2 SAMƲƐL 22:3 - WƖA TENIŊ

³ Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta. Ŋ nɛ mɩ dɩ-duoŋ, Ŋ nɛ mɩ yie yuori ŋ laamɛ ta. Ŋ nɛ laamɛ ta nɩduoruŋ nɩsɩŋ lɛ.

2 SAMƲƐL 22:3 ပူးပေါင်းရင်းမြစ်များ

WƖAA DƖ-SUOMUŊ 15:1

Ʋ ŋɩɩ harɩŋ nɛ Wɩa bʋl wɩaa a pɩ Abɩram arɩ duosoo tʋɔŋ. Ʋ sɩ, “Abɩram, sɩ́ leŋe dɩ fawʋllʋŋ kɛnɩŋ. Mɩ nɛ jaŋ chu tɔ ŋ lɛ, ŋ time jaŋ yʋgɛ.”

2 SAMƲƐL 22:31

Mɩ Wɩa, ŋ wombiiŋ chaasa zɔŋ nɛ, ʋ wɩaa ma tʋʋlɛ. Ŋ nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ a chu tɔ nɩalɩŋ sɩ kʋ yuoruŋ.

2 SAMƲƐL 22:47

Ŋ-na La TƖƖNA weye nɛ. Mɩ jaŋ dɛnnɩŋ, ŋ kɛŋ doluŋ a nagɛ bʋŋ nɛ. Mɩ jaŋ heele bʋl Wɩa sɩ laamɛ ta yɩrɩ-balɩŋ wɩaa.

2 SAMƲƐL 22:49

Ŋ nɛ laamɛ ta mɩ dʋndɔmɔ-la sɩ cho yuosuŋ woruŋ nɩsɩŋ lɛ, a leŋ mɩ ŋaa nɩbal a kɩɩ ba kala.

2 SAMƲƐL 22:51

Ŋ nɛ leŋe mɩ-na ŋ kuoro Devit yuo dii. Ŋ dagɛ ŋ chono-la sɩ bɩ dɛrɛ nɛ a pɩ mɩ-na, nɩɩ-la ŋ sɩ lɩɩsa arɩ mɩ doho nɩaa a kaa mʋ wuu.”

2 SAMƲƐL 23:3

Iziral Wɩa, nɩɩ-la sɩ kɛŋ doluŋ a nagɛ bʋŋ bʋla pɩmɛ: ‘Dɩ kuoro nɛ kɛŋ tʋɔpʋla a bibeŋ ʋ nɩaa nyuŋ, a to Wɩa niiŋ lɛ a bibemba,

WƖA YƖƖLAA 14:6

Ma wʋbɔŋ ŋaaraa nɩɩ chei wɩalɩŋ summoo sɩ vʋʋra, ama La Tɩɩna nɛ chu tɔ ba lɛ.

WƖA YƖƖLAA 140:1

La Tɩɩna, laamɛ ta nɩbɔŋŋɔɔ nɩsɩŋ lɛ, aŋ pɔmɛ dɩ yuo-hɛɛrɛɛ sɩ́ mɩ wɩɩkala ŋaa.

WƖA YƖƖLAA 140:11

Sɩ́ leŋe dɩ nɩbɔmɔ-la sɩ nyɩɛ wɩaa aa chei nɩaa yɩrɩŋ na dɩchɩnɩŋ tinteeŋ lɛ. Leŋ dɩ wʋlɔrʋnʋŋ paa puu yuo-hɛɛrɛɛ.

WƖA YƖƖLAA 140:4

La Tɩɩna, chu tɔmɛ a lɩɩsɛmɛ nɩbɔmɔ-la nɩsɩŋ lɛ. Laamɛ ta yuo-hɛɛrɛ-la nɩsɩŋ lɛ, nɩalɩŋ sɩ vʋʋra aa paa mɩ naasɩŋ.

