2 SAMƲƐL 23:34 - WƖA TENIŊ

³⁴ Ahasɩbaɩ nanʋala Ɛlɩfɛlɛt, Maaka tɩɩna-la, Ahitofɛl nanʋala Ɛlɩam, Gilo tɩɩna-la,

2 SAMƲƐL 23:34 ပူးပေါင်းရင်းမြစ်များ

2 SAMƲƐL 10:6

Amɔŋ tɩŋŋaa sɩ kʋ jɩŋ arɩ ba chaasa dii Devit baanɩŋ lɛ nɛ, ba sii mʋ chɛ Siiria tɩŋŋaa laalɩyuoro-la sɩɩ vɛŋ naasɩŋ lɛ bʋɩ mara a timba ka dɩ ba kʋ yuo laalɩŋ pɩba. Ba lɩɩ tasɩŋ deemba nɛ: Bɛf Rehob arɩ Zoba, a pɛ Maaka kuoro laalɩyuoroo bʋɩ lɛ, arɩ taŋ-la ba sɩɩ yɩrɛ Tob ma laalɩyuoroo bʋɩ fii arɩ balɩa.

2 SAMƲƐL 10:8

Ŋɩɩ nɛ Amɔŋ tɩŋŋaa laalɩyuoroo kʋ lɩɩ a chɩŋ ba tabalɩŋ boi-baalɩŋ lɛ, ka Siiria tɩmma-la sɩ lɩɩ tasɩ-la ba sɩɩ yɩrɛ Zoba arɩ Rehob arɩ nɩalɩŋ sɩ lɩɩ Tob arɩ Maaka, ba-na kiele lɩɩ a hɛ pɔkɔŋ nyuŋ.

2 SAMƲƐL 11:3

Devit tɩŋ nʋʋ dɩ ʋ mʋ bee na kʋbɛɛ nɛ. Nɩɩ-la mʋ aŋ kʋ bʋl, “Bafɩsɛba nɛ, Ɛlɩam tolo, Hiti tɩɩna-la ba sɩɩ yɩrɛ Yuria, ʋ haala nɛ.”

2 SAMƲƐL 15:12

Bʋa-la lɛ Abɩsalɔm sɩ kpʋ pʋsʋŋ a sʋsʋl Wɩɩsʋlʋŋ ŋɩɩ, ʋ tɩma yɩrɛ Gilo tɩɩna kʋbala baa yɩrɛ Ahitofɛl, ʋ lɩɩ ʋ jaŋ Gilo kɔ. Baala deeŋ fa ŋaa nɩalɩŋ sɩ bʋl wɩaa chɩchagɩlɛ kuoro Devit dɔŋɔ nɛ. Ŋɩɩ nɛ Abɩsalɔm tʋɔbɩɩna-la wasa dol, ʋ harɩ-tooroo ma pʋŋa pɩpɛ.

2 SAMƲƐL 15:31

Nʋʋ bʋla pɩ Devit, “Ahitofɛl ma lɩɩ ŋ harɩŋ nɛ, a chɩŋ Abɩsalɔm harɩŋ.” Ŋɩɩ nɛ Devit chʋɔlɛ Wɩa, “La TƖƖNA, leŋ dɩ wɩalɩŋ Ahitofɛl sɩ jaŋ dagɛ kuoro ŋaa wʋpɛɩba.”

2 SAMƲƐL 17:23

Ahitofɛl sɩ na dɩ Abɩsalɔm arɩ Iziral tɩŋŋaa sɩpaalaaraa bɩ wɩalɩŋ ʋ sɩ daga to, ʋ sii kpɩɛrɛ ʋ kakumo a mɩɩra mʋ ʋ jaŋ Gilo. Ʋ sɩ mʋa, ʋ dagɛ ʋ dɩa nɩaa arɩ ʋ tɩntɩnnaa wɩalɩŋ ba sɩ jaŋ ŋaa, aŋ lieŋi ʋ tɩtɩa, a sʋʋ. Ba joŋu hugi ʋ nyɩmma bʋa lɛ.

2 SAMƲƐL 20:14

Sɛba to Iziral doho doho-la kala tʋɔŋ ŋɩɩ a mʋ yi taŋ-la ba sɩɩ yɩrɛ Abɛl Bɛf Maaka. Bɛrɩ tɩŋŋaa kala sii kʋ chemu ba jʋʋ taŋ-la tʋɔŋ.

MOSIS BƖRA WULLI WƖA WOMBIIŊ 3:14

Jaa sɩ ŋaa Manasɛ doho nʋʋ nɛ fa joŋ Basaŋ tinteeŋ sɛmɛ-la ba sɩɩ yɩrɛ Agɔb kala, a kaa mʋʋ yi Gesu tɩŋŋaa arɩ Maakɩ tɩŋŋaa tinteeŋ bʋa. Ʋ fa joŋ ʋ tɩtɩa yɩrɩŋ nɛ a hɛ pɩ tabiisi-la, arɩ jɩnɩŋ kala ba haa yɩrɛ tabiisi-la Jaa tabiisiŋ nɛ.

1 SAMƲƐL 26:6

Devit mɩɩra mʋ ʋ nɩaa teeŋ a pɩɛsɛ Hiti tɩŋŋaa baal kʋbala ba sɩɩ yɩrɛ Ahɩmɛlɛk arɩ Zeruya nanʋala Abɩsaɩ, Jʋab naambie, “Má kʋbɛɛ nɛ jaŋ wuo to mɩ harɩŋ a mʋ Sɔɔl buguŋ?” Abɩsaɩ bʋl, “Mɩ jaŋ mʋ.”