2 SAMƲƐL 23:5 - WƖA TENIŊ

⁵ Ŋɩɩ Wɩa sɩ jaŋ pɛ mɩ doho nɩaa lɛ nɛ ŋɩɩ, bɛɛ wɩaa, ʋ nɛ hɛ nii-la sɩ bɩ dɛrɛ a pɩmɛ, nii-la sɩ bɩ jaŋ kɔ dɩ ʋ birige. Nii-la suo nɛ, ʋ bɩ jaŋ kɔ dɩ ʋ kɛnʋ bɩrɩmɛ. Wɩɩ-la kala mɩ sɩɩ chɛ nɛ ŋɩɩ, mɩ jɩma bʋa na-kala ʋ jaŋ ŋaa ŋɩɩ a pɩmɛ.

2 SAMƲƐL 23:5 ပူးပေါင်းရင်းမြစ်များ

WƖAA DƖ-SUOMUŊ 9:16

Bʋa na-kala dɩ duoŋ-sɩa nɛ lɩɩ chɩŋ duoŋ-bɩlɩmbaanaa tʋɔŋ, mɩ jaŋ naʋ a liise yi nii-la sɩ bɩ dɛrɛ mɩ sɩ bile, mɩ dɩ kɩalɩŋ kala sɩ weye tinteeŋ lɛ pɛgɛ.”

2 SAMƲƐL 12:10

Ŋɩɩ wɩaa ŋ dɩ ŋ doho nɩaa bɩ jaŋ kɔ dɩ ma wiese laalɩŋ lɛ, a tɩŋ ŋ sɩ vɩa mɩ niiŋ, aŋ laa Yuria, Hiti tɩɩna-la haala a jaa.’

2 SAMƲƐL 13:14

Ama Amɩnɔŋ bɩ jegile nɩɩ wɩɩ-la ʋ sɩ bʋla. Ʋ sɩ kɛŋ doluŋ a kɩɩ tolo-la ŋɩɩ, ʋ gurigu.

2 SAMƲƐL 13:28

Abɩsalɔm fa bʋla pɩ ʋ tɩntɩnnaa, “Má jegile nɩɩ mɩ teeŋ: Dɩ Amɩnɔŋ nɛ faasa nyʋa sɩnɩŋ a bugi, dɩ mɩ nɛ bʋla pɩma, arɩ ma ŋmobu lo, má kpʋʋ. Má sɩ́ fawʋllʋŋ fá. Mɩ-na nɛ pɩma wombiiŋ. Má kɛŋ bɔɩ-duoŋ.”

2 SAMƲƐL 18:14

Jʋab bʋl, “Mɩ bɩ jaŋ leŋ dɩ ŋ chɩna kɛmmɛ didieni.” Ŋɩɩ nɛ aŋ joŋ tiŋŋee batori a yagɛ hɛ Abɩsalɔm bɔyɛ lɛ, dɩ Abɩsalɔm ha weye, a sagɛ piine-la nyuŋ.

2 SAMƲƐL 7:12

Dɩ ŋ tapʋlaa nɛ yie dɩ ŋ sʋʋ a mʋ ŋ nyɩmmaba teeŋ, mɩ jaŋ lɩɩsɛ ŋ bii-lʋlʋŋ dɩ ʋ dii kuoruŋ ŋ nyuŋ. Mɩ jaŋ leŋ dɩ ʋ kuoruŋ chɩŋ.

2 SAMƲƐL 7:18

Ŋɩɩ nɛ kuoro Devit sii mʋ jʋʋ lɛbɩ-la lɛ Wɩa niiriŋ daga sɩ hɛ, a hɔŋ La TƖƖNA sɩpaaŋ, aŋ chʋɔlʋ a bʋl: “La TƖƖNA Wɩɩjarɩbakɔ, mɩ dɩ mɩ dɩa nɩaa nɛ kʋbɛɛba, ŋ ŋaa wʋbalɩŋ deeŋ la lɛ?

1 KUOROO 1:5

Bʋa kʋbala lɛ, Adonija sɩ ŋaa Devit arɩ Hagɩf nanʋala, sii bigisi ʋ tɩtɩa lɛ a bʋl, “Mɩ jaŋ bil mɩ tɩtɩa kuoruŋ.” Ŋɩɩ nɛ ʋ sii chɛ laalɩŋ janɩŋ torukoba arɩ janɩŋ, arɩ baalaa mahɩŋ balɩa arɩ fii sɩ jaŋ laa ʋ sɩpaaŋ.