WƖA YƖƖLAA 142:4

Mɩ sɩ beŋ mɩ sɛsɩŋ, nʋʋkala tuo dɩ ʋ pɛ mɩ lɛ, mɩ bɩ dɩ-yuori kɛnɛ, nʋʋkala bɩ mɩ wɩaa chɩla.

WƖA YƖƖLAA 144:2

Ʋ nɛ mɩ Wɩa a chomi, ʋ nɛ ŋaa mɩ dɩ-duoŋ arɩ mɩ Laataara, ʋ nɛ chu tɔmɛ, ʋ nɛ mɩ yuori. Ʋ nɛ leŋe mɩ yuo dii tinteyee a kɛŋ doluŋ ba lɛ.

WƖA YƖƖLAA 18:2

La Tɩɩna, ŋ nagɛ bʋŋ nɛ mɩ teeŋ, ŋ nɛ mɩ dɩ-duoŋ, ŋ nɛ laamɛ tɩta. Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta, ŋ nɛ mɩ dɩ-duoŋ.

WƖA YƖƖLAA 27:5

Dɩ wɩaa nɛ jʋʋmɛ tapʋlɩɩ dɔŋ, ŋ jaŋ pɔmɛ. Ŋ jaŋ kɛmmɛ faa ŋ lɛbɩŋ tʋɔŋ, a jommi sagɛ bʋŋ nyuŋ.

WƖA YƖƖLAA 28:7

Ŋ nɛ ŋaa mɩ doluŋ a nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ a tɔmɛ. Mɩ laaŋ dii nɛ, ŋ pɛ mɩ lɛ, mɩ tʋɔŋ kala tɔrɛ mɩ jʋjʋɔsɛ. Mɩ jaŋ lɔllʋŋ a yɩɩ yɩɩlɩŋ a dɛnnɩŋ.

WƖA YƖƖLAA 3:3

Ama ŋ-na La Tɩɩna nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ a tɔmɛ, a leŋ mɩ yuo diiba, mɩ nyuŋ nyaasɛ.

WƖA YƖƖLAA 32:7

Ŋ lɛ nɛ mɩ faa. Ŋ jaŋ pɔmɛ, dɩ wɩaa sɩ́ mɩ jʋʋ. Mɩ jaŋ yɩɩ yɩɩlaa a tɩŋ ŋ sɩ laamɛ ta wɩaa.

WƖA YƖƖLAA 46:1

Wɩa nɛ ŋaa la dɩɩ-duoŋ arɩ la doluŋ. Ʋ kɛŋ ʋ tɩtɩa hɛ dɔŋɔ nɛ dɩ ʋ pɛ la lɛ bʋa na-kala dɩ wɩaa nɛ jʋʋla.

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

WƖA YƖƖLAA 46:2

Ŋɩɩ wɩaa, fawʋllʋŋ bɩ jaŋ kɛnla dɩ tinteeŋ nɛ paala zigili, dɩ peelee gire mʋʋ tuu mʋgʋ-balɩŋ ma,

WƖA YƖƖLAA 46:7

La Tɩɩna doluŋ kala Tɩɩna hɛ la teeŋ nɛ. Jekɔb Wɩa nɛ la dɩ-duoŋ.

WƖA YƖƖLAA 5:12

La Tɩɩna, ŋŋ pɛ nɩalɩŋ sɩ kɛŋ tʋɔpʋla lɛ nɛ. Ŋ chonuŋ chu tɔba a nagɛ laalɩyuoroo sɩ kɛŋ hɔ-taala-la kɛrɛɛ laa bayuori hɛŋŋɛɛ nɛ.

WƖA YƖƖLAA 55:9

La Tɩɩna, kɛŋ mɩ dʋndɔŋŋɔɔ wɩaa vʋgʋmɛ. Sɩ́ leŋe dɩ ba wʋbʋlaa kɛŋ sɩɩ. Mɩ na dɩ ba lɔgɛ yuosuŋ su tabal-la kala.

WƖA YƖƖLAA 59:16

Wɩa, mɩ jaŋ yɩɩ yɩɩlɩŋ tɩgɛ ŋ doluŋ lɛ. Chʋchʋɔŋ, mɩ jaŋ yɩɩ yɩɩlɩŋ tɩgɛ ŋ chonuŋ lɛ. Ŋ nɛ ŋaa mɩ dɩ-duoŋ mɩ yie kʋ yuori, dɩ wɩaa nɛ jʋʋmɛ.

WƖA YƖƖLAA 61:3

Ŋ nɛ ŋaa mɩ dɩɩ-duo-la sɩ kɛŋ doluŋ mɩ sɩ yie yuori, a laa mɩ tɩtɩa mɩ dʋndɔŋŋɔɔ nɩsɩŋ lɛ.

WƖA YƖƖLAA 71:7

Nɩaa yʋga nɛ aa to mɩ naabʋɔsʋŋ, bɛɛ wɩaa ŋ nɛ ŋaa mɩ dɩ-duoŋ mɩ yuori.

WƖA YƖƖLAA 72:14

Ʋ jaŋ laaba ta nɩalɩŋ sɩ nyagɛba bil arɩ yuo-hɛɛrɛɛ nɩsɩŋ lɛ. Ʋ chaasa chɩl ba mɩɩsɩŋ wɩaa nɛ.

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

WƖA YƖƖLAA 84:9

Ŋ-na Wɩa nɛ chu tɔla, beŋ nɩɩ-la ŋ sɩ lɩɩsa nyuŋ woruŋ.

WƖA YƖƖLAA 86:14

Wɩa, sɩɩ-duo tɩŋŋaa ka yuomi nɛ. Nɩalɩŋ sɩ bɔmɔ kɩŋkɛŋ hɛ dɔŋɔ nɛ aa chɛ dɩ ba lɩɩsɛ mɩ mɩɩsɩŋ, ba bɩŋ kaa tɩtɩŋ.

WƖA YƖƖLAA 9:10

Nɩalɩŋ sɩ jɩmɩŋ joŋ ba yɩɛlaa hɛ ŋ lɛ nɛ. Ŋ bɩ nɩalɩŋ sɩ kɔ ŋ teeŋ kire tɩta.

WƖA YƖƖLAA 9:9

La Tɩɩna nɛ nɩalɩŋ wɩaa sɩ nyaga bil yie fá mʋ yuori, ʋ nɛ dɩ-duo-la nɩaa sɩ yie fá mʋ dɩ wɩaa nɛ jʋʋba.

MOSIS KƐŊ IZIRAL TƖŊŊAA LƖƖ 15:2

La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ aa dagɛ wɩalɩŋ ʋ sɩ ŋaa. Ʋ nɛ ŋaa mɩ Laataara. Ʋ nɛ ŋaa mɩ Wɩa, mɩ jaŋ dɛnnʋ. Ʋ nɛ ŋaa mɩ nyɩmma Wɩa, mɩ jaŋ leŋ dɩ ʋ yɩrɩŋ yɩrɛ.

NAMAGABA 18:10

La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

NAMAGABA 30:5

Wɩa niiŋ wʋbʋlaa bɩ cheeri kala kɛnɛ. Ʋ nagɛ hɔɔ-la laalɩyuoroo sɩ kaa kɛrɛ laa bayuori hɛŋŋɛɛ nɛ aa tɔ nɩalɩŋ kala sɩ yuoru.

AZAAYA 12:2

Wʋtɩtɩɩ, Wɩa nɛ ŋaa mɩ Laataara, mɩ jaŋ laaʋ dii a bɩ fawʋllʋŋ ka fá. La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ dɛnnʋ, ʋ nɛ ŋaa mɩ Laataara.”

AZAAYA 32:2

Ba kʋŋkala jaŋ nagɛ kʋŋ sɩɩ kɛrɛ peliŋ a bɩra ŋaa lee, dɩ peliŋ nɩɩ lu ŋ sɩ jaŋ wuo fá mʋ a faa. Ba jaŋ nagɛ fuoŋ sɩ pɩŋ tintee-hɩlɩŋ lɛ, a bɩra nagɛ bʋŋ sɩ keese tɔ nɩaa lɛ tintee-la lɛ lɩɩnyʋasʋŋ sɩ faasa hɛ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 16:9

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ŋ mɩɩsɩŋ lɛ, ŋ sɩɩŋ jaŋ na dɩ mɩ leŋe dɩ tʋɔtɔrɛ goŋ-la ba sɩɩ ŋaa kala dɛrɛ, dɩ ha-falaa arɩ ba balaba goŋ ma dɛrɛ leriŋ deeŋ.

Luuk 1:47

Wɩa nɛ ŋaa mɩ Laataara, ŋɩɩ nɛ tɩɩ mɩ jʋjʋɔsɛ.

Luuk 1:69

Ʋ lɩɩsɛ nɩduo nɛ pɩla dɩ ʋ kʋ laala ta. Ʋ lɩɩ Devit doho nɩaa tʋɔŋ nɛ.

Luuk 1:71

arɩ ʋ jaŋ laala ta la dʋndɔŋŋɔɔ arɩ nɩalɩŋ kala sɩ bɛrɛla nɩsɩŋ lɛ.

MOSIS BƖRA WULLI WƖA WOMBIIŊ 32:37

Ʋ jaŋ pɩɛsɛ, “Vesi-la lɛ ma sɩ joŋ ma yɩɛlaa hɛ, nɩɩ nɛ ba hɛ?

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

MOSIS BƖRA WULLI WƖA WOMBIIŊ 33:29

Iziral tɩmma, La TƖƖNA pɛ ma lɛ nɛ. Kʋbɛɛ nɛ nagɛma, ma ŋaa nɩa La TƖƖNA sɩ laa ta nɛ. Ʋ nɛ ŋaa nɩɩ-la sɩ chu tɔma a pɩpɛ ma lɛ. Ʋ nɛ ma laalɩyuoro, ma dʋndɔŋŋɔɔ jaŋ kɔ ma teeŋ a nagɛ ba kɛŋ ba tɩtɩa muuri nɛ a sʋsʋlma, ka dɩ ma vɩa aŋ yuo diiba.

Taatɩs 3:4

Ama la Laataara Wɩa dagɛ ŋɩɩ ʋ sɩ kɛŋ zile arɩ ŋɩɩ ʋ sɩ cho nɩaa nɛ,

Taatɩs 3:6

Wɩa to la Laataara Yesu Kirisito lɛ nɛ a joŋ ʋ Dɩŋ-zɔmʋŋ a hɛ la lɛ woruŋ.

Hiburu TƖŊŊAA 2:13

Ʋ bɩra bʋla, “Mɩ jaŋ joŋ mɩ yɩɛlaa kala hɛ Wɩa lɛ,” a bɩra bʋl, “Na mɩ dɩ ŋ biiri-la kala ŋ sɩ joŋo pɩmɛ nɛ ŋ-la.”

1 SAMƲƐL 2:1

Ŋɩɩ nɛ Hana chʋɔlɛ Wɩa a bʋl, “La TƖƖNA leŋe mɩ tʋɔŋ tɔrɛ nɛ woruŋ. Ʋ nɛ leŋe mɩ kɛŋ doluŋ, aa mɔŋ mɩ dʋndɔŋŋɔɔ. Mɩ tʋɔŋ tɔrɔ nɛ woruŋ ʋ sɩ laamɛ ta.

1 SAMƲƐL 2:2

Nʋʋkala tuo a bɩ disiniŋ kɛnɛ, see La TƖƖNA dʋndʋŋa, nʋʋkala tuo a magʋ. Nʋʋkala tuo a jaŋ wuo pɔla a magɛ la Wɩa.