “Mɩ ŋaa wʋbɔŋ nɛ La TƖƖNA lɛ.” Netaŋ bʋl, “La TƖƖNA joŋ ŋ wʋbɔŋ-la chɛŋ nɛ. Ŋ bɩ jaŋ sʋʋ.

2 SAMƲƐL 24:17

Devit sɩ na Wɩa tɩndaarʋ-la sɩɩ kpʋ nɩalɩŋ, ʋ bʋla pɩ La TƖƖNA, “Mɩ nɛ nɩɩ-la sɩ ŋaa wʋbɔŋ-la a chei wɩaa. Nɩaa deemba nagɛ piesee nɛ. Bɛɛ nɛ ba ŋaa? Mɩɩra dɔgɩsɛ mɩ dɩ mɩ dɩa nɩaa nɛ.”

1 KUOROO 8:35

Dɩ ŋ nɩaa nɛ ŋaa wʋbɔŋŋɔɔ cheyiŋ dɩ ŋ dɔgɩsɛba a pɔ dɩ duonuŋ sɩ́ nɩɩ, dɩ ba nɛ joŋ ba sɩaa chaasɛ ŋ dɩɩ-balɩŋ deeŋ a yɩrɛ ŋ yɩrɩŋ a sʋlʋŋ arɩ ba cheye nɛ aŋ leŋ wʋbɔmɔ-la,

1 IZIRAL TƖŊŊAA NAABARƖŊ 21:7

Wɩɩ-la kuoro sɩ bʋla ma fa ŋaa wʋbɔŋ nɛ Wɩa teeŋ, ŋɩɩ nɛ ʋ dɔgɩsɛ Iziral tɩŋŋaa.

1 IZIRAL TƖŊŊAA NAABARƖŊ 21:8

Ŋɩɩ nɛ Devit bʋla pɩ Wɩa, “Wɩɩ-la mɩ sɩ ŋaa, ʋ ŋaa wʋbɔŋ bal nɛ. Mɩɩ sʋlʋŋ, joŋo chɛmɛ, aŋ lɩɩsɛ cheerii-la mɩ-na ŋ tɩntɩnna lɛ. Nɩyaarɩ wɩɩ nɛ mɩ ŋaa.”

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

2 IZIRAL TƖŊŊAA NAABARƖŊ 32:26

Ŋɩɩ nɛ Hezikaaya bɩrɩma lɩɩ ʋ babii-ballɩɩ-la lɛ, Jerusalɛm nɩaa ma kɛŋ ba tɩtɩa muuri. La TƖƖNA baanɩŋ fɩɛlɛ, ʋ bɩra bɩ ba dɔgʋsɔ Hezikaaya kuoruŋ bʋa lɛ.

JOB 7:21

Ŋ bɩ jaŋ wuo nyalɩmɛ a mʋ tɩgɛ wɩɩ-la mɩ sɩ cheye lɛ, aŋ joŋ mɩ wʋbɔŋ-la chɛmɛɛ? Ʋ bɩ jaŋ dieni, mɩ jaŋ pɩŋ sʋʋŋ bʋa tʋɔŋ. Ŋ jaŋ bee chɛmɛ, ama ŋ bɩ jaŋ namɛ.”

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

MOSIS KƐŊ IZIRAL TƖŊŊAA LƖƖ 10:16

Ŋɩɩ nɛ Ijipiti tinteeŋ kuoro tɩŋ dɩ ba mʋ kɛŋ Mosis arɩ Arɔŋ kɔ lɩma. Ba sɩ kɔ ʋ bʋl, “Mɩ ŋaa wʋbɔŋ nɛ a chei ma dɩ ma TƖƖNA Wɩa.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

NAMBABA 12:11

Ʋ bʋla pɩ Mosis, “Mɩ kʋhɩaŋ, mɩɩ sʋlʋŋ, sɩ́ la dɔgʋsʋ a tɩŋ la sɩ ŋaa nɩyaarɛ wɩɩ-la sɩ ŋaa wʋbɔŋ.

Maak 7:22

a kɛŋ tʋɔ-luŋuŋ, a bɩbɩɩnɛ wʋbɔŋŋɔɔ nɩaa lɛ, a ŋmuŋmoo nɩaa puo, a ŋɩŋaa wʋlɩɩlɩŋ. Ŋ yaraa bibieri nɩaa lɛ, a chichei nɩaa yɩrɩŋ, a bibigisi ŋ tɩtɩa lɛ, a ŋaa nɩyaarɩ.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 8:9

Ba sɩ nɩɩ wɩalɩŋ ʋ sɩ bʋla, ba kala lɩɩ kʋŋ kʋŋ. Ba tʋɔŋ nɩhɩasɩ-la nɛ laa sɩpaaŋ lɩɩ, ka kʋkaanaa tuto, aŋ ka Yesu arɩ haal-la dʋndʋŋa lee-la.

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

1 SAMƲƐL 13:13

Samʋɛl bʋl, “Nɩyaarɛ wɩɩ nɛ ŋ ŋaa ŋɩɩ. Wɩɩ-la ŋ TƖƖNA Wɩa sɩ joŋo pɩŋ dɩ ŋ to nɛ ŋ vɩa ŋɩɩ. Dɩ ŋ nɛ fa tou, ʋ fa jaŋ leŋ dɩ ŋ doho nɩaa nɛ didii kuoruŋ Iziral tinteeŋ lɛ a kaa mʋ wuu.

1 SAMƲƐL 24:5

Devit sɩ keri Sɔɔl gɛrɩ-la niipiniŋ dɛrɛ harɩŋ, ʋ tʋɔbɩɩnaa walɩmʋ ʋ sɩ ŋaa ŋɩɩ.

1 SAMƲƐL 24:6

Ʋ mɩɩra mʋ ʋ nɩaa leriŋ, a bʋla pɩba, “La TƖƖNA bɩ chɛ dɩ mɩ joŋ wʋdoho deeŋ a ŋaa mɩ nɩhɩaŋ nɩɩ-la ʋ sɩ lɩɩsa lɛ, koo dɩ mɩ ŋaaʋ wʋbɔŋ kala, bɛɛ wɩaa La TƖƖNA nɛ lɩɩsʋ ʋ ŋaa kuoro.”

1 SAMƲƐL 26:21

Ŋɩɩ nɛ Sɔɔl bʋl, “Devit, mɩ ŋaa wʋbɔŋ nɛ, mɩɩra kɔ mɩ bii, bɛɛ wɩaa jɩnɩŋ ŋ leŋ mɩ mɩɩsɩŋ pɩmɛ nɛ, mɩ bɩra bɩ jaŋ ŋaaŋ wʋbɔŋ kala. Mɩ wʋŋaalaa ŋaa nɩyaarɛ wɩaa nɛ, mɩ cheeriŋ yʋga.”