1 KUOROO 11:38

Dɩ ŋ nɛ ŋaa wɩalɩŋ kala mɩ sɩ dagɩŋ, a to mɩ wombiee a ŋaa wɩaa ba bʋa lɛ mɩ sɩpaaŋ a kɛŋ wɩalɩŋ kala mɩ sɩ daga a kaa tɩtɩŋ arɩ mɩ tɩntɩnna Devit fa sɩ ŋaa ŋɩɩ, mɩ jaŋ hɛ ŋ teeŋ bʋa na-kala. Mɩ jaŋ leŋ ŋ dɩ ŋ doho nɩaa didii kuoruŋ Iziral tinteeŋ lɛ bʋa na-kala, arɩ mɩ sɩ leŋe Devit doho nɩaa didii kuoruŋ ŋɩɩ. Iziral tinteeŋ kala jaŋ hɛ ŋ nɩsɩŋ lɛ.

1 KUOROO 12:14

aŋ to wɩɩ-la ʋ bapʋɔsɩa-la sɩ dagʋ a bʋl, “Mɩ nyɩmma leŋe ma tɩŋ tɩntɩŋ-duoruŋ nɛ, ama mɩ-na jaŋ leŋ dɩ ma wasa tɩŋ tɩntɩŋ-duoruŋ a kɩɩ ŋɩɩ. Mɩ nyɩmma vɩɩrɛma arɩ kpaasa nɛ, ama mɩ-na jaŋ joŋ hɔɔnʋŋ a hɛ kpaasɩ-bie-la niiriŋ lɛ a kaa vɩɩrɛma.”

WƖA YƖƖLAA 111:9

Ʋ laa ʋ nɩaa ta nɛ, a bil niiŋ ʋ dɩ ba pɛgɛ a kaa mʋ wuu. Ʋ bɩ disiniŋ kɛnɛ, ʋ maga dɩ ma yɩrɛ ʋ yɩrɩŋ.

WƖA YƖƖLAA 119:81

Mɩ kala nɛ bɛsɩmɛ, mɩ sɩ gbɛrɛ dɩ ŋ laamɛ ta. Ama mɩ joŋ mɩ yɩɛlaa kala hɛ ŋ niiŋ wɩaa lɛ nɛ.

WƖA YƖƖLAA 27:4

Wʋbala nɛ mɩ chɩchɛ ŋ teeŋ mɩ Tɩɩna. Wɩɩ-la mɩ sɩɩ chɛ nɛ ŋ-la: Dɩ mɩ hɛ ŋ dɩa lɛ tapʋlɩɩ-kala mɩ mɩɩsɩŋ lɛ a bɩbagɩsɛ ŋ zɔmʋŋ aŋ chʋchʋɔlʋŋ.

WƖA YƖƖLAA 62:2

Ʋ dʋndʋŋa nɛ mɩ dɩ-duoŋ sɩ nagɛ bʋŋ arɩ mɩ Laataara. Wɩɩkala bɩ jaŋ wuo jigisimi.

WƖA YƖƖLAA 89:3

Ŋ bʋla, “Mɩ bil niiŋ nɛ mɩ dɩ nɩɩ-la mɩ sɩ lɩɩsa pɛgɛ, mɩ ŋmɩɛsa pɩ mɩ tɩntɩnna Devit nɛ a bʋl,

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 27:6

Bʋa dɔŋ lɛ, Iziral naapoloo jaŋ tuu tinteeŋ a nagɛ tɩa, a fɩɩlɛ a nɛŋ nɛnɛɛ a su dʋnɩa kala.

AZAAYA 4:2

Wɩaa deemba kala harɩŋ, La TƖƖNA jaŋ leŋ dɩ Iziral tinteeŋ zɔŋ a pɩ nɩalɩŋ sɩ bɩ sʋba. Ba tʋɔŋ jaŋ tɔrɛ dɩ ba bibigisi a tɩŋ kɩalɩŋ ba sɩ pɛrɛ sɩ jaŋ wasɛ tintee-la lɛ.

AZAAYA 54:10

Dɩ peelee nɛ jaŋ wuo jigisi, dɩ dundolluŋ churi ma, ama chono-la mɩ sɩ kɛnɛ arɩŋ na bɩ jaŋ kɔ dɩ ʋ jigise. Nii-la ma mɩ sɩ hɛ pɩŋ arɩ ŋ jaŋ kɛŋ fɩɛlɩŋ bɩ jaŋ birigi. Mɩ-na Nɩɩ-la sɩɩ fá ŋ nisusuŋ nɛ bʋla.

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

AZAAYA 61:8

La TƖƖNA sɩ, “Mɩ-na ma TƖƖNA cho wʋtɩtɩɩ nɛ woruŋ, aŋ bɛrɛ gaarɩŋ arɩ wʋbɔŋŋɔɔ ŋaanɩŋ. Mɩ jaŋ tiŋ mɩ nɩaa arɩ tʋɔpʋla aŋ bil nii-la sɩ bɩ dɛrɛ mɩ dɩ ba pɛgɛ.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

JƐRƖMAAYA 33:21

ŋɩɩ-na, ŋ jaŋ wuo chei nii-la sɩ hɛ mɩ dɩ mɩ tɩntɩnna Devit pɛgɛ, arɩ nii-la mɩ sɩ bile mɩ dɩ Levi doho nɩaa pɛgɛ arɩ ba nɛ ŋaa Wɩɩsʋllɩ sɩpaalaaraa a tɩtɩŋ mɩ sɩpaaŋ, dɩ Devit bɩra sɩ́ doho nʋʋ kɛŋ sɩ jaŋ dii kuoruŋ.

ƐZƖKƖƐL 37:26

Mɩ jaŋ bil niiŋ mɩ dɩ ba pɛgɛ dɩ fɩɛlɩŋ hɛ ba teeŋ a kaa mʋ wuu. Mɩ jaŋ leŋ dɩ ba chɩŋ, a leŋ dɩ ba nɩaa pʋŋa pɛ. Mɩ dɩɩ-balɩŋ jaŋ hɛ ba tʋɔŋ a kaa mʋ wuu.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

Tɩntɩŋŋaa 13:34

Wʋtɩtɩɩ, Wɩa chɩsɛ Yesu sʋʋŋ lɛ nɛ dɩ ʋ sɩ́ pʋa. Ba ŋmʋnsɛ Wɩa teniŋ tʋɔŋ arɩ Wɩa sɩ, ‘Mɩ jaŋ sɛnɛ to ʋ lɛ a pɛ ma lɛ woruŋ arɩ mɩ fa sɩ bʋl ŋɩɩ a pɩ Devit.’

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

Hiburu TƖŊŊAA 6:19

La sɩɩ yɩɛlɛ wɩalɩŋ ŋɩɩ, la jaŋ wuo nyɩrɛ la bɔyɛ a chɩŋ wɩalɩŋ la sɩ laa dii lɛ woruŋ, a wuo jʋʋ Wɩa dɩ-zɔŋ-la, lee-la patɩɩsaŋ-balɩŋ fa sɩ kɛrɛ.

1 SAMƲƐL 2:35

Mɩ jaŋ lɩɩsɛ nɩtɛŋɛ dɩ ʋ ŋaa Wɩɩsʋllɩ sɩpaalaarʋ, a ŋɩŋaa wɩalɩŋ kala mɩ sɩɩ chɛ. Mɩ jaŋ leŋ dɩ ʋ dɩa chɩŋ woruŋ, ʋ jaŋ tɩma pɩpɩ kuoru-la mɩ sɩ lɩɩsa bʋa na-kala.

1 SAMƲƐL 25:28

Mɩɩ sʋlʋŋ, joŋo chɛmɛ dɩ mɩ nɛ bʋl wɩaa yʋyʋgɛ. La TƖƖNA jaŋ leŋ dɩ mɩ nɩhɩaŋ arɩ ʋ dɩa nɩaa nɛ didii kuoruŋ wuu, bɛɛ wɩaa La TƖƖNA laalɩŋ nɛ ʋ yuyuo. A leŋ dɩ ŋ mɩɩsɩŋ kala lɛ, ŋ sɩ́ wʋbɔŋ ŋaa.