2 SAMƲƐL 22:31 - WƖA TENIŊ

³¹ Mɩ Wɩa, ŋ wombiiŋ chaasa zɔŋ nɛ, ʋ wɩaa ma tʋʋlɛ. Ŋ nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ a chu tɔ nɩalɩŋ sɩ kʋ yuoruŋ.

2 SAMƲƐL 22:31 ပူးပေါင်းရင်းမြစ်များ

2 SAMƲƐL 22:3

Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta. Ŋ nɛ mɩ dɩ-duoŋ, Ŋ nɛ mɩ yie yuori ŋ laamɛ ta. Ŋ nɛ laamɛ ta nɩduoruŋ nɩsɩŋ lɛ.

NƐHƖMAAYA 9:8

Ŋ na dɩ ʋ kɛŋ wʋtɩtɩɩ nɛ ŋ teeŋ, ŋɩɩ nɛ ŋ hɛ niiŋ ŋ dɩ ʋ pɛgɛ arɩ ŋ jaŋ joŋ nɩaa deemba tinteeŋ a pɩ ʋ doho nɩaa: Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Jebus tɩŋŋaa arɩ Gɩgasɩ tɩŋŋaa. Ŋ kɛŋ nii-la ŋ sɩ hɛ kaa tɩŋ nɛ, bɛɛ wɩaa ŋ ŋaa tʋɔpʋl Tɩɩna nɛ.

JOB 34:10

Ŋɩɩ wɩaa ma nɩalɩŋ sɩ jɩŋ wɩaa sɩaa, má jegile nɩɩ mɩ teeŋ. Nʋʋkala jɩma Wɩa bɩ wʋbɔŋ kala ka ŋaa, La TƖƖNA doluŋ kala Tɩɩna bɩ wʋlɔrʋ kala ka ŋaa.

WƖA YƖƖLAA 119:140

Niiri-la ŋ sɩ hɛ chaasa ŋaa wʋtɩtɩɩba nɛ, mɩ-na ŋ tɩntɩnna choba.

WƖA YƖƖLAA 12:6

La Tɩɩna wʋbʋlaa ŋaa wʋtɩtɩɩba nɛ, a nagɛ hɔpʋla ba sɩ chɔ naansɩɩŋ bʋlɩpɛ a lɩɩsɛ disiniŋ ta.

WƖA YƖƖLAA 145:17

La Tɩɩna kɛŋ tʋɔpʋla nɛ a ŋɩŋaa ʋ wɩɩkala, a cho kɩalɩŋ kala ʋ sɩ ŋaa.

WƖA YƖƖLAA 18:30

Mɩ Wɩa, ŋ wombiiŋ chaasa zɔŋ nɛ. Ŋ wɩaa ma tʋʋlɛ. Ŋ nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ, a chu tɔ nɩalɩŋ sɩ kʋ yuoruŋ.

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

WƖA YƖƖLAA 35:2

Paa ŋ laalɩyuori kɩaa vɔɔ a joŋ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ a kʋ laamɛ ta.

WƖA YƖƖLAA 84:9

Ŋ-na Wɩa nɛ chu tɔla, beŋ nɩɩ-la ŋ sɩ lɩɩsa nyuŋ woruŋ.

WƖA YƖƖLAA 91:4

Ʋ jaŋ chu tɔŋ, dɩ wɩɩ sɩ́ŋ jʋʋ. Ʋ wʋtɩtɩɩ jaŋ nagɛ hɔɔ-taala-la laalɩyuoroo sɩ kaa kɛrɛɛ laa bayuori hɛŋŋɛɛ, koo a nagɛ jebiiŋ ba sɩ saa kɛrɛ taŋ a tɔ hɛ ŋ lɛ.

NAMAGABA 30:5

Wɩa niiŋ wʋbʋlaa bɩ cheeri kala kɛnɛ. Ʋ nagɛ hɔɔ-la laalɩyuoroo sɩ kaa kɛrɛ laa bayuori hɛŋŋɛɛ nɛ aa tɔ nɩalɩŋ kala sɩ yuoru.

TƖƖCHA 3:14

Mɩ jɩma kʋŋkala Wɩa sɩ ŋaa jaŋ hɛ nɩmɛ a kaa mʋ wuu. Nʋʋ bɩ kʋŋ wuo kaa pɛ nʋʋ bɩ kʋŋ wuo kaa lɩɩsa ta ma. Wɩa ŋaa ŋɩɩ dɩ nɩaa fɩfáʋ nɛ.

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